Tuni Bidi Dabego Po Elalubo Buku Deli 4:10 - Godigo dwagi yai po buku

¹⁰ Me sogo deli Jabesgo te Israelgo Godiba gedu haluasa po te tiwai wali, “God, eno homugo nago ena tǫ hauwa mao. Te eno homugo nage ena dali bidama ena tau sao, te nago ena bugagia tonaluao, te dwai nai dabego enabolo dene maidalio,” wali. Tialima Godigo agai gedu haluasa po wabo odama, tama Jabesgo agaba hanalu wali sę po tiwai sę yai dao.

Tuni Bidi Dabego Po Elalubo Buku Deli 4:10 Iomraidhean Croise

Tigidali Nai Gagalama Nigali Side 12:2

Te eno nago wąį hani dabe te genuai hani mu pedalumainu yaibao. Te eno nage dali dwagi yai sę mu yaibao. Eno te nago nogi genuai ilaibao. Tama gasa we bidi dabe augwaligo te tiwai po waibao, ‘Eno homugo te Godigo enabolo dwagi yai sę emainao, te agai Abram dali yali tiwai yao.’

Tigidali Nai Gagalama Nigali Side 12:8

Nosali Abramgo te More bulu tagalama, ma pelama, tama dolo nogo pedai badu, te saut wabo, te badu peyu, tama te bulu du elalubo buluba sabolali. Te bulu du dabe elalubo badu te sia ge pedalubo pedai badu, te Betel hanu pąde elalubo madi, te badu bidigi pai. Tama agai te pesage me deli te Betel de Ai hanu si tomode aga ugwa be dabe dodolama, muani. Te hanu Ai te giliga dulubo badu elaluali, te Betel hanu te giliga pedalubo pedai badu elaluali. Tama Abramgo alta sai te bulude me nigilama, te Yawe nogi weyu, agabolo lotu po wai dao.

Tigidali Nai Gagalama Nigali Side 28:20

Tama Jekopgo te tiwai po God dali dąų wali, “Te nage ena dali bidiyu, tama nago ena e bobobage sunumidu pobadi tonaluyu, tama nago ena te nai me, ugwa me menama,

Tigidali Nai Gagalama Nigali Side 28:21

tama ena te ena ayago buluba bugagia ma sabolubaso da, teda nage eno God mu bidaibao.

Tigidali Nai Gagalama Nigali Side 32:26

tama te bidigo Jekopbolo te po wai, “Nago ena tagala palama, ena paio,” wai. “Te pąde be posainogo ebao,” wali. Tiali goli, Jekopgo agabolo te po wai, “Eno nage me tagala palogobeo. Nago te dwagi yai tau sabo po enabolo mayu bolo yao.”

Tigidali Nai Gagalama Nigali Side 32:27

Tama te bidigo Jekopbolo hanalu wali, “Nago nogi de dawe?” Tama Jekop po wei ponani, “Ena nogi te Jekop dao.”

Tigidali Nai Gagalama Nigali Side 32:28

Tialima, te bidigo te po wai, “Megi da, nago nogi te Jekop ma wagobeo. Nago te God dali hwįani, tama bidi dali me hwįai, tama nago nogi ugwaba sali. Tialima, nago gesi nogi te Israel dao.”

Tigidali Nai Gagalama Nigali Side 33:20

Tama agai te alta me deli tede dodolali. Tama agai te alta nogi te tiwai poali, “Te Israelgo God da, te bomo yai God mu dao,” te nogi poali.

Tigidali Nai Gagalama Nigali Side 48:16

Te mobo bidi enselgo tigide pedelali God, te agai ena tonaluyu, tama ena me dolobe, eno homugo aga digi mobo te augwali si momainao. Te eno homugo te eno nogi me, te eno wąį Abrahamgo nogi me, te eno aya Aisakgo nogi me, te augwali sigo hanide elaluaibao. Te augwali sigo wai hauwa mu ame nenama, tama genuai hani bage pedelaibao. Godigo augwali side tama timainao,” wali.

