Biblia Todo Logo
Bìoball air-loidhne

- Sanasan -




Tuni Bidi Dabego Po Elalubo Buku Deli 18:3 - Godigo dwagi yai po buku

3 Tama nosali, Devit aga ami bidi dabe dali augwa te Hadateser dali boi hwįgi pali, aga te Soba king bidi da. Soba te Siria hani dabego tǫ kantri me deli da, tama te tǫ kanrti Hamat pąde elaluai. Te sogo Hadatesergo aga ami bidi dabe selama, te wę Yufretis u badu pedai badu pabo sę yali, te boi hwįnama te tǫ sai hagede yali. Tama Devitgo hanigo augwali dali deliba gesabi unulama,

Faic an caibideil Dèan lethbhreac




Tuni Bidi Dabego Po Elalubo Buku Deli 18:3
11 Iomraidhean Croise  

Te side digi tama te Yawego tau sabo bomai po Abram dali dąų weyu, tama agai tama po wali, “Te eno te e tǫ tigidali te nago nosali ame nabo bulai wai, te hani dabe augwalibolo mawaibao. Tama te tǫ dąį te wę sesedu te Isip dabe tǫ pedai badu gagalasa, te genuai wę Yufretis teba saboligi paibao, moni tǫ mu.


Te Amon dabe augwa koneani, augwa te tiali kolesagade te Devitgo haliga sębe mu ilabo sę yali homu yai. Tama tiyu, te Devit augwali dali hwįagaselama, augwali aiyaba elaluidali homu eyu, augwa te bidi meba te Siria tǫba tagala palama, te Betrehop bulu bidi dabe me, Soba bulu bidi dabe, augwali dali te bomai po dąų walali. Tama te bulu side te ami bidi umabo mu, te 20,000 bidi tagala palu, te Amon dabe dali hwįbode tau sagasomainu tialio. Tama te Amon dabego te Top bulu bidi dabe dali me te bomai po dąų walama, te ami bidi umabo mu, te 12,000 bidi sainu tiali. Tama te Amon dabego te Maka bulu king bidi dali me bomai po dąų walama, te augwali te Devit dali hwįbode tau sabo ami bidi dabe umabo, te 1,000 bidi me abelama, salio.


Tama nosali, Devit dali, te aga ami bidi dali, augwa te Soba tǫ kingba boi hwįgi pali, aga te Hadateser, te Rehopgo ogwa dao. Soba bulu tǫ te Siria hani bage me deligo tǫ pedai elaluai. Te sogo Hadatesergo aga ami bidi dabe selama, tama te wę Yufretis pedai badu pidubo sę elama, te boi bidi dali hwįainu yali, te aga tǫ pedai ma sainu yali. Tama Devitgo hanigo augwali sisinama,


Tama nosali, Devit dali, te aga ami bidi dabego dali te Moap dabeba boi hwįgi pelama, augwali me aiyaba elaluai. Tama te Moap dabe aga dologode bidiyu, te agaba takis mone madu geai dao.


te boi hwįani digi augwali aiyaba elaluali. Tama Devitgo te Hadatesergo ami bidi dabe umabo salio. Agai te 20,000 ami bidi sobadi, te hosde dugulama hwįbo ami bidi umabo te 7,000 bidi sali. Tama Devitgo te hwįbo karis bidi sese umabo te 1,000 sobadi, te hwįbo karis kekebo hos 100 salio. Tialima Devitgo te gasa hos dabe sągą meba dolai madi te augwali bomona pabo usu isąwai.


Tama megi da aga ami bidi dabe selama, augwali te hanu Hamatba me Sobaba hwįgi pelama, augwali aiyaba elaluama, te hanu si sali.


Polobadu te bomai king dabe te Jerusalemde bidiyu, tama augwaligo te wę Yufretis te badu provins dabe tigidali badu tonaluai. Tama augwaligo te we bidi tigidalide takis mone sai dao.


God, nago da tagalama, tama da te hwįbode aiyaba elalumainu sula tagalalio. Nago dade wado homu elalu, tama nago te tiwai yali. Tiali goli, megi te nage ma asiyu, te da ma tau sagasao.


Nago dago tǫ mali emainu ilama, tama nago te alumainu elama, tama genuai tǫ dedage pedelalio. Megi da, te tǫ mu dolainu ebao. Tialima, nago ma dodolao.


“Tama eno dagego tǫ dąį e tiwai ilaibao, te wę sanede, te mama tamu ąį badu, te Akaba tǫ te badu pelama, te tǫ tomode elalubo genuai tamu ąį Mediterenian teba sabolama, tama genuai wę Yufretis te badu peyu, te masigi kemi elalubo badu teba te dąį sabolaibao. Tama eno bomo dageba menama, tama te tǫde bidibo hani augwali aiyaba elaluama, tama dage te tǫ tomoba peyu, augwali sela sąwaibao.


Te Sol Israel dabego king mu pedelali sogo, aga dali, te aga ami bidi dabe dali, te Israel dabego boi bidi te tigidali tǫ pedaide bidalubo bage dali hwįani. Augwaligo te Moap dabe me, Amon dabe me, Idom dabe dali, me te Filistia dali, me te Soba king dabe dali hwįani. Tama te hwįani te augwaligo te boi bidi dabe tigidali aiyaba elaluama, tama te boi bidi dabeba dene mayu yai dao.


Lean sinn:

Sanasan


Sanasan