Mateus 2:12 - Bíblia

¹² Waneya runkakkatkana jejine jimatkalerune rupnawleyna hma satkapyawakanupna phuru Herodes nwaka waneya hsatkapatkaluna htshijnena, pnu hapoko hyapatkana.

Mateus 2:12 Iomraidhean Croise

Gênesis 31:24

Waneya Hoyakalu hakanhayehitatkalu Labão, arameu-neru hoyetshno rupnawleya waneya wla htshinatkalu: — Xako hi hektuwaka ptshinanru Jacó hiyrun-koxa hi pa hixanu punkaklexinri Jacó.

Mateus 1:20

Seyni wane ruchinikanretakanatawa satu hiwejikaluru Tsru Hixikatshriwa Hoyakalu towreru tenhohne hajeru hakanhayehitlu José rupnawleya. Waneya wane htshinru: — José, Davi whene, hi pkojwakahchinikanutanu Maria pipji panijyawakapa, phanunro tixyawakapa. Klu tshinanu Hoyakalu Hiwejikaluru tshinanu tmichiwata.

Mateus 2:13

Hyinixkana jejine jimatkalerune waneya satu hiwejikaluru Tsru Hixikatshriwa Hoyakalu towreru tenhohne hajeru hakanhayehitlu José rupnawleya. Wane htshinru: — Hajewa, ppalnanu. Panikanru mturu, runro koxa, pasukanu Egito tshijne hyanu. Wane hitukanu haté nunkajinipyi klu tshinanu Herodes hijhapanru mturu ruylaxyawakaplu.

Mateus 2:19

Waneya rupninixka Herodes waneya hiwejikaluru Tsru Hixikatshriwa Hoyakalu towreru tenhohne hajeru hakanhayehitlu José rupnawleya, José Egito tshijne rawakanaxini.

Mateus 2:22

Seyni hjeminixkalu Arquelau tshinkaluru rurni Herodes-ni kachrijru hjihloka, Judeia pohire rixyawakapa pirana, José pika wane yaletatka. José hiykotka rupnawleya tshinanu Galileia-stsi hwatshri poktshi hyatka.

Mateus 27:19

Waneya phuru Pilatos jihyehixikowaka htuplakanaxiniwa, wale hnunro yonawahlo yokananwakatlu, wla tshinatshri: — Petachatanru xye jeji hike mixkatu klu tshinanu xye yetshno nsalewnapotuta nupnawleya wale tshinanu.

Lucas 2:26

Waneya runkakkatka Hoyakalu Hiwejikaluruya hi himatshi rupnanu hma metkanu pchiniklu Cristo, Tsru Hixikatshriwa Hoyakalu yokanrerupa.

Atos 10:22

Waneya wanna wan-tshina: — Soldado-ne pohire Cornélio yokanatwu. Cornélio jeji kihle hchinikanuru, Hoyakalu kahwakpiratatshri, kihle piranyehiru ptowruneko judeu yehiya. Satu hiwejikaluru Hoyakalu towreru tenhohne hajeru towutlu Cornélio rawapakjixyawakyi Cornélio-pji pyiywakapa pyijnaktokanuxyawaklu.

Atos 4:19

Waneya Pedro hiyrunu João hihitna: — Haté hixa hinkakanwu katpothe xawaka wyijnakotanu ho hixa ho Hoyakalu?

Atos 5:29

Pedro hiyrunu pimrine nuretkalune wan-tshin-hihretatkana: — Hoyakalu halujyawak-potu wujha homkahretanu seyni yine halujyawaka hike.

1 Coríntios 3:19

Klu tshinanu yine himatkale reyika Hoyakalu. Hiyáhoni wane htshina Hoyakalu tokanu yonatkaluru mitshikawlur-pirana: “Hoyakalu kachitna jimatkalerune hixacha himatkalewletatshine.”

Hebreus 11:7

Halixlu tshinanu Noé tshinkaluru jemlu jhamleru hinatshripa pirana Hoyakalu hinkajyalu. Hoyakalu tokanu hkahwakpiratatka Noé hiyáhoni tsro kanawa ralpokohnaputlu hhanunro hiyrunu hiwhenene riwekkajyawakapa. Xye pirana ptowruka romkahita Noé yahmaklu mapokatuwa pirana runkakka. Xye pirana romkahle tshinanu xye tshijne rukolukanuwnakakatka. Hiyrun-koxa Noé yoptotatkalu Hoyakalu potukatlewle halixlu tshinanu.

Hebreus 8:5

Sacerdote-ne kamrure halikaka tenhohne hwatshri yaperechani hiyrunu tenhohne hwatshri kamrure yapkaklechani. Hiyáhoni wale tshinanu Hoyakalu wan-tshinru Moisés, Hoyakalupji nikalumta kamhikolu hkamhakjixlu Moisés mitshikananu, wla htshininri: “Xako puslahanru pekhixikolu, teno mriji petakanaxinri potuko mayawle, pkamhanu xako ptowru potuko. Hi psojikna pmayxajinri.”