Tuni Bidi Dabego Po Elalubo Buku Deli 1:7 - Godigo dwagi yai po buku

⁷ Javan agade bulali wąį nǫų hani bage Elisa, me Tarsis, me Saiprus, me Rodes dao.

Tuni Bidi Dabego Po Elalubo Buku Deli 1:7 Iomraidhean Croise

Tigidali Nai Gagalama Nigali Side 10:4

Te Javango ogwa dabe da, e dao, Elisa, Tarsis, te Saiprus bidi hani me Rodan hani bidi dabe dao.

Tuni Bidi Dabego Po Elalubo Buku Deli 1:6

Gomer agade bulali wąį nǫų hani bage te Askenas, me Rifat, me Togarma dao.

Tuni Bidi Dabego Po Elalubo Buku Deli 1:8

Hamgo ogwa dabe nogi e tama dao, Kus, me Misraim, me Put, me Kenan. Kus agade bulali wąį nǫų dabe Sudan, te Misraim agade bulali wąį nǫų te Isip dabe dao, te Put agade bulali wąį nǫų te Libia dao, te Kenan agade bulali wąį nǫų te Kenan hani dabe dao.

Godigo Nogi Ugwaba Sabo Tęąbi Po Wabo Buku Dabe 72:10

Te Spen king, me te tamu ąį tomo bulu ailan king dabego, teda augwaligo agaba te wiegi yai nai presen dabe mawaibao. Tama te Arebia king me, Itiopia kingo me, teda augwaligo agaba takis mawaibao.

Aisaia 23:1

Genuai Bidigo te hanu Tairde pedalabo sę dabe po mani. Te genuai sip dabe, dage tamu węde bilibo sip dabe, dage hobede elama, gela waiąo. Magi baso meni. Dagego bulu Tair sese tigidali polo dolai dao. Tama tede be me dolalubeo, te bulude. Me, te sip dabe tubo pesage tede dolai dao. Nago te sę te ailan Saiprus tagalama, ma asobode dagego koneaibao.

Aisaia 23:12

Agai e tama po wali, “Sawi yai hanu Saidon, nage wiegi yai homu me ma elama, bidigobeo. Magi baso meni. Nage dolama, mu dolama elaluaibao. Tama tibaso, dage hanu Saidon we bidi, dage hogodama, te ailan Saiprusba piąo. Tama tiali goli, tede me dage bugagia me bidigobeo,” wali.

Aisaia 66:19

Te eno augwali tomode te dąį me deli pedalumainu ilaibao.” “Tialima, eno te hani meba, te dolisąwani hani bage, te digibulu tǫ kantri we bidiba tagala palama, te eno genuai nogi me bomo te eno genuai bomo ebo po odisąwani we bidi dabeba pusugi pomainu yaibao. Te augwali eno te hani dabe Tarsis, me Pul dabe, me Lidia, te haniba tagala palaibao, te Lidia bage augwali enesigigo ene enebo mu konea pai bidi dabe mu, te Tubal me Gris dabeba, te digibulu bidalubo gasa we bidiba me tagala palaibao.

Jeremaia 2:10

Edao. Dage sip sela pelama, te ailan Saiprus te giliga dega sabo badu pelama, te Saiprus dabego kolesaga suao. Tama te bidi dabe dagego te bulu Arebia dabego tǫba te giliga pedalubo badu tagala palama, te augwaligo kolesaga bugagia osola suao. Te dagego subadi, te hani me deligo te duga ebo tobage dwai kolesaga tiwai ebo suaibawe? Mu menio.

Esekiel 27:6

Tama augwaligo te ni kali te bulu Basande selama, te ąį togobo habesege dabe nigai. Tama augwaligo te sip aiyaba mubo soiyame ni te tobage wiegi yai ni me deli te bulu Saiprusde selama, nigali. Tama augwaligo te genuai kibu nogi elefango genuai kele dabe selama, te sip aiyaba sabo soiyame saidu au ilali.

Esekiel 27:7

Tama augwaligo te gasa sawi yai name ugwa pedai te bulu Isipde selama, tego te waligo pogolabo sel nigai. Te name ugwa pedai te haniani augo dodobolo pai selama, te sel nigai. Te sel te sipde walobo ugwa plak tiwai muani. Tama augwaligo te husugu yai me mama yai name ugwa te bulu Saiprusde selama, te sip guni tolasa pabo bidi dulalubo madi seselalumainu muani.

Daniel 11:30

Tama te giliga degasa dulubo badu bidi dabe te Isipba gebadu aselama, tama aga dali hwįbaso, tama aga wi yaibao. Tama agai te wado po dwai mu olama, ma begasa peyu, tama agai te Godiba lotu wabo we bidi dabe dolaibao. Agai te God tudiba mubo bidi dabe dali dwagi yai sę yaibao.

Israel Hanigo Namba 24:24

Te Saiprus dabego te sip geba sela aselama, tama te Asiria de Eber dali hwįnama, augwali aiyaba elaluaibao. Tiali goli, Saiprus dabe me mu tama hagawaibao.”