Mateus 3:2 - Bíblia

² Wane htshinamta: — Hehchinikanutanu hektunu tshinanu klu tshinanu hi howukatkalu tenhohne pohirewaxyawaka!

Mateus 3:2 Iomraidhean Croise

Mateus 10:7

Hyinipa hinkaklewakananumtanu. Wane htshinanu: “Hi howukatkalu tenhohne pohirewaxyawaka.”

Mateus 11:20

Waneya Jesus yinuwaka jihyehiretlu poktshikaka himyekaklewatatshrikaka hix-potuko hkamhajexyawaka klu tshinanu hi rehchinikanutatkana. Wla htshinna:

Mateus 12:41

Hapnokaxikolu hohne hapojinipa Nínive hajene yotunotanu rukolukanuwnakakanhi hixa xawakni hiwekatshinhi klu tshinanu wanna hehchinikanutatka Jonas hiykole tokanu hjeminixkana. Xyekni hixa hetanu Jonas yohnik-himukatatshri.

Mateus 13:11

Waneya Jesus wan-tshinatkana: — Hixamka henekka himaxyawakaplu mimatyehitkotu pirana tenhohne pohirewaxyawaka pirana seyni wanna hike.

Mateus 13:24

Jesus satu yapkaklu rutakatnaka, wla htshina: — Tenhohne pohirewaxyawaka satu jeji kihleru tataji hsana jitaklewakleru pixkalutni.

Mateus 13:31

Jesus satu yapkaklu rutakatnaka, wla htshina: — Tenhohne pohirewaxyawaka mostarda-tataji pixkalutni. satu jeji haniklo, rusanate rutaklo.

Mateus 13:33

Satu yapkaklu hkamhatnaka Jesus, wla htshina: — Tenhohne pohirewaxyawaka tserutatshri pixka rixa. Sato suxo hwalu. Mapa chiwatupso trigo pahi tyapjetlu haté psolujpako chitshponatka.

Mateus 13:47

— Hiyrunukotnaka, tenhohne pohirewaxyawaka satu tarrafa pixkalutni. Hipowha ruknokkoklunutka waneya ptowru hixatshro chima hkachita.

Mateus 13:52

Waneya Jesus wan-tshinna: — Ptowru Moisés hiykole yonatkaluru hasruklewatatshri tenhohne pohirewaxyawaka himatyehitatshri satu kapjiru pixkalutni. Kapjiru pantshi hejnu herotu hiyrun-koxa hejnu tsrutsoleji himretawaka hkochpajyalu.

Mateus 18:23

Klu tshinanu tenhohne pohirewaxyawaka satu phuru pixka rixa, conta-kaka haluk-hihleretatshri.

Mateus 20:1

— Tenhohne pohirewaxyawaka satu uva-cha himwatshri pixka rixa. Yetshpotukawa ruchpaka rujhana uva-cha kamrurewaxikatshinepa.

Mateus 22:2

— Tenhohne pohirewaxyawaka satu phuru pixka rixa. Phuru halpokojixlu tsru niklu hituru hnunrowle tshinanupa.

Mateus 23:13

— Hapnokatkalunephi kasruklewaklerune hinanchitkaluru pirana hasruklewatatshine hiyrun-koxa fariseu-ne, hixachatatshinhi! Hixa himaletna tenhohne pohirewaxyawaka jihlokpiratatshine. Hi hixako jihloklu. Hiyrun-koxa wane jihlokpiratatshine himaleta.

Mateus 25:1

— Hiyáhoni tenhohne pohirewaxyawaka dez maklojine pixka rixanu. Maklojine lamparina hanikatshrone hichpakamta hyoptoxyawakapluna hnunrowpiratatshri.

Mateus 25:14

— Hiyrun-koxa satu jeji pa tshijne yatshripa pixka rixanu tenhohne pohirewaxyawaka. Mitshikananhapka htomhanna hkamrurewkakjetanune htowuxyawakapna rejnunkate rinoxyawakapna.

Mateus 4:17

Waneya wane pnute Jesus yinuwaka hinkaklewleta, wla htshinamta: — Hehchinikanutanu hektunu tshinanu klu tshinanu hi howukatkalu tenhohne pohirewaxyawaka!

