Mateus 10:1 - Bíblia

¹ Jesus tomhana rasruklene doze waneya renekpixkonutna kamtshine htowuxyawakapna ruchpajyawakapna yine maneya hiyrun-koxa ptowru hixatshri yeyixlu hiyrunu hahijewnalkaka rutskalajyawakna.

Mateus 10:1 Iomraidhean Croise

Mateus 19:28

Waneya Jesus wla tshina: — Halikaka ntshinhi, ptowruka herotetkoklunuklu papko hyinuwajiniklunupa Jeji Whene towuwle royaknuyma, wale towuwlu pixkalutu nenekanhi hixa nomkahitjenhi hiyrun-koxa phuru tuplawakle htuplatanu hikolukanuwnakakanna israel-nerune doze ptohkakapni.

Mateus 26:20

Páscoa hohne kayno Jesus hiyrunu rasruklene doze nikawakakwa rukoluhana.

Mateus 26:47

Jesus yanumakanaxiniwa, satu rasruklene Judas tshinkaluru hapokatka. Waleymalune hixolune tsru hixikatshinwa sacerdote-ne hiyrun-koxa tsrukakalune judeu-ne yokanatanune. Yohlolewapi hiyrunu hahaje ranikna.

Mateus 4:23

Waneya Jesus Galileia tshijne psoluka hyapamta, rasruklewjeta hanjihohnewakapjikakaya, kihle piranalu potuko Hoyakalu pohirewaxyawaka pirana runkaklewjeta. Yeyixatshine hiyrun-koxa hahijewnalkaka rutskalaka.

Mateus 6:13

Hi yahtalexikowaka putakanwu, seyni hektutu himukatle halikaka pkochpajinwu. [Pohirewaxyawaka pixanni, himukatlu pixanni hiyrun-koxa hoyaknutshi pixanni rixhohnekanaxyawaka. Amém.]

Mateus 9:35

Waneya Jesus ptowru poktshikaka hyapa, hanjihohnewakapjikaka rasruklewaxya, kihle piranalu potuko Hoyakalu pohirewaxyawaka pirana runkakletna. Ptowru hixatshri yeyixlu hiyrunu hahijewnalkaka rutskalaka.

Mateus 9:38

Hiyáhoni hanjitanru Tsru Hixikatshriwa hamkaluru towutatshri, kamrurewatatshine hyokanaxyawakapa ramyawakapluna.

Lucas 10:19

Hjemanno. Nenekatkahi pixkontshi himnune hkatsrexyawaka, heklone koxa. Hike rixa. Nenekatkahi pixkontshi hkamnitjene mixkonu hiknojyawakapa. Hike himtukanhi.

Lucas 21:15

Klu tshinanu hita henektokanutanhi hiyrunu himatkalewlu. Hma mumukata hihretanutna hkamnitjene, hma mumukata yoptoletanutna tokantshi.

Lucas 24:49

Hiyrun-koxa hitakni yokananwakatanhi Nuru hinkaklexyahi. Seyni hewitshi poktshi hitukanu pixkontshi klu papko hapojini, tenhohne hichpajikatshri, hixa nwaka hapokatshripa.

Lucas 6:13

Waneya rumrejinixka hohi htomhana rasruklene hixolune. Waneya doze hnuretatka hixolune tskalaya. Nyi doze jejine rutakhiwakatkana ‘nuretkalune’.

João 17:2

Peneklu towuwlu ptowru yineru htowuxyawaka, hiweklu hike rixiniko mnikawnakatuko renejyawakapna yine ptowruneka penejyatkalu.

João 3:27

Waneya João wla tshinna: — Yineru himukata himwaletlu pa hixanu Hoyakalu henejini tsonru.

João 3:35

Hoyakalu Hirtshi hamotlu Whentshi tshinkaluru. Hiyrun-koxa wale towre rutajyalu ptowru potukananuka.

João 6:70

Waneya Jesus wla tshinna: — Hi he hitakni nurethi hixa doze-runhi seyni satu hixaymalutu kamtshi pixkalutni?

Atos 1:8

Seyni Hoyakalu Hiwejikaluru hix-hoho rapojinipa hyoptotanru pixkontshi hiyáhoni nuphujtatjenephi Jerusalém poktshiya hiyrunu Judeia tshijne psoluka, Samaria tshijneya, haté hmahaxyawaka tshiji nuphujtatjeneyaphi.

Atos 19:15

Seyni pa kata hima hiwejikaluru hektutu wan-tshinatkana: — Hita himathetlu Jesus, Paulo koxa nimatheta seyni hixa hi nimatheta.

Apocalipse 12:1

Waneya tsru himyekaklewatatshri tenhohne rakanhiya. Sato suxo tkatshi makatatshro hiphujewna. Ksuru tojixi hpuko hwa hiyrunu pohirtshi sahye t-sahyeta doze katahiri hwa sahyetlo.