Mateus 9:2 - Bíblia

² Waneya yine hanikanwakatlu satu jeji hiktehatshri, hijeko hikoluhatshri. Jesus hexinri wanna halixle, wane htshinru hiktehatshri: — Kihle hichinikanupyi. Mturu, pektunu puknojikatka.

Mateus 9:2 Iomraidhean Croise

Mateus 9:22

Waneya Jesus heknojtata, retatkalo. Waneya wane htshinatkalo: — Chrima, kihlehchinikanupyi. Palixle hitskalakyi. Waneya waneklukawhapka potuko tutskalhatka.

Tiago 2:18

Hiyáhoni satu jeji himukata wla tshinreta: “Pixa halixlu hwiya seyni hita rawya kihleru kamhalu.” Waneya hita hihitanru wane tshinatshri. Wla ntshina: “Pekhitanno palixle, kihleru kamhalu mwikatyi seyni hita hekhitanyi nalixle nkamrureymako.”

Atos 19:12

Satkaka yine haniklu Paulo hitakjereru hiyrunu raniksamajereru koxa ranikna waneya yeyixatshine yotneklu. Wan-rixinixkana yeyixatshine hitskalhatka haté kamtshine hichpajyana.

João 21:5

Waneya Jesus wla tshinna: — Maklujine, hi he chima hkachita? Ruhitluna Jesus, wla htshinruna: — Hike, hi satukna.

Mateus 8:10

Waneya xye pirana hjemini Jesus, rimyeka. Waneya wane htshinatkana hixolune yine romkahikanatjene: — Halikaka wane ntshinhi hi israel-nerune tskalako nexyalu xye pixkalutu halixlu.

Mateus 4:24

Jesus pirana Síria tshijne psoluka rupalpiranyehita. Ranikanwakatluna ptowru hixatshri yeyixatshri, satkaka tsru tshino jematshri, kkamtshiterukaka, satkaka hipukalewatatshine, hiyrun-koxa satkaka hiktehatshri waneya Jesus hitskalakna.

Romanos 5:11

Hi wale tsonni seyni xawakni koxa wumuwata Hoyakalu tshinanu hiyrunu Tsru Hixikatshriwa Woyakalute Jesus Cristo tshinanu. Klu tshinanu Jesus Cristo tshinanu wimatletatnaklu Hoyakalu.

Atos 14:9

Xye jeji yijnakotlu Paulo tokanu. Waneya Paulo hetlu, rimathetatkalu xye jeji halixlu hiyrunu rumukata hitskalakletko. Paulo yopukhapotutatkalu.

João 16:33

Xyekaka pirana nunkakatkahi kihle hchinikanurunephi hita tshinanu. Xye tshijne salewnikatshinephi. Seyni kihle hchinikanurunephi klu tshinanu xye tshijne namtakakatka.

Mateus 9:6

Seyni himatjempotuxyawakaplu Jeji Whene tshinkaluru hitakkalurutkani xye tshijiya ruknokhektunuxyawakapna yine” — hiyáhoni Jesus wan-tshinru hiktehatshri: — Pyotunotanu, pkochtshekjekomtanu, pyanutka pipji.

Mateus 8:16

Kayi rixinixka rimxijinixka tkatshi hixolune kkamtshiterune ranikanwakatluna. Waneya Jesus kamtshine maleka ruknoka htokanu tsonuyma hiyrunu ptowruneka yeyixatshine rutskalaka.

João 2:25

Hiyáhoni hi rujhatkalu satu yineru hasrujyawaklu hanu rixa yineru klu tshinanu rimatatkalu yineru hchinikanu hwatshri.

Marcos 5:34

Waneya Jesus wan-tshinro: — Chrima, palixle hitskalakyi. Pyanu kihlehchinikanpatkayi. Kihlepatkayi psalewnakanaxinriya.

Marcos 1:32

Waneya kayi rixinixka rimxijinixka tkatshi ranikyehitluna ptowruneko yeyixatshine hiyrun-koxa kkamtshiterune.

Mateus 6:12

Pamtakahchinikanyehixinwu wektunu pimrine hektunu wamtakahchinikanyehixyawaka pixka.

Mateus 9:5

Hanupothe kihle tshinko? Wla htshinikowaka hiktehatshri: “Pektunu puknojikatka”, ho wla htshinikowaka: “Pyotunotanu pkochtshekjekotanu pyanutka”?

Mateus 14:27

Seyni waneklukawa potuko Jesus wan-tshinna: — Hixkohchinikanuphi, Hitni! Hi hpikanu.

Marcos 6:50

Klu tshinanu rexinixkaluna hpikpotuthonukna. Waneklukawa potuko Jesus hiynumatna wane htshinna: — Hixko hchinikanuphi, Hitni! Hi hpikanu!

Marcos 10:49

Waneya Jesus hitukatka waneya wla htshina: — Htomhanru mtsawa. Waneya htomhaluna waneya wla htshinruna: — Pmixkowahchinikanuyakatanu! Ppalnanu. Htomhayi!

Atos 23:11

Waneya wane pnut-yetshno Tsru Hixikatshriwa Hoyakalu hapoka, Paulo-stsi hyopkaka. Wane htshina: — Papohchinikanutanno! Jerusalém hajene yehi punkakletpiranyehixyano hiyáhoni wane potuko pixanutnaka Roma poktshiya.