Mateus 4:23

Waneya Jesus Galileia tshijne psoluka hyapamta, rasruklewjeta hanjihohnewakapjikakaya, kihle piranalu potuko Hoyakalu pohirewaxyawaka pirana runkaklewjeta. Yeyixatshine hiyrun-koxa hahijewnalkaka rutskalaka.

Mateus 5:10

— Poyikowatatshinni salewnatshine Hoyakalu halukanru hkamhiywaka tshinanna klu tshinanu tenhohne pohirewaxyawaka wannanutkani.

Mateus 5:3

— Poyikowatatshinni hike mwikane riwejinri tshinanu, klu tshinanu tenhohne pohirewaxyawaka wannanutkani.

Mateus 6:10

Runanutka pixa ppohirewaxyawaka. Pixa halujyawaka kamhako xye tshijneya, tenhohne rix-kamhalexyawakatka pixka.

Mateus 6:33

Seyni mitshikananhapka Hoyakalu pohirewaxyawaka hijhanu hiyrunu Hoyakalu halujyawaka hkamhanu. Waneyakni Hoyakalu henekanhi xyekaka ptowruka.

Marcos 1:15

Waneya wla htshina: — Rapokpapkolutatka, Hoyakalu pohirewaxyawaka hi howukchinpatkalu. Hehchinikanutanu, halixanru kihle piranalu potuko hiwekkaklewatatshri pirana.

Marcos 1:4

João Batista kahnete poktshiri hiphujewniyatka. Runkakletluna yine h-batiza-xikolupna rehchinikanuxyawakna pirana, wla htshina: — Hehchinikanutanu hektunu tshinanu. Wan-hixko h-batiza-xikolupa hiyrunu hektuntshi hiknojiko Hoyakaluya.

Marcos 6:12

Waneya hyatkana. Runkaklewatna hehchinikanru pirana.

Lucas 1:16

Hixolune yine israel-nerune hsatkakanu Tsru Hixikatshriwa Hoyakalu Royakalutna romkahixyawakapna.

Lucas 11:20

Seyni Hoyakalu towre tshinanuko kamtshine maleka nuknoka, hiyahokni himatanu Hoyakalu pohirewaxyawaka hix-yehi rapokatka halikaka.

Lucas 13:3

Seyni hita wane ntshinhi, hike. Hma mehchinikanutkanuklunupa hixa ptowrunekhi, waneko pixka hixa hiylaletkona.

Lucas 13:5

Seyni wane ntshinhi, hike. Hma mehchinikanutkanuklunu hixa, ptowrunekhi waneko pixka hixa hiylatkotanu.

Lucas 15:10

— Wane ntshinhi halikaka, waneko pixka rixa himuwletna hiwejikalune Hoyakalu towrene tenhohne hajene, rehchinikanuxini satu yineru hektuwaka kamhatshri.

Lucas 15:7

— Hiyáhoni wane ntshinhi tenhohney-koxa rawanu tsru poyikowlu potuko satupka hektuwaka kamhatshri hehchinikanuxiklu tshinanupa noventa e nove-pna yine potuka hchinikanurune, hehchinikanru mujhakanetka.

Lucas 16:30

— Seyni phurni hihitlu: “Hike, Nutsrukatni Abraão-ni, seyni satni yinerni hiwejinpatnaka waneya wan-hixatshri hiykoxinipna waneya rehchinikanhetkotanumkana rektunnuyna.”

Lucas 21:31

Wane koxa rixanu, hexinpatkalu xyekaka himatanutka hi howukatkalu rakanhiywakapa Hoyakalu pohirewaxyawaka.

Lucas 24:47

Hiyrun-koxa ptowru tshijneko runkaklexikotka hehchinikanru pirana hektuntshi hiknojikowaka pirana, wale hiwakaya. Jerusalém poktshi hyinuwaka hinkaklewlexini.

Lucas 6:20

Waneya Jesus yopukhatna rasruklene waneya wla htshinatka: — Hixa hike mwikanhi seyni poyikpotukhi. Klu tshinanu Hoyakalu pohirewaxyawaka hixanutkani.

