Tuni Bidi Dabego Po Elalubo Buku Deli 24:1 - Godigo dwagi yai po buku

¹ E da te Arongo ogwa dabe hani sibi dabe da. Arongo ogwa dabe nogi da e tiwai elalubao, Nadap, me Abihu, me Eleasar, me Itamar dao.

Tuni Bidi Dabego Po Elalubo Buku Deli 24:1 Iomraidhean Croise

Tuni Bidi Dabego Po Elalubo Buku Deli 23:6

Te Livai dabede te augwali hani sela elaluali. Augwali te Livaigo ogwa selade te hani pedelali, te ogwa dabe nogi e dao, Gerson, me Kohat, me Merari. Tama Devitgo te Livai dabe te hani selade dobayali, te augwaligo augwa te sę dabe emainu yalio.

Tuni Bidi Dabego Po Elalubo Buku Deli 28:13

Tama me te asęani pode te pris dabeba me Livai dabeba te augwali hani deli deliba te sę yabo kolesaga po dąį eyu, te Genuai Bidigo bede sę yabo kolesaga po obadi yali. Tama te asęani pogo te po weyu, te Genuai Bidigo bede sę yabo plet dabe nigibo kolesaga yabo po walio.

Tuni Bidi Dabego Po Elalubo Buku Deli 6:3

Amramgo ogwa dabe nogi da e tama, Aron me Moses, me te wegi nogi Miriam. Te Arongo ogwa dabe nogi da e tama Nadap, me Abihu, me Eleasar, me Itamar dao.

Tuni Bidi Dabego Po Elalubo Buku Deli 6:34

Samuel te Elkanago ogwa, tama Elkana te Jerohamgo ogwa, tama Jeroham te Elielgo ogwa, te Eliel te Toago ogwa da,

Tuni Bidi Dabego Po Elalubo Buku Si 23:8

Tialima te Livai dabe me te Juda bidi augwaligo te Jehoiadago po wali pali, tama te dei Sabatde te ofisa dabe augwaligo te sę silama toma tuainu soabo bidi dabe siyu, me augwali hasegelama sęba painu ebo bidi dabe me siyu, tama augwaligo te bage sese tama odasa asali. Magi baso meni. Jehoiadago augwali te sę silama toma tuainu me pelamo po wai.

Tuni Bidi Dabego Po Elalubo Buku Si 31:2

Te king Hesekiago te pris dabe me Livai dabe deli deli haniba dobalama, tama augwalibolo te polobadu pris dabe me Livai dabego yali sę tiwai yao po wali. Augwaligo e tobage sę elaluali. Augwaligo te isigo mu dela silibo ofa iyu, me God dali deli homu ebo ofa iyu yabo elaluali. Tama me augwaligo Genuai Bidibolo buba hwi po weyu me agai nogi ugwaba siyu me Genuai Bidigo tempel bede sę dabe hauwa tama iyu yabo elaluali.

