Tuni Bidi Dabego Po Elalubo Buku Deli 9:2 - Godigo dwagi yai po buku

² Tama nosali te Israel hani dabe meba te kalabus igi pali bulu tagalama, te augwa page bulu, te augwa tǫba me augwa taunba bidagasalio. Te tomode te hasia polasa ma asali hani dabe e tama da, te pris hani dabe me Livai hani dabe badi, te augwa bulali wąį nǫų hani wai dabe te Godigo be tomode sę yali hani bage badi, te gasa we bidi dabe augwali me te polasa ma asai dao.

Tuni Bidi Dabego Po Elalubo Buku Deli 9:2 Iomraidhean Croise

Esra 2:1

Te Israel dabe hauwago te Babilon tǫ pedai tagalama, tama Jerusalemba ma pali, tama te gasa Juda pedai badu me pai, tama augwa hanigo page buluba palio. Te Israel dabe te Babilonde sesabi mu elama, bobobage sogo mu bidalio, te king Nebukatnesargo bidali sogo te Juda haniba hwįgi pelama, tama we bidi hauwa kalabus elama, tama augwali te Babilonba sela pai dao.

Esra 2:43

Te Godigo tempel be tonalubo sę bidi dabe te Jerusalemba ma pali bage, augwali te bidi dabego hani dabe da, Siha, Hasufa, Tabaot,

Esra 2:58

Te Godigo tempel bede sę ebo bidi dabe, me te Solomongo sę yali bidi dabe, te augwa page buluba pali bidi dabego namba e tama, te 392 dao.

Esra 2:70

Te pris dabe me, Livai dabe me, te meba we bidi te Jerusalem tomode bidali, tama pąde me bidali. Tama te musik wabo bidi dabe, me te tempel be tonalubo wasman, me te tempel bede sę ebo bidi dabe, augwali te taun te Jerusalem pąde bidigi pai. Tama te gasa Israel we bidi tigidali te augwa hanigo polobadu bidali page buluba pelama, bidigi pai dao.

Esra 8:20

Tama agai te Godigo tempel bede sę yabo sę bidi hanide me te 220 bidi tagala palali. Polobadu te king Devit dali, aga ofisa dabego dali, te hani wąį nǫų dabe sę bidigo te Livai dabe tau somainu nogo tų ilama, sa muai. Tama te 220 sę bidigo nogi asęani te buku me delide elaluai dao.

Nehemia 10:29

da te dena deli kaneme dabe dali, me te dago tobolu bidi dabe dali sisinagaselama, dago bomo yai po dąų waliyu, te dago Godigo bomai po sesemane sogo wali paibao wai. Te bomo yai po te Godigo te dago wąį nǫų dabeba mayu, te aga sę bidi Mosesgo nogoba mawai. Dago Genuai Bidigo te tama po wai, dago te bomo yai po dabe te bugagia wali peyu, te agai po tigidali me wali pao wali. Tama tibaso, dago te po bomai weyu, te dago wali paibao wali, tama dago te bomai po togolobaso da, teda te Godigo da dolomainao.”

Nehemia 11:1

Te sogo te Israel tobolu bidi dabe te Jerusalemde bidali, tama te meba we bidi augwali gasa hanu dabede bidada pali. Tama augwaligo satu gagali yali, te augwa nogo si hani tomode deli deli hani te Jerusalemba bidigi pabo bage sa mumainogo, te Godigo hanu. Tama te gasa hani meba augwali te gasa meba hanu dabede bidada pali.

Nehemia 7:60

Te Godigo tempel bede sę ebo bidi dabe me, te Solomongo sę bidi dabe dali, te augwa page buluba ma asali bidi, te 392 dao.

Nehemia 7:73

Te pris dabe me Livai dabe, te tonalubo bidi me sę bidi, te Godigo tempel bede sę bidi dabe me, te musik wabo bidi dabe, me te gasa Israel we bidi dabe, tigidali pelama, te augwa taun dabeba digi te Juda Provins tǫ pedaiba bidada palio. Tama te polua 7 wabo polua pedalubo sogode, te tigidali we bidi augwa taunba bidada pela silalio.