Tuni Bidi Dabego Po Elalubo Buku Deli 12:2 - Godigo dwagi yai po buku

² Augwaligo te enesigigo ene enebo me te katapel tiwai naigo enebo mu konea pai bidi dabe da, te augwaligo dolo nogo badu enebo me pobase nogogo enebo te mu koneai baso tagala wali. Tama augwali te Benjamin hani bidi, Sol te hanidu bulasa asai dao.

Tuni Bidi Dabego Po Elalubo Buku Deli 12:2 Iomraidhean Croise

Tuni Bidi Dabego Po Elalubo Buku Deli 12:29

Te Benjamin hani da, te augwali Solgo deli hani dabe da, augwaligo ami bidi dabe te bidi sese umabo mu 3,000 bidai. Hasia mu te hani bidi hauwa te Sol wali pali, tiali goli megi da augwali te Devitba asalio.

Tuni Bidi Dabego Po Elalubo Buku Deli 12:3

Augwaligo polalubo ofisa bidi, te Ahieser. Te aga ama, Joas, aga te tomo bidi da. Augwali si te Semago ogwa, te Gibea taun bidi. Te gasa bidi dabe nogi e tiwai elalubao, Jesiel me Pelet, te bidi si Asmavetgo ogwa, te Beraka, me Jehu te Anatot taun bidi da,

Tuni Bidi Dabego Po Elalubo Buku Deli 8:40

Te bidi Ulamgo ogwa dabe te bomai ami bidi elalu, te augwaligo te enesigigo enebo sę mu koneai da. Augwaligo wai dabe hauwa elalu, te bulali wąį nǫų wai me hauwa elaluali, te bidi 150 usu elaluai. Te nogi elalubo bidi tigidali te Benjamingo hani dao.

Godigo Nogi Ugwaba Sabo Tęąbi Po Wabo Buku Dabe 78:9

Polobadu te Efraim dabego hwįani, te enesigi enego te hwįai. Tiali goli, te sogo te wąbi hodolama hwįbaso, tama augwali wi pai dao.

Te Israel Tobolu Bidi Dabe 3:15

Tialima, te Israel dabe augwaligo Genuai Bidiba gela obaso, tama agai bidi me deli augwali te boi bidigo nogode bidibo tagalumainu sa muani. Te bidi aga nogi te Ehut, aga te pobase nogo yai bidi, tama te Benjamingo hanide te Gerago ogwa dao. Tama te Israel dabego te gavman tuni bidi Eklon te wiegi yai homu ilibo nai tolali, te Moap gavman bidi bidai, tama te nai te Ehutgo sela pali.

1 Samuel 17:49

Tialima, Devitgo nogo te aga waba munama, tama masigi me deli selama, tama te masigi sąyabo naiba munama, tama Goliatba enani. Te masigigo te Goliat gesabidide dolo dolama, tama aga gebo tomoba bula sigi pelama, tama aga gesabidi tǫba ilama degasa dulali.