Lucas 16:23 - Bíblia

²³ Phurni salewnapotutana tshitshmeroya. Retlu Abraão-ni howuk-potuko rawa, retkoxlu Lázaro Abraão-nistsi.

Lucas 16:23 Iomraidhean Croise

Mateus 11:23

Hiyrunu pixa Cafarnaum poktshi. Pkahwakhe patskoxyawakapa haté tenhohne? Seyni pixa halikaka puknokko tshiji hitokote hamhikowak-yehi. Klu tshinanu himyekaklewatatshrikaka nkamhakmaka hita Sodoma poktshi hix-yehi hakanhikatshri pixkalutu, haté xawakni hohnekananumka rawawa Sodoma poktshi.

Mateus 18:9

Hiyrun-koxa piyhale tshinanu pumtuwnini, pkochpakanru, puknokanru. Klu tshinanu kihlepotmaklu pa yhalepkalutu hiwekkajikowaka, hepi yhaleru tshitshmero hiknokko.

Mateus 23:33

Hixa himnu kamaklewatatshri pixka hixatshinhi, himnunerunhi. Hanhe hixa hasuklexinri salewaktshi nwaka hikolukanuwnayehixikolupa?

Mateus 5:22

Seyni hita wan-tshinhi katukta hahnanutlu himole hike mixkatuko rukolukanuwnanu Hoyakaluya. Hiyrun-koxa katukta heyiklu himole (wla htshininri himole: “Hike mkochpakkatyi”), jemahchinikankakjexikowaka ranikkotka. Hiyrunu katukta wla htshininri: “Mahchinikanutyi” salewaktshi nwaka rumukata yokanatkