Juan 6:7 - Mixteco Yosondúa

⁷ Ti ni kachi Felipe jiin ya: ―Nu na kuaan yo uu ciento xuꞌun staa, ti ni tu kujaa ja kaji yɨvɨ jaꞌa, vasu ni ɨɨn tɨꞌlɨ ɨɨn ɨɨn yɨvɨ naa i ―ni kachi da.

Juan 6:7 Iomraidhean Croise

Mateo 18:28

Ko sa ni kenda muzu un kuaꞌan da, ti ni ndejnaꞌan da jiin ɨnga jnaꞌan muzu da nuu ka junukuachi da un, ti chaa un tau jaku ni xuꞌun nuu maa da. Ti ni jnɨɨ da sukun chaa un, ni kejaꞌa skuaꞌña da chaa, ti ni kachi da: “¡Chunaa ja tau ra nuu ri”! ―kachi da.

Marcos 6:37

Ko ni kachi Jesús: ―Kuaꞌa maa ra naa ra staa na kee i ―kachi ya. Ti ni ka kachi tuku ndajaꞌa un: ―Saꞌa yo jniñu ɨɨn kuiya sa niꞌin yo xuꞌun ja kuaan kuaꞌa yo staa stila ja kuu yɨvɨ jaꞌa. ¿Kuni ni ja xnaa yo xuꞌun nu? ―kachi da.

Juan 1:43

Ɨnga kɨvɨ ti ni kiꞌin Jesús ichi kuaꞌan ya ichi ñuu Galilea. Yukan ni ndejnaꞌan ya jiin Felipe. Ni kachi ya jiin da: ―Ñaꞌan na choꞌo ―ni kachi ya.

Juan 1:44

Ti Felipe ni kuu da ɨɨn chaa ñuu Betsaida, nu kuu ñuu Andrés jiin Pedro.

Juan 1:45

Ni nanduku Felipe Natanael, ti ni kachi da jini da: ―Ja jini ra nava ni chiso Moisés jiin taka ga profeta ni ka kaꞌan da jnuꞌun Yandios na janaꞌan. Ni ka kaꞌan da ja chaa ɨɨn chaa kuñaꞌnu ja kuu ɨnga kuiya. Ni ka ndejnaꞌan ri jiin chaa un, ti maa da kuu Jesús, seꞌe yɨɨ José, chaa ñuu Nazaret ―ni kachi Felipe.

Juan 1:46

Ti ni kachi Natanael jiin Felipe: ―Ti va nu iyo ɨɨn chaa vaꞌa kenda nuu ñuu Nazaret ―ni kachi da. Ti ni kachi Felipe jini da: ―Na choꞌo, ndeꞌe ti kuni ra ―ni kachi da.

Juan 1:48

Ti ni kachi Natanael jiin Jesús: ―¿Nasa ni nakuni ni saña? ―ni kachi da. Ti ni kachi Jesús jiin da: ―Na ti kana ga Felipe xini ra, ti ja ni jini ri roꞌo kande ra ndatɨ nutɨchɨ vixi un ―ni kachi ya.

Juan 12:5

Ti ni kachi da: ―¿Ndoo tu ni xiko ña aceite perfume un? Ti i niꞌin ña uni ciento xuꞌun plata ja chindee ña yɨvɨ ndaꞌu niku ―ni kachi da.