Tuni Bidi Dabego Po Elalubo Buku Si 5:11

Te augwaligo te Genuai Bidigo be tomoba te Dąų Wali Bomai Po Munalubo Halobage te muabo sogo bubuga isąbadi, te tigidali haniani pris bidi hani sibi augwa te Godigo gedude wiegi yai pedalobo kolesaga wali pelama yali. Tama te we bidi polo sisinagasai madi da, te Asap, me Heman, me Jedutun, te hani sela augwa wai puluba dabe dali, me augwa deli hani dali, augwali te wiegi yai nala ugwa gudama, tama augwali te giliga asobo badu elalubo alta pąde dolaluali, te tempel be mesalode. Te bidi dabe augwaligo te Livai dabego bidi hani dao, tama augwali te tęąbi po weyu musik elebo bidi dabe dao. Augwaligo haniani gita me bras plet dabe todolaluali. Tama te 120 pris bidi dabego te bu wabo nai biugel nogo tolaluyu, augwali dali dolaluali. Te bidi dabe augwali te musik elebo mu konea pai bidi dabe mu dao. Tama mena sogo augwali sisinama Genuai Bidigo nogi ugwaba siyu, buba hwi po olama tęąbi wabo sogo, te tęąbi po wabo bidi dabe me te biugel bu wabo bidi dabe augwali deliba taluama augwaligo tęąbi po wiegi yai mu wabo dao, tama te dogoni deli mu pedalobo tiwai ebo dao. Te pris bidi dabe augwaligo te Dąų Wali Bomai Po Munalubo Halobage te Genuai Bidigo tempel be tomoba polo muani, tama augwali buluba ma teda soabo sogo da, te musik elebo bidi hanigo biugel bu weyu, te plet bras tama elebo gagalali. Tama augwaligo Genuai Bidigo nogi ugwaba sabo tęąbi po tama wali. Augwaligo tęąbi po e tama tiwai wali, “Dago Genuai Bidiba buba hwi po wainao. Magi baso meni. Aga da, te da dali wiegi yai kolesaga ebo bidi dao. Agai da godolo mu ebo kolesaga te gamonaibao,” wali. Te augwaligo tęąbi po wabo si, polo tama te genuai pǫgo te Genuai Bidigo tempel be pągąna sagasali.

Tuni Bidi Dabego Po Elalubo Buku Si 8:14

Solomongo aga aya Devitgo bomai po dabe me gasa po dabe wali pali, te Godigo sę bidigo po. Tama agai pris bidi dabe deli deli haniba dobayali, te sę tigidali sogo emainogo. Tama agai te Livai dabe te deli deli haniba dobayali, te pris dabe tau selama, te sę emainogo, tama me te Godigo nogi ugwaba sabo tęąbi po me weyu emainu yali. Te Livai dabego augwalibolo emainu deli deli sogo sa muani sę naga ebo dao. Tama me Solomongo deli deli haniba bidi tonaluabo bidi dobayali, te Genuai Bidigo tempel be sunumide tonaluyu emainogo yali.

Esra 6:18

Tama me, te augwa Godigo be tomode te Jerusalemde sę yabo pris bidi dabe, me Livai bidi dabe augwa hani dabe dodolama te nigilalio, te Mosesgo polobadu asęani bukude wali po tiwai gilama te tama tialio.

Ma Dobola Sali 28:1

Genuai Bidigo po ma wadolama weyu, e tiwai po wai, “Moses, nosali nage ma peyu, nago naga ama Aron aga ogwa dabe dali augwali i wao, Nadap, me Abihu, me Eleasar, me Itamar, augwali asomainao. Tama nago augwali te Israel bage tomode selama, tama augwali eno pris bidi pedalomainogo yao.

Ma Dobola Sali 6:23

Arongo we Eliseba sai, te Aminadapgo wegi, te Nason aga abe dao. Tama Elisebago wai me si me si ame nai, Nadap, Abihu, Eleasar, me Itamar.

Israel Hanigo Namba 26:60

Tama nosali Aron aga we selama, te ogwa me si me si ame nani, te Nadap, me Abihu, me Eleasar, me Itamar dao.

Israel Hanigo Namba 3:2

Arongo te ogwa me si me si tama elaluali. Agai te gomunai ogwa te Nadap dao, te tudi badu Abihu, te tudi badu te Eleasar, te tudi badu te Itamar dao.

Israel Hanigo Namba 3:4

Tiali goli, augwali te nai meni yai bulu Sainaide bidiyu, te Nadap de Abihu augwali sigo te wiegi yai denami ebo hano holobo nai selama, tama Genuai Bidibolo te ofa tiwai mani. Te Genuai Bidi agai mao po wasiąbadi, tama tibaso Genuai Bidigo augwali si elama isilali. Tama augwali sigo wai bǫų dabe meni yai dao. Tialima, te Eleasar de Itamar sigo naga te pris sę yai dao, te Aron augwa aya bidibadi.