Tuni Bidi Dabego Po Elalubo Buku Deli 24:2 - Godigo dwagi yai po buku

² Tialima Nadap me Abihu sigo wai me ame nisiąbadi te augwali si isali, te augwa si aya bidibadi da. Tialima Eleasar me Itamar si naga te pris pedelalio.

Tuni Bidi Dabego Po Elalubo Buku Deli 24:2 Iomraidhean Croise

Ma Dobola Sali 24:1

Genuai Bidigo Mosesbolo te po wai, “Eno homugo nage dali, te Aron, me Nadap, me Abihu, me te Israel dabe genuai bidi, te bidi sese sela olama nogo si bidi dabe, dage ena bidibo te bulu duba ugwa holomainogo yaibao. Tama dage digibulu gana dolaluyu, tama tǫba basi gulama, tama enaba lotu wagameo.

Ma Dobola Sali 24:9

Tama nosali Moses, me Aron, me Nadap, me Abihu, me te Israel dabe genuai bidi, te bidi sese sela olama nogo si tama, augwali te bulu duba holai.

Ma Dobola Sali 29:9

tama augwali tabide te kukulu bagulama, tama augwali tobolude ugwa dage dabe kęnao. Nago tama tiwai sę te Aron aga ogomani dali augwali te pris dabe nigiliyu, tama tiao. Tama te bidi dabe augwali dali, te augwa wąį ogomani nosali pedalubo bage, augwali hanigo naga te pris sę sesemane sogo ela paibao,” wali.

Ma Dobola Sali 6:23

Arongo we Eliseba sai, te Aminadapgo wegi, te Nason aga abe dao. Tama Elisebago wai me si me si ame nai, Nadap, Abihu, Eleasar, me Itamar.

Pris Sę Ebo Bomai Po 10:12

Tama Mosesgo Aron dali aga bidibo ogwa si daliba te po wali, Eleasar me Itamar. Agai te tama po wali, “Dagego te me badu pedai plaua te wit ulubo ofago te Genuai Bidiba ofa yali me badu munalubo sao. Tama te plauago, dagego te yis meni yai bret nigao. Tama dagego te alta pąde te bret tuiyąo, magi baso meni, te nai te olo nai menio, te God aga ofago digi dagebolo mabo dao.

Pris Sę Ebo Bomai Po 10:2

Te polo mu tama Genuai Bidigo te isi tagala palama, augwali si ulama, te augwali si Genuai Bidi gedude isai dao.

Israel Hanigo Namba 18:7

Tiali goli, nage dali nago ogwa dabe dagego naga te pris sę eyu, me te altade sę eyu, me te Tedali Gasagi Yai Mu Be Habude sę eyu, tama iyąo. Eno te pris sę dagebolo te wiegi yai nai tiwai tama mawai dao. Tama tialima, te pris sę, me altade sę, me te Tedali Gasagi Yai Mu Be Habude sę, te dagego sę mu dao. Ma, te bidi me aga eno sa musiąwai bidi aga te sę yainogo asobaso da, teda dagego aga ela muiąo,” Genuai Bidigo te po Aronbolo wai.

Israel Hanigo Namba 26:61

Te Nadap de Abihu si te habu selai isi selama, Genuai Bidibolo ofa yaide isai dao.

Israel Hanigo Namba 3:2

Arongo te ogwa me si me si tama elaluali. Agai te gomunai ogwa te Nadap dao, te tudi badu Abihu, te tudi badu te Eleasar, te tudi badu te Itamar dao.

Israel Hanigo Namba 3:4

Tiali goli, augwali te nai meni yai bulu Sainaide bidiyu, te Nadap de Abihu augwali sigo te wiegi yai denami ebo hano holobo nai selama, tama Genuai Bidibolo te ofa tiwai mani. Te Genuai Bidi agai mao po wasiąbadi, tama tibaso Genuai Bidigo augwali si elama isilali. Tama augwali sigo wai bǫų dabe meni yai dao. Tialima, te Eleasar de Itamar sigo naga te pris sę yai dao, te Aron augwa aya bidibadi.