Lucas 19:13 - Bíblia

¹³ Seyni mitshikananhapka htomhanna hkamrurewkakjetanune dez-rune. Waneya pa projkaka ouro renekna satkaka. Waneya wla htshinna: “Hetanu hi psokta tiyiro himukata kamhaletanu wale projiyma haté napojini.”

Lucas 19:13 Iomraidhean Croise

Mateus 25:16

Waneya chinpotukawa cinco proji yoptotatshri halimta, htiyiroteyma rikamrurewatlo waneya cinco proji hkayatatka.

Mateus 25:20

Cinco proji yoptotatshri hiyrunu cinco proji ranika waneya wla htshina: — “Tsru Hixikatshriwa, petanu, cinco proji penekamxyano dez ouro-tkalo.”

Mateus 25:22

— Waneya hepi proji yoptotatshri koxa yanwakatlu htowutjeru, wla htshinru: — “Tsru Hixikatshriwa, petanu hepi proji penekamxyano quatro ouro-tkalo.”

Mateus 25:24

— Waneya pa proji yoptotatshri hapokatka, wla htshina: — “Tsru Hixikatshriwa, nimatyi pix-honra jeji menekachalewakletyi. Mutakatúkoyi hamlu. Yineru pimrine hitakle hapatjetatshri pixka pixa.

Lucas 19:12

Hiyáhoni wla htshina Jesus: — Satu jeji phuru hijhalu pa tshijne hyiywakapa wale tshijne pohire rutajikowakpatka. Waneya hima hsatkapanu.

Lucas 19:14

— Seyni rawyawaka tshijne hajene hahnanutlu. Hiyáhoni hyokanatna wale hatjini tokantshi hanikatshine. Wla tshinatshine: “Hi walukyi pixa wwiywaka poktshi pohire pixyawaka.”

João 12:26

Satu yineru kamrurewyehixinno, romkahitanno. Waneya hanukta nwanu hita wane koxa rawanu nkamrurewyehitjeru. Ptowru yineru hit-yehi kamrurewaxikatshri pejnu Nuru Hoyakalu kihler-pirana htshinanwakatanru.

Gálatas 1:10

Kathe xawaka nkahwakpirata? Ho yine ho Hoyakalu? Ho nujhalhe xawaka yine himalwuxyawakno? Klu tshinanu yinemka nuhlewahchinikankajini, hi Cristo towrerno.

Tiago 1:1

Hita Tiago-no, Hoyakalu hiyrunu Tsru Hixikatshriwa Jesus Cristo towrerno. Nalikna Hoyakalunerune doze xkehkaka ptowru tshijne sreta hipalatatshine.

2 Pedro 1:1

Hita Pedro Simão tshinkalurno, Hoyakalu towrerno. Jesus Cristo nurrerno hita. Hixa pixkalun-koxhi hixa. Halixlu hike pixka mixkatu yoptotatshinhi Hoyakalu potuknu tshinanu hiyrunu wiwekkakjeru Jesus Cristo tshinanu. Hixa tshinanni xye yonawahlo.