Tuni Bidi Dabego Po Elalubo Buku Deli 13:2 - Godigo dwagi yai po buku

^2-3 Tialima nosali te miani po agai te aga dali sisalu bidibo te tigidali Israelba te po pusalio. Agai augwaliba te tiwai po wali, “Eno te tama homu yali, da pelama, te Godigo Dąų Wali Bomai Po Muani Halobage sigi pelama sela asobaso, te wiegi yai egowe te homu ebao, magi baso meni, dago te Dąų Wali Bomai Po Halobage te Sol king bidali sogo homu kone me isąma tagalalio. Tibaso, dagego te tama homu ebo usu da olama, tama te God, dago Genuai Bidigo, homugo dago te Dąų Wali Bomai Po Munalubo Halobage sela asomaina homu ebaso da, teda dago dena abagi dabe te tigidlai habu badu te Israel tǫ pedai kantride bidalubo bage tigidali i waibao. Tama dago te pris dabe me Livai dabe te augwa taunde bidalubo me i waibao. Tama te hani tigidali da dali deliba sisinagasomainao,” te po walio.

Tuni Bidi Dabego Po Elalubo Buku Deli 13:2 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 12:7

Tialima, augwaligo te bidi agabolo e tama po ola mani, “Tialima, nage dwagi yai sę bidi bidainu homu eyu da, teda teya, te hani we bidi dabe augwali nago tau sao, awe, megi nago dwagi yai po me augwalibolo ola mao. Tialima, nago tama teyu da, teda te augwali nage dologode bidaibao,” te po wai.

Tuni Bidi Dabego Po Elalubo Buku Deli 10:7

Tama te odogo bulude bidali Israel tigidali, augwaligo suali, te augwa ami bidi dabe te Filistia dabede wi palio. Tama me augwaligo te tama po odali, Sol dali aga ogwa dabe dali isalio po odalio. Tialima augwa taun dabe digi tagalama, te augwali wi pepelawalio. Tama nosali te Filistia dabe augwa te Israel dabego te taun dabe sagaselama bidalio.

Tuni Bidi Dabego Po Elalubo Buku Deli 13:1

Devitgo te bidi sese hauwa umabo 1,000 ami bidi tonalu, me te bidi sese a naga 100 bidi tonalubo ofisa bidi dabe augwali dali te po mibadi, te gasa tobolu bidi dabe dali me te po pusalio.

Ma Dobola Sali 18:23

Te sę dabe eno nagebolo yao olama po wali, te Godigo digi te sę nago emainogo homu yai. Tama nago eno po wali peyu da, teda te sęgę nage tigi hagela iligobeo. Tama dagego te we bidigo yali sę, me te we bidigo po dodolama, tama augwali homu dua nagame elama, tama augwa buluba ma pelawaibao,” Moses aga wąįgo te po wai.

Bugagia Bidibo Kolesagade Po Asęai Buku 15:22

Te nago sę meba yainogo da, teda hasia bolo nago te homu kolesaga te gasa bidi hauwade sao, tama nago sę te wiegi yai pedalumainao. Nago te tiwai sę isiąwani da, teda nage odolali sę dene yaibao.

Aisaia 37:4

Te Asiria kingo aga ofisa tagala palama, te dago God Genuai Bidiba dwai po wagasomainu yalio, aga te sesemane sogo bidada pabo God dao. Dago homugo Genuai Bidigo te dwai posobo po dabe odama, tama agai te dwai po dabe pusagasali bidi dabeba te dwai dene ilaibao. Tama tiyu, dago homugo nago te Godiba gedu haluasa po weyu, te agai da dwasianu bidalubo hani bidi tau somainao,” po wali.

1 Samuel 31:1

Te Filistia dabego te Israel dabe dali te Gilboa bulu dude hwįnama, tama te Israel bidi hauwa te hwįani madi isali. Tama te gasa Israel dabe te hwįani tagalama, wi pai.