Apocalipsis 7:10 - Mixteco Yosondúa

¹⁰ Ni ka kejaꞌa ka kanajaa i, ti ni ka kachi i: Yandios maa yo kuu ya ni nama saña. Ti maa Lelu Yandios kuu ya ni saꞌa ja ni ka nitaꞌu na. Ni ka kachi i.

Apocalipsis 7:10 Iomraidhean Croise

Lucas 3:6

Ti taka yɨvɨ ñuyɨvɨ nakuni i nasa kii nama Yandios maa i. Siaꞌan ni kaꞌan Juan nava ni chiso Isaías nuu tutu na janaꞌan.

Juan 1:29

Ɨnga kɨvɨ ti ni jini Juan nuu Jesús ja vaji ya nuu kande da, ti ni kachi da jiin yɨvɨ: ―Ndeꞌe naa ra, jaꞌa vaji maa Lelu Yandios, ti kuu ya nanu lelu ni ka jaꞌni yɨvɨ Israel ja ni ka soko i ja na kencha kuachi i. Ti maa ya kuu Lelu Yandios, chi siaꞌan ni chaa ya ja na kencha ya kuachi yɨvɨ ñuyɨvɨ jaꞌa.

Juan 1:36

Ni jini da nuu Jesús ni yaꞌa ya yukan, ti ni kachi da: ―Ndeꞌe naa ra, Chaa un kuu maa Lelu Yandios ―ni kachi da.

Juan 4:22

Roꞌo yɨvɨ ñuu Samaria naa ra, ka nchañuꞌun ra Yandios, ko vanuxia tu ka jini ra nasa kaa Yandios. Ko ruꞌu yɨvɨ hebreo chi ka jini ri nasa kaa Yandios, ka jini ri ja nɨnɨ nuu yɨvɨ hebreo vaji Ɨɨn ja nama sɨkɨ yɨvɨ naa i.

Efesios 2:8

Ti ja ni kundaꞌu ini Yandios roꞌo naa ra kuu ja ni saꞌa ya ja na kandixia ndaa ra taka jniñu ni saꞌa ya. Chi ansu ja ni ka ndoꞌo ini maa ra kuu ja ni ka kandixia ra, chi maa Yandios ni kachi ja siaꞌan ti sa nanitaꞌu ra naa ra.

Apocalipsis 12:10

Yukan ti ruꞌu Juan, ni jinisoꞌo ri ɨɨn ndusu ja kana ichi andɨvɨ, ti kachi: Vijna ti stuu Yandios ja ndiso ya jniñu ñaꞌnu ga. Chi taꞌu ya jniñu, ti ni jaꞌa ya jniñu nuu Cristo ja na nama ya ñani yo jiin kuaꞌa yo. Chi ni keniꞌin ya maa ɨɨn ja kuni kankuachi sɨkɨ maa i naa i. Chi kuu nduu kuu ñuu kuni kankuachi sɨkɨ i nuu Yandios.

Apocalipsis 19:1

Yukan ti ruꞌu Juan, ni jinisoꞌo ri ja kaꞌan ɨɨn ndusu ichi andɨvɨ, ti ni kaꞌan jaa nuu ka kaꞌan yɨvɨ kuaꞌa, ti ni kachi: ¡Na nakanajaa yo Yandios! Maa ni maa ya kuu ja ni nama saña naa na. Ti maa ya kuñaꞌnu xaan, chi maa ya kuu ja ndisojniñu ñaꞌnu ga.

Apocalipsis 21:5

Yukan ti ni kaꞌan maa ya ja kancha nuu mesa un, ti ni kachi ya: ―Ndixia ja nasaꞌa jaa ri taka ja iyo ―ni kachi ya. Ti suni ni kachi ya: ―Chiso ra jnuꞌun jaꞌa, chi taka jnuꞌun jaꞌa kuu ja jini ndixia ra ti jandaa kuu un ―ni kachi ya.

Apocalipsis 22:3

Ti taka ja ka jito uꞌu Yandios tukaa kuu kuɨtɨ kɨvɨ ini ñuu yukan. Maa Yandios kancha ya nuu mesa ja taꞌu ya jniñu jiin Lelu ya. Yukan kanchuku yɨvɨ ya, yɨvɨ ja nuu maa ɨɨn ni maa ya ka junukuachi i. Ti ka chiñuꞌun i maa ya.

Apocalipsis 4:6

Ti nuu mesa ya suni kaa nanu ɨɨn mar ja ndinchaa ii ti skɨyɨ laꞌlɨ nanu vidrio. Ti xiin mesa ya ni jikonduu kuun ja chaku. Ti iyo kuaꞌa nduchi nɨ tuꞌu ichi nuu jiin ichi jata.

Apocalipsis 5:7

Ni jaa maa Lelu un ti ni kiꞌin tutu yɨjnɨ maa ya kancha nuu mesa un.