Lucas 7:39 - Bíblia

³⁹ Waneya xye rexini fariseu-ne, wla htshinahchinikanuta: “Xye jeji Hoyakalu tokanu hinkakletatshri rixkamka, rimathetanmaklo katni twu suxo hanu hixatshropotni hkamrukjero. Hektutu kamhakleroni.”

Lucas 7:39 Iomraidhean Croise

Mateus 20:16

Hiyáhoni hixolune rapkatle hwatshine kosekanutka. Hiyrun-koxa hixolune kosekakanatatshine hapkatatanutka. [Klu tshinanu hi heppikna tshanixkalunemka tomhaka seyni hi híxona nuretkalunetka.]

Mateus 21:11

Waneya hixolune rimotsane wla tshina: — Xyekni Jesus, Hoyakalu tokanu hinkakletatshrini Nazaré poktshi Galileia tshijne hajeru.

Marcos 7:21

Klu tshinanu hihchinikanu hichpajikatshri hektutu chinikantshikaka, himopatlewlu, tshowhuwlu, hiylalewlu, hapoklewlu,

Lucas 12:17

Waneya hyinuwaka hichinikanuwleta: Hi kwawakleyno xye tsru honantshi nimrexyawakapa. Hanhe nixanu xawaka?

Lucas 15:2

Waneya fariseu-ne hiyrun-koxa kasruklewaklerune hinanchitkaluru pirana hasruklewatatshine jiheklu Jesus. Wla htshinanwakatluna: — Xye jeji hiyanna hektutu kamhatshine. Hiyrun-koxa wannayma hnika.

Lucas 16:3

— Waneya pantshi hinotakanatatshri wan-tshina hitoko hchinikanuya: “Klu nkamhanutka xawakni? Klu tshinanu ntowutjeru yokanatno. Hi kmixkonno njitoxyawaka. Npatewata tiyiro nanjijechaxyawaka.

Lucas 18:4

— Seyni hix-hohne hi repixlo. Waneya wale pnutetka wane htshinahchinikanuta: “Himka npiklu Hoyakalu. Hiyrun-koxa hi nkahwakpiratlu yineru.

Lucas 3:8

Hekhixinwa hehchinikanutatshinhi hixyawaka kihleru kamhatshinhi hixyawaka. Hi hyinuwaka wla tshinkakletanu hixkakluko: “Hixni Abraão-ni klopichanwu.” Klu tshinanu nunkakhi Hoyakalu himukata hakanhakakletanru Abraão-ni klopichane xyekaka sotluya!

Lucas 7:16

Waneyakni ptowru neruka pikatka, rimalwutluna Hoyakalu. Wla htshinatkana: — Tsru jinkaklewakleru rakanhayehikakatkawu Hoyakalu. Runa Hoyakalu hayinetene ruchokjixyawakapa.

Lucas 7:37

Waneya wale poktshi koxa twa sato suxo hektutu kamhaklero. Waneya timaxinixka Jesus fariseu-ne-pji rukoluhinixka nikawakakwa pa stono phamluhalo yehi tanika.

Lucas 7:38

Jesus tjimne tapoka hijixistsi. Ttshiyahakananumta. Tyinuwaka hihakjixletlu toktehaya. Tojiwu chehi tcheyixyalu. Tamlujixitlu. Waneya phamluhalo tuyokjixihohotlu.

Lucas 7:40

Waneya Jesus wan-tshinru fariseu-ne: — Simão, pa pirana naluk-hinkakletanyi. Waneya Simão wan-tshinru: — Hehe, kasruklewakleru.

João 4:19

Waneya wla ttshina suxo: — Xawakni nimatyi hinamtatshri pirana hinkakletatshrihetkoyi.

João 7:12

Tsru hihjekaklu hkamhana yine hixolune Jesus tshinanu. Satkaka wla tshina: — Kihlerni wale. Seyni pimrine wla tshina: — Hike, wale halikaka yokwijetna yine.

João 9:24

Waneya mayhaletukananu htomhatnakna waneya wla htshinruna: — Hoyakalu tsonu himalwutanu klu tshinanu wimathetlu putskalakjeru ptshinreru hektuwaka kamhatshrikni wale.