Tuni Bidi Dabego Po Elalubo Buku Deli 16:8

Te Asapgo hani augwaligo te tęąbi yalio, “Dago Genuai Bidi nogi olama, agaba i weyu te agabolo usu da po wao. Te dago po hanilama pusao, te tigidali we bidi haniba te agai yali genuai sę dabe po pusao.

Tuni Bidi Dabego Po Elalubo Buku Deli 4:11

Kelup, te Suhago ama da, aga te Mehirgo aya, tama Mehir te Estongo aya dao.

Tuni Bidi Dabego Po Elalubo Buku Deli 4:9

Bidi me deli bidali, aga nogi da Jabes. Agai kolesaga te wiegi yai mu eyu te aga ama dabego ebo kolesaga aiyaba elaluali. Tama we bidi augwaligo genuai nogi agabolo mawai. Te Jabes aga idago aga ame nani sogo genuai dene ebadi ame nani, tama tibaso agai aga nogi Jabes nogi yali.

Jopgo Po Asęani Elalubo Buku 12:4

Tiali goli, megi da, dage eno abagi dabe, dagego ena gisugu mabo dao. Eno dwagi yai kolesaga naga eyu, tama Godigo gedude dwai sę me ebeo. Tama polobadu da, agai eno gedu haluasa po wabo odai dao. Tiali goli, megi da, dagego gisugu magasobao.

Godigo Nogi Ugwaba Sabo Tęąbi Po Wabo Buku Dabe 119:173

Eno nago bomo yai po tigidali wali paibao, tama tiyu, nago ena sesemane sogo tau sabo sisi elaluao.

Godigo Nogi Ugwaba Sabo Tęąbi Po Wabo Buku Dabe 121:7

Genuai Bidigo te nage tonalu, tama te dwai naigo nage dolidali weyu tiaibao. Agai nage tonaluaibao.

Godigo Nogi Ugwaba Sabo Tęąbi Po Wabo Buku Dabe 145:19

Te agade wi ebo we bidi, te augwali nai meni baso, teda agai augwali nai mabo dao. Tama agai augwali gela wabo odolama, te augwali ma sabo dao.

Godigo Nogi Ugwaba Sabo Tęąbi Po Wabo Buku Dabe 21:4

Agai nageba te bidibo ula mao po hanalu obaso, tama nago aga mawai. Mu tama, nago aga bidibo ula te sesabi mu elama, bidimainu yai.

Godigo Nogi Ugwaba Sabo Tęąbi Po Wabo Buku Dabe 51:12

Polobadu nago ena ma sobaso, te ena dwagi yai homu yai, nage dali. Tama megi eno te homu yai, nago ena te dwagi yai homu kolesaga enabolo ma mao. Nago eno homu kolesaga hodolama, tama nago po eno wali paibao. Eno tama homu kolesaga emainogo nago ena dąų walagameo.

Godigo Nogi Ugwaba Sabo Tęąbi Po Wabo Buku Dabe 51:8

Nago eno homu dwagi yai ma ilao. Mu tamao, nago ena aiyaba elaluai, tama nago eno sęgę wei ponai, tialima, megi eno dwagi yai homu ma yaibao.

Godigo Nogi Ugwaba Sabo Tęąbi Po Wabo Buku Dabe 55:16

Tiali goli, te Godigo ena tau somainu te gedu haluasa po obao. Tama aga digi ena ma saibao.

Godigo Nogi Ugwaba Sabo Tęąbi Po Wabo Buku Dabe 65:2

Nago dago gedu haluasa po wabo odobo dao. Tama tibaso, da tigidali we bidi te nageba asobao.

Godigo Nogi Ugwaba Sabo Tęąbi Po Wabo Buku Dabe 72:17

Tama te bidi hani bagego te kingo nogi homu kone me gegeda palu tagaligio, tama agai genuai te sesabi gana elama, te giliga nanalubo sogo usu nama elalumainu yaibao. Tama tigidali hani we bidigo aga nogi ugwaba sao. Tama augwa te Godiba hanalu, te augwali wiegi yai homu ilibo nai momainu yao wao, te agai te king wiegi yai homu ilali tiwai emainu yao.

