Tialima, te Idom dabego kaneme me iligo te Genuai Bidigo bainat hwą halua saibao. Te sipsip me meme dabe te bidi dabego te ofa yainu elama, te ofa yainu ebo bidi dabego nogode kaneme piliga pabo tiwai yaibao. Genuai Bidigo te genuai hani we bidi dabe mu te taun Bosra te Idom bulu tǫ kantride elaibao wali, te aga digi genuai ofa ebo tiwai dao.
Tuni Bidi Dabego Po Elalubo Buku Deli 1:44 - Godigo dwagi yai po buku44 Tama Bela isibaso, Jobap, te Serago ogwa, te taun Bosra bidi, te king pedelai dao. Faic an caibideil |
Tuni Bidi Dabego Po Elalubo Buku Deli 1:44
5 Iomraidhean Croise
Te king bidi tiwai bugagia mu au elama, te taun Bosra te tǫ kantri Idom badu tagalama asobo bidi de dawe? Te aga genuai bomo dali wele sesa asobo bidi de dawe? Te aga gudali ugwa tonani te mama mu yalio. “Te ena, Genuai Bidi tama dao. Eno te we bidi dabe ma sabo bomo elalubao, tama eno te tiwai po obao, te eno doloba pai kolesagade, eno te augwaligo boi bidi dabe aiyaba elaluaibao,” wali.
Ena Genuai Bidi, te ena nogide digi eno te tiwai mu po obao, eno te dagego polalubo taun Bosra dwagila mu dolaibao, te aga olo bulu pesage tiwai pedelaibao. Te gasa hani we bidi dabego eno te sę te taun Bosraba yali sę po odama, te augwa wi elama, dwai midigi saibao. Te augwa te Bosrabolo te dwai posobo po waibao. Te hanigo te augwa boi bidi dabede dwai posobo po wabo sogo da, augwa te tiwai po waibao, ‘Dage te Bosra taun dolali tiwai gilama yagameo.’ Eno te tǫ kantri Idom taun tigidali dolama, te dolali te tiwai sesemane elaludaibao,” wali.
Te Genuai Bidigo po ma weyu, te po wali, “Tialima, nosali eno te dage te sogo me bidibo tigidali Israel we bidi sisinani elalueibao. Te eno dage ma sisiniyu, te sipsip tonalubo bidigo te sipsip dabe te oboba ma sela asobo tiwai gilama yaibao,” wali. “Tama te we bidi hauwa dagego tǫde pągąnalueibao, te sipsip dabe te wiegi yai nosai tubo madi pągąnalubo tiwai yaibao,” wali.
Sanasan