Lucas 4:25 - Bíblia

²⁵ Hjemanru: Mitshikananu hinamtatshri pirana hinkakletatshri Elias-ni tshinkaluru klu papko rawna hipnahnurutatshrone Israel tshijneya. Waneklu papko hi rinnewjekanata Israel tshijneya mapa mhale hiyrunu seis ksuru pchinika. Waneya tsru natshi potuko retna wale tshijne hajene.

Lucas 4:25 Iomraidhean Croise

Mateus 20:15

Hi he nalujyawaka potuko numukata kamhaleta ntiyiroteyma? Ho phahxatlu kihle nixyehixyawaklu tsonu?”

Lucas 10:21

Waneya waneklu hpoyikowpotuta Jesus, Hoyakalu Hiwejikaluru himukatle tshinanu. Waneya wane htshina: — Nimalwutyi, Nuru, tenhohne tshij-koxa Towutatshriyi. Klu tshinanu pyohimatlu xye pirankaka jimatkaleruneya hiyrunu kahchinikanuruneya. Seyni puphujetlu hike mimatkane hetanuya. Hehe, Nuru, xye pixa palujyawakni.

Romanos 9:15

Klu tshinanu Hoyakalu wan-tshinru Moisés: “Nepixanru katuktako naluk-hepixleta hiyrunu katuktako naluk-hetwamonreta, netwamonutanru.”

Romanos 9:20

Seyni pixa yineruchayi. Hanhe xawaka pixa kahekletlu Hoyakalu? Hachhaji kamhakaluru hi kaheklu hkamhakjeru wane htshinyawaka: Klu tshinanhe wane pixa kamhaletno? hi htshina.

Efésios 1:11

Hoyakalu ptowru potuko rixahchinikanuxyawaka kamhatshrini. Hiyáhoni Cristo-ymalunwu wixyawaka tshinanu wnuretka, xye tshiji hiyakotkoklunu pnutekananuko, Hoyakalu halujyawaka tshinanu, Hoyakalunerune wixyawakapa.

Efésios 1:9

Rimatkakwu Hoyakalu hihchinikanu pirana, mitshikananu yohimakanatkaluru pirana. Waleko ralujyawaka tshinanu wan-rixa klu tshinanu wan-rixahchinikanuta Hoyakalu, Cristo-yma kamrurewatatshrini.

Tiago 5:17

Hetanru Elias tshinkaluru. Yinerukananni hixa yinwu pixka. Seyni hi rutuk-hanjihohnereta. Hoyakalu ranjijeta hina hmixyawakanupa hiyáhoni mapa mhale hanikaji mhale pejnu hi rinnewata tshij-hoho ranjire tshinanu.

Apocalipse 11:6

Kpixkonna tenhohne ruchyaxyawakapna, hina hmixyawakanupa Hoyakalu tokanu runkakletjexyawakna pchinika. Hiyrun-koxa kpixkonna honha htowuxyawakna, hrahtshi rixnatkawa. Kpixkonna ptowru hixatshri salewakluyma tshiji rumtujyawakapna, hi pejnu katakta raluka wan-hixletna wan-rixna.