Lucas 9:2

Jesus yokanatna Hoyakalu pohirewaxyawaka pirana runkaklexyawakapna hiyrun-koxa yeyixatshine rutskalajyawakna.

Atos 11:18

Waneya xyekaka tokantshi hyijnakoxinixkana nuretkalune rutshrokna. Ranjitluna Hoyakalu wane htshinruna: — Hiyáhoni Hoyakalu henekkoxna judeu mixkane riwejyawakna rehchinikanre tshinanna.

Atos 17:30

Mitshikawni yine hi himathetlu Hoyakalu hiyáhoni retachakanatna yine. Seyni xawakni Hoyakalu ptowru yineru hinkaka rehchinikanuxyawakapa.

Atos 2:38

Waneya Pedro wan-tshinna: — Hehchinikanutanu hixa satkakhi Jesus Cristo hiwakaya h-batiza-xikowakapa hixa himtukjetatshrikaka hiknojikowakapa; wan-hixatshripa Hoyakalu Hiwejikaluru hyoptotanu Hoyakalu henekanhi.

Atos 20:21

Nunkakna judeu-nerune judeu mixkane koxa rehchinikanuxyawakapna rektunu tshinanna hiyrunu nunkakna Hoyakalu ruchinikanrexyawakna hiyrunu Jesus Cristo Wutsrukate ralixyawakapna.

Atos 26:20

Seyni Damasco poktshi hajene hapka nunkaklexyalu xye pirana waneya Jerusalém poktshiya wane pnute Judeia tshijne psoluyaka haté judeu mixkane tskalaya nunkaklexyalu. Nunkakna rehchinikanuxinripna rektunna tshinanu Hoyakalu yehi hsatojinripna hiyrunu hkamhiywakapluna kamrurtshikaka rekhixnawakapwana rehchinikanutatkana.

Atos 3:19

Hiyáhoni hehchinikanutanu xako, hyokmakahchinikanutanu waneya hiknojiko hektunu.

2 Coríntios 7:10

Klu tshinanu wamonuwnalu Hoyakalu henejyahi hehchinikankaklewata riwekkakko pupjekanatatshri. Wale tshinanu hi wwamonuwnanu hixa. Seyni wamonuwnalu xye tshijne heneklewle hipuktshi reneklewata.

Colossenses 1:13

Hoyakalu kochpakwu mapchahawaka kachrewleya waneya ranikatkawu hikeni kaheknanuwlu Hituru ramotleru potuko pohirewaxyawaka wwiywakapa.

2 Timóteo 2:25

Pkamnitjene puykotanu kihle hchinikanurukyi. Pa katako Hoyakalu henekanna rehchinikanuxyawakna halikak-potu pirana rimaxyawakapna.

Hebreus 6:1

Hiyáhoni xawakni Cristo pirana hinkaklexikolu myaprepiranatu wiknohanu. Halikaka Cristo hasrukle wmahaxinritka wkochtshekanu. Hi wehasruklewle pirana tsonu, hixako wkamrure hike kochpakatshri hektuntshi hiknojikolu pirana hi koxa Hoyakalu halixikolu pirana tsonu wkochtshetanu.

2 Pedro 3:9

Satkaka yineru kahwaklu Tsru Hixikatshriwa Hoyakalu hi haluka kamhaletatkalu htshinyawaka pixka. Seyni hike. Kchinikanurni wale. Klu tshinanu hi raluklu ramhiywakamkapa yineru hi satuknako, seyni walemka haluklu ptowru yineru rehchinikanuxyawakapa.

Apocalipse 2:21

Pchini hohnejijimka neneklo tehchinikanuxyawakamkapa tapoklewaxinri seyni hi taluklu.

Apocalipse 2:5

Hiyáhoni hichinikapanru xako mitshikananu hchinikanu hma pupjekanatkanuklunuwa waneya hehchinikanutanu. Mitshikananu hkamhajekanatanru kamrurtshi pixka hixanu. Klu tshinanu hma mehchinikanutkanuklununapa nunhapkatanu hix-yehi. Katalu hanikapi pixkalutu nkonanhi.