Tuni Bidi Dabego Po Elalubo Buku Deli 26:7 - Godigo dwagi yai po buku

⁷ Augwali nogi da e tama elalubao, Otni, me Refael, me Obet, me Elsabat, me Elihu, me Semakia da. Elihu me Semakia augwali sigo te haniani sę ebo kolesaga mu konea pai bidi si dao.

Tuni Bidi Dabego Po Elalubo Buku Deli 26:7 Iomraidhean Croise

Tuni Bidi Dabego Po Elalubo Buku Deli 26:6

Semaia, te Obetidomgo gomunai ogwago, te ogwa meba elaluali. Augwali te wiegi yai bidi dabe, tibaso augwali te augwa hani dabede te tobolu bidi pedelama bidali.

Tuni Bidi Dabego Po Elalubo Buku Deli 26:8

Te Obetidomgo hani sibide te 62 bidi tigidali te tonalubo bidi bidali, tama tigidaligo augwa ebo sę mu koneai dao.

Tuni Bidi Dabego Po Elalubo Buku Deli 9:19

Tama te sogo te Kora hani augwali te Genuai Bidigo pesage elaluali madi augwali te pesage tomoba pabo sunumide tonalubo bidi bidali. Te Finias, te Eleasargo ogwago, augwaligo te ebo sę dabe tonaluali. Genuai Bidi te Finias dali bidimainao, te bidi dabego sulama augwaligo te tama po walio. Tama te Devit bidali sogo, te gasa bidi Salum te aga ama dede dali, te Kora hani bidi dabe da, augwaligo te Genuai Bidigo Sel Ugwa Be sunumi badu tonalubo sę elaluali. Te Salum te Korego ogwa, te Ebiasapgo ogwago ame nenama bulali hani wąį nǫų dao.