Godigo Nogi Ugwaba Sabo Tęąbi Po Wabo Buku Dabe 99:6

Moses dali Aron si te Genuai Bidigo pris bidali, tama Samuel me augwalide te Godiba lotu wali bidi me deli dao. Augwa te Genuai Bidiba gedu haluasa po obaso, tama agai augwaligo gedu haluasa po wabo odai dao.

Bugagia Bidibo Kolesagade Po Asęai Buku 10:22

Te Genuai Bidigo digi dabolo te wiegi yai doado bage hauwa mayu, agai te doado bagego dabolo te sęgę momainu me ebo menio.

Bugagia Bidibo Kolesagade Po Asęai Buku 30:8

nago ena tau somainu eyu, tama eno te tobage tibo po wabo kolesaga dabe te tudiba munama, tama nago ena te mone hauwa elalubo bidi pedalumainu eyu, ma te magi nai meni ebo bidi tiwai pedalumainu eyu me egio. Menio. Nago te ena usu nama nai tama mobaso, te usu dao.

Aisaia 41:10

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

Aisaia 41:17

“Te eno we bidi dabe te ąį mu sǫą pelama, te augwali dogoni te ąį tuabo wa pali sogo, te augwaligo ena i obaso, tialima ena, Genuai Bidi, te eno augwaligo gedu haluasa po wabo odaibao. Ena, te Israelgo God, te eno dage homu kone me gegeda palogobeo.

Jeremaia 33:3

Te nago enaba i wao, tama eno nago te gedu haluasa po wabo wei ponaibao. Te geme dualalubo genuai nai dabe, te nago konesiąwani nai dabe po te nagebolo pusaibao.

Matyu 26:75

Tama megi da Pitago Jisasgo aga dali wali po homugo ma koneanio, “Te ba kakaruk po wasiąbadi, tama nago po sela sogo olama, te nago ena konebeo waibao.” Tama Pita aga te bedu buluba solama, gela geninama mu wai dao.

Matyu 6:13

Te da te dwai sę yanama sinawainogo ebo sogo daba asidali weyu, nago te habu selao. Tama te dwai sę page bidi agai da dolidali weyu te nago da tau sao. [Tama nago te genuai bomo me ula, te genuai nogi me te nagede sesemane sogo bidada paibao. Mu dao, te tama tiwai pedalomainao, te dago homugo dao.]’ Te tiwai eyu, gedu haluasa po wao,” wali.

Dwagi Yai Gesi Po Lukgo Asęani 19:42

Agai te po wali, “Ena wali asobo we bidi dabe augwaligo te boi pibo sunumi konebao. Megi eno homugo boi pibo te page Jerusalem bage dagego megi koneaibao. Tiali goli, te page God agai geme dualali, dagego sube.

Dwagi Yai Gesi Po Jongo Asęani 10:28

Tama eno augwali bidada peyu, bidada pabo bomo mobao, tama augwali munu me isigobeo, hagagobeo. Menio. Bidi me deligo augwali eno nogode ma dobola sabo usu egobeo.

Dwagi Yai Gesi Po Jongo Asęani 21:17

Tama bidama gana, tama sela sogo agai Pitabolo te po ma hanalu wai, “Saimon, nage Jongo ogwa dao, ena da nago abagi dawe?” Tama agai Pita dali sela sogo “Ena da nago abagi dawe?” obaso, Pita aga homu sęgę yai. Tama Pita agai Jisasbolo te po wai, “Genuai Bidi, nago tigidali nai koneai dao. Tama nago koneai dao, nage eno abagi dao,” Pitago te po wai. Tama Jisasgo agabolo te po wai, “Nago enabolo homu muani we bidi augwali eno po nago augwalibolo ola mao.

Godigo Sęba Tagala Palai Bidigo Po 3:26

Tama te sę emai hagede, Godigo aga sę ebo bidi sa munama, dabolo hasia tagala palali. Agai homugo dage tigidaligo dwai kolesaga tagalama, dage bugagia bidaibao,” Pitago te po wai.

Polgo Po Pas Rom Dabeba Asęani 12:9

Duga hasi dagego duga ama dabebolo dwagi yai homu eyu godolo eba wida, teda dagego homu mu naga eyu augwali godolo mu ela pao. Tama tiyu, dagego te dwai kolesagaba tudi mu ola menama, tama dagego te wiegi yai kolesagaba homu mu kęą sao.

Polgo Po Pas Rom Dabeba Asęani 16:19

Dagego Godigo po bugagia wali pabo kolesaga po, te tigidali bidi dabe augwaligo odalio. Tama tibaso, eno wiegi yai homu pemene dagede ebao. Tiali goli eno homugo dagego te wiegi yai doloba pai kolesagade bugagia gisiga koneao. Me ma, te dwai kolesagade eno homugo dage te tobage kolesaga isąyabo homu mu yao.

Efesus 1:3

Dago Godibolo usu da po weyu, agai nogi ugwaba sao. Aga dago Genuai Bidi Jisas Kraisgo Aya dao, agai God dao. Tama da te Krais dali wadolama, tama te da we bidigo gedugo susiąbo bomo elalubo naide, te tobage naide Godigo wiegi yai homu ilibo sę tigidali da dali yai dao. Agai te dago homu noma bidi tau somainogo eyu te wiegi yai homu ilibo sę yai dao.

Efesus 3:20

Te dago Godigo nogi ugwaba mu sinao. Tama agai te wiegi yai kolesaga ebo bomogo da we bidi tomode genuai sę ebo dao. Te sę ebo bomogo te da Godibolo hanaluyu gedu haluasa po wabo me, te dago homude ebo kolesaga te tigidali agai aiyaba elaluyu, tama agai wiegi yai kolesagade sę ebo te genuai mu ebo dao.

Efesus 4:30

Tialima dagego tisiąwani da, dwai meda yai po weyu da, teda dagego te Godigo Mobo Bidi dwai homu dene mu ilaibao. Tama te dwali dao. Te Godigo Mobo Bidi aga wiegi yai tedali mu dao. Tama God agai dage ma dobola sai hagede te dage hagea siyu sa mumainogo eyu agai dagebolo aga Mobo Bidi mawai dao. Tama te Godigo Mobo Bidi dage dali bidibaso, dagego mu konebao, te God agai dage olo mu bidabo bidi nigilabo sogo te nosali mu pedalaibao. Tama tibaso, dwai po weyu aga dwai homu dene mu iligio.

Polgo Si Wali Pas Timotiba Asęani - 2TI 4:18

Te augwaligo dwai kolesaga tigidali ena dali yainu ebo, tede te Genuai Bidigo ena tau selama, tama agai ena ma sai hagede eyu, tama ena oda selama, te aga bomo elalubo bulu te dagaluba sese muaibao, aga we bidi tonalubo sę ebo madiba. Te genuai nogi me bomo te agade sesemane sogo mu bidada peyu, bidada pomainao. Mu dao.

Kraisgo Geme Dualali Sę Pedelabo Po Jonbolo Ola Mani 3:19

Te eno bidi meba wei eyu da, te eno augwali dali wado po weyu, te augwaligo kolesaga eno dodolobo dao. Tama tibaso, nago bomo elama, tama homu hodolama, nago yali dwai kolesagade ge neyu, tama nage homu begelao.

1 Samuel 1:17

Tialima, Eligo te po odama, tama agabolo te po wali, “Tagalao, nage homu nagame elama, tama nage pao. Tama Israel dena Godigo nagebolo nago te hanalubo nai mawaibao.”

1 Samuel 1:20

Tama te Hana haliga elama, tama nosali agai te wai ogwa ame nani. Tama agai te po wai, “Eno Genuai Bidiba hanalu, te wai ena mao obaso, mawai. Tama teyu, eno aga nogi Samuel poali.”

1 Samuel 1:26

Tama Hanago Elibolo te tiwai po wai, “Genuai bidio, nago ena homu kone palalubawe, ma meniwe? Mu tama, ena te we te ede polobadu dolalu, te Genuai Bidiba gedu haluasa po wali we dao.

1 Samuel 1:27

Eno te Genuai Bidiba hanalu, te enabolo wai me deli mao wali, tama agai eno gedu haluasa po wabo odama, tama e wai te enabolo mawai.