Mateus 3:6 - Bíblia

⁶ Waneya ruphujetluna rektunna. Waneya João batiza-tna yine Jordão wenneya.

Mateus 3:6 Iomraidhean Croise

Mateus 3:11

Hita batiza-jethi honhaya himaxikowaka hixa hehchinikanutatka, seyni wale, hapkatatatshri batiza-tanhi Hoyakalu Hiwejikaluruya, tshitshmeroya koxa. Wale hinatshripa hita pnute himukatatshrini. Hikenno hita h-sandalha-te nanijyawaka.

Marcos 1:5

Waneya hyanwakatluna ptowruneko Judeia sreta hajene Jerusalém hajen-koxa João hyijnakoxyawakapna. Waneya ruphujetluna rektunna waneya João batiza-tatkana wanna Jordão wenneya.

Lucas 1:16

Hixolune yine israel-nerune hsatkakanu Tsru Hixikatshriwa Hoyakalu Royakalutna romkahixyawakapna.

Lucas 3:16

Seyni João wan-tshinna yine ptowruneka: — Hita honhayma n-batiz-jethi. Seyni runanu hita yohnik-kahwakpiratkaluru. Hita hi tsru hixikatshriwano nkochpirojyawakaplu h-sapato-tetslu. Wale batiza-tanhi Hoyakalu Hiwejikaluruyma hiyrun-koxa tshitshmeroyma.

Atos 1:5

Klu tshinanu halikaka João batiza-thi honhaya, seyni hi hix-hohnepnitshi hixa batiza-tko Hoyakalu Hiwejikaluruya.

Atos 11:16

Waneya nuchinikatkalu Tsru Hixikatshriwa tokanu wan-tshinyawaka: “Halikaka João batiz-jekanatna honhaya seyni hixa batiza-tkotka Hoyakalu Hiwejikaluruya.”

Atos 19:18

Waneya hixo Cristo halixatshine yinuwaka hiphujtaletluna hkamhalerna hektutu hixowakaya.

Atos 22:16

Ha xawakni, kluhe pkahwakjeta? Ppalnanu, p-batiza-tkotka, pmunanhanru Tsru Hixikatshriwa Hoyakalu ruknojyawakaplu pektunu.”

1 Coríntios 10:2

H-batiza-tkanna wanna ptowrunnika hohimkohiya hiyrun-koxa mar powhaya klu tshinanu Moisés homkahitatshine rixakanaxinnina.

Colossenses 2:12

Waleyma kapnatkalunhi batiza-xikoluyma. H-batiza-tkoklun-koxa Cristo-yma hiwekkaka hipuktshiya hixa halixle tshinanu Hoyakalu kamrure himukatlewatatshri tshinanuya Cristo hiwekkakjeru hipuktshiya.

Hebreus 6:2

Hi batiz-lu pirana tsonu hi myotshi rutakhohoxikolu nuretkaluru pirana hi hipnatshine hiwekkajikowaka pirana hi rapnokaxikolu hike rixiniko mnikawnakatupa pirana tsonu wkochtshetanu.

Hebreus 9:10

Xye nikkaluru pirana, hirkaluru pirana, ptowru hixatshri herojikolu pirana, waleni mantshi hijrexikolkaka piranni. Xyekaka mitshi hkamhajixkana yine haté rerotexikolu hohne hapojinpotpako.

Tiago 5:16

Hiphujetkajinwa hmayxaklekaka. Wan-hixatshinhi hanjihohneyehikakanu hitskalhinripa. Yineru potuka hchinikanuru hanjihohnere himukatatshri potukni.

1 Pedro 3:21

Xye pirana batiz-lu yaholuni. Xawakni wale koxa hiwekkakwu. Hi mantshi himtuklewatatshri hiknojikolu hiwekkakwu seyni Jesus Cristo hipuktshi hichpajikatshri hiwekkakwu. Ruphujetlu potuka chinikanurunwu Hoyakalu hetanuya.

1 João 1:9

Seyni wmajnákonu wuphujtayehixinri Hoyakalu, ramtakahchinikanyehitlu wektunu hiyrunu hpowratanwu ptowru hektutuya klu tshinanu potukalni hiyrunu htshinyawak-potuko hkamha Hoyakalu.