Tuni Bidi Dabego Po Elalubo Buku Deli 23:4 - Godigo dwagi yai po buku

⁴ Tialima Devitgo te tama po wali, “Te bidi dabe augwalide te 24,000 bidigo te Genuai Bidigo tempel bede sę ebo tonalumainao, me te gasa 6,000 bidigo te ofisade pepa asębo kuskus bidi sę eyu, te po tų odobo sę ebo bidi bidimainao.

Tuni Bidi Dabego Po Elalubo Buku Deli 23:4 Iomraidhean Croise

Tuni Bidi Dabego Po Elalubo Buku Deli 6:48

Te Godigo ugwa be tomode meba gasa sę tigidali yabo, te genuai bidi dabego te Livaigo gasa haniba dąį ilalio.

Tuni Bidi Dabego Po Elalubo Buku Si 19:8

Te augwali Jerusalemba ma asali sogo, Jehosafatgo deli hani wąį delide agai Livai dabe meba sa muyu, me pris dabe meba sa muyu, me tobolu bidi dabe meba sa muyu, me po tų odobo bidi jas, te hani bidi tomode te we bidi augwaligo Genuai Bidigo bomai po sela sąbaso te po tų odabo bidi me sa muyu yali. Tama me Jerusalem tomode bidibo we bidigo wado po wabo dodoliyu yabo me.

Tuni Bidi Dabego Po Elalubo Buku Si 23:18

Tama Jehoiadago te Livai dabede pris meba me Livai dabe meba augwali te Genuai Bidigo tempel be tomode sę yabo tonaluabo bidi meba sa muani. Te bidi hani si augwaligo te polobadu king Devitgo augwa wąį dabebolo polobadu yao wali sę tiwai yao wali. Tama augwaligo Genuai Bidibolo isigo mu dela silibo ofa uluyu yao wali, te Mosesgo bomai pode wali gilama tama tiao wali. Tama me augwaligo te ofa ebo side musik eliyu tęąbi po wabo bidi dabe me tonaluyu yao wali, te Devitgo wali gilama.

Tuni Bidi Dabego Po Elalubo Buku Si 34:13

Augwaligo te be sę yabo nai dabe tolasa bilibo bidi dabe tonaluali, me te Genuai Bidigo obo tomode gasa meba sę ebo bidi dabe tonalubo sę yali. Tama meba Livai dabego kuskus sę yali, tama mebago te Godigo be sunumi tonalubo, te Godigo be obo tomode, tama mebago gasa meba sę dabe yali.

Nehemia 11:22

Usi te Banigo ogwa da, tama wąį nǫų Hasabiago wai. Tama agai te Livai dabe te Jerusalemde tonalu bidali. Usi te Asap hani, tama aga wąį si, me Matania me Mika da. Te Asap hanigo naga te Godigo tempel be tomode te musik elibo sę tonaluai dao.

Nehemia 11:9

Tama Joel, te Sikrigo ogwa da, aga te Benjamingo hanide polalubo bidi bidali. Tama Juda, te Hasenuago ogwa te Benjamin hani da, aga te si wali Jerusalem pedai tobolu bidi dao.

Esekiel 44:24

Te we bidigo nai me delide wado po weyu ebaso da, teda te we bidi augwaligo po te pris bidi dabe augwali tomode bidiyu eno bomai po wali peyu, augwaligo po osola sumainao. Te pris dabe augwaligo eno bodolu muani genuai sogo dabe augwaligo te bomai po wali peyu emainao. Te eno lotu wabo sogo bodolu muani bugagia wali peyu emainao. Tama me te pris dabe augwaligo Sabatde bugagia koneama, tama te sogo te eno si mu dao olama, sa mumainao,” te po wali.

Malakai 2:7

Te pris dabego sę dao, te we bidi dabego ena bugagia konemainu ola mabo sę yao. Te we bidi dabe augwaliba pelama, te eno homu bugagia konemainu yao, magi baso meni, te pris bidi dabego te Tigidali Bomo Elalubo Genuai Bidi eno po pusumainu ebo bidi dabe dao,” wali.

Godigo Sęba Tagala Palai Bidigo Po 20:28

Pol agai te tobolu bidi dabebolo te po wali, “Dua dao. Duga digi dali, te Godigo Dwagi Yai Mobo Bidigo dagego nogode muai we bidi dali, bugagia tonaluao. Tama dagego augwali te kibu sipsip tiwai negebo ąǫ yao. Dagego kone dao, Godigo aga ogwa Jisasgo kanemego te hani aga abelama, aga ma sai dao. Tama dagego augwali bugagia negao. Magi basowe?

Bomai Po 16:18

Tama Mosesgo po geninama weyu, te po wali, “Te dage hani deli deli tomode, dagego te jas me te ofisa dabe sa mumuna pao, te Genuai Bidi dago God agai dage mawainogo ebo te hanu dabede bida bida pabo, te bidi dabe.