Tuni Bidi Dabego Po Elalubo Buku Deli 5:8 - Godigo dwagi yai po buku

⁸ me Bela da. Bela te Asasgo ogwa, tama Asas te Semago ogwa, te Sema Joelgo ogwa da. Te Belago hani dabe augwali te taun Aroerde bidali, te Aroer not badu tǫde bidada pali, te Nebo taunba usu nama, te Balmeon taun dąį igi pai dao.

Tuni Bidi Dabego Po Elalubo Buku Deli 5:8 Iomraidhean Croise

Tuni Bidi Dabego Po Elalubo Buku Deli 5:4

Joelgo hani e tiwai dao. Joel te Semaiago aya, tama Semaia te Gokgo aya, te Gok Simeigo aya da,

Aisaia 15:2

Tama tibaso, te genuai hanu Dibon we bidi augwali te augwa tibo god dabeba lotu wabo pesageba dabe pelama, tama gela wagi pali. Te Moap dabego te hanu Nebo, me hanu Medeba polo dolai yaibaso, gela wali. Augwali hobede mu elama, tama augwa tobolu nisi me penane nisi poala sąyanio.

Aisaia 17:2

Te Aroer dabego hanu dabede we bidi me bidigobeo. Tama tibaso, te bulu dabe te olo sipsip kibu dabego bulu pesage gagawaibao. Tama te sipsip kibu dabe bugagia bidaibao. Magi baso meni. Te augwali wi ilabo bidi mu menia saibao.

Esekiel 25:9

Tialima, eno te boi bidi dabe aselama, te tǫ kantri dąį pąde elalubo te Moap dabego bomai taunba hwįagasomainu yaibao. Te augwaligo te wiegi yai taun dabe dolaibao, te taun Bet Jesimot, me taun Balmeon, me taun Kiriataim dao.

Israel Hanigo Namba 32:34

Tama te Gat hani we bidigo te polobadu bomai obo elaluali te sipsip tomoba muabo obo dabe ma dodolali. Augwaligo hanu Dibon, me Atarot, me Aroer,

Israel Hanigo Namba 32:38

me Nebo, me Balmeon, tama hanu ma geselali. Augwaligo hanu Balmeon nogi ma hasegelali, tama gasa nogi me polali. Tama augwaligo hanu Sipma ma geselali. Tama augwaligo te geselali hanu dabe gesi nogi dabe ma poali.

Bomai Po 32:49

“Nage te Moap dabego bulu du te Abarim bulu duba dabe pao. Te bulu du dabe te Jordan wę pąde elalubao, tama Jeriko hanu te ąį u badu dolo si elalubao. Nage te bulu du Neboba holama, tama eno dage Israel dabebolo mawainogo ebo te buluba tonao.

Bomai Po 34:1

Te Mosesgo te Moap dabego malu bulu tagalama, tama te bulu du Neboba holali, tama te Pisga bulu du boiabiba ugwaba holali, te giliga asobo badu, te Jeriko hanuba dolo si badu. Tama Moses te bulude dolalubadi, Genuai Bidigo agai te Israel dabebolo maiabo tǫ sese tama ola mani. Genuai Bidigo agabolo te Gileat tǫ dage ola menama, tama u badu not badu te Dan hanuba usu nigi pali.

Josua 12:2

Sihon te Amor dabego genuai tuni bidi, aga te Hesbonde bidai. Te agai tonaluali hanu te Aroer tǫde gagalama, te odogo malu elalubo tǫ Arnon sesege dąį igi pelama, tama te bulu badu dąį elama, tama pelama, te wę Jabokba usu nani. Te wę Jabok te bulu Arnon dabe de te Amon dabe dali sigo dąį elaluai. Te hanu te Gileat hanu pedai badu elaluai.

Josua 13:17

tama pelama, te Hesbonba sabolama, te tǫ malu dolo tǫde te tigidali hanu elaluali: Dibon, me Bamotbal, me Bet Balmeon,