Tuni Bidi Dabego Po Elalubo Buku Deli 22:2 - Godigo dwagi yai po buku2 Te Israel hani isąwai hani bidi dabe meba te Israel dabe dali bidali, tama king Devitgo augwali sisinagasomainu i olama, te agai sę augwaliba mawai. Agai meba dąį ilama, te masigi togobo sę emainu yali, tama agai augwaliba te po weyu, “Te masigi dabe bugagia togolama dodolao,” wali, “te Godigo be sę yabo nai dao,” wali. Faic an caibideil |
Tuni Bidi Dabego Po Elalubo Buku Deli 22:2
16 Iomraidhean Croise
Te augwaligo te masigi dabe sali sogo, augwa halama, tama augwa te masigi dabe sabo madi bugagia dodolali. Tama nosali augwa te Genuai Bidigo be sę yainu sela asalio. Tama augwa te be sę ebo sogo, te hama me, hwą me, gasa nai dabe augwa te aingo nigali nai dabe me, te be sę ebo madi te kao me kidagalo me wabeo.
Tama te bidi dabe augwaligo te masigi be sę ebo koneai bidi me, me te masigi togobo koneai bidi me, tama me te ni name me, me te masigi me, te sę yabo doado bage abelebo bidi dabe me tama abelali. Tama me te gasa nai dabe me te nai dabego augwaligo te sę ebo tau sabo da, tama augwaligo te deli monego naga abelebo dao.
Tama augwaligo te monego naga te be sę ebo kapenda bidi dabe dali, tama me te masigigo te be sę ebo koneai bidi dabe me abelao. Tama me te ni name me, te masigi me, abelao,” wali, “tama te me badu bidi dabe augwaligo te togolama, tama bugagia dodola muna silali selama, tama te Genuai Bidigo tempel be ma geseleyu sę yao.
Tialima king Devitgo tigidali we bidiba te tiwai po wai, “Godigo eno ogwa Solomon dąį ilali, tiali goli aga gesi ogwa bidi mu elalubaso, te sę yabo kolesaga hauwa kuna konebeo. Te Genuai Bidi Godigo be sę ebo sę, te bidi dabe dago be sę eyu dua ebo tiwai sę gilama me egobeo. Menio, te genuai sę mu dao.
Tama eno sę bidi dabe te Lebanonba pelama, tama nago te wei ebo ni dabe tigidali geligi paibao, tama augwaligo nabisba aiyaba selasa paibao. Tama augwaligo te ni dabe tamu węde sisinama, tama dąų olama, genuai ni seseba dabe nigiyu kęnaibao. Tama hanu Jopaba te tamu ąįdu tama selasa paibao. Tialima, nago sę bidi dabego te ni dabe te hanu Jopade selama, Jerusalemba ugwa sela holaibao,” te king Hiramgo Solomonbolo te po wei ponoyu asęna tolali.
Te Sairus te Persia tuni bidi kingo te Israel dabebolo te ni bǫ dabe te Lebanon tǫde sao po usu da po walio. Tama te we bidi dabego te nai mayu, te ni oliv du wel me te augwa tobolu bidi dabeba menama, tama augwaligo te bidi dabe te taun Tair me Saidonba tagala palama, te Lebanon dabego ni bǫ abelimainu yai. Tama te Lebanon dabego te ni dabe te tamu węba munama, tama te tamu węgo tolasa aselama, te Jopa taunba homugi palio. Tama me, te Israel dabego te mone te tobolu bidi dabeba menama, te masigi togobo sę ebo bidi me te kapenda bidi dabe te monego abelimainu tiai dao.
Tama polobadu dage te tiwai bidibadi, te dagego Krais aga de dawe, te dagego konebeo. Dage te Israel bidi hani bulu badu bidaluai, te dage God agai hagea sai we bidi hani meni. Te God agai te da Israel we bidi dali dwagi yai sę nosali yabo po olama, tama dabolo polobadu mu pusai dao. Tama te pogo bomo te Godigo dena wąįbolo mu dąų wali po te dao. Tiali goli Godigo dage Israel hani isiąwai we bidi dali te tobage tau sabo dąų wali po wabeo. Tama dage tǫde bidibadi dage dwagi yai homu eyu, te Godigo dage dali wiegi yai sę yabo sogo tonaluai menio. Tama dagego God konesiąwai bidai dao.
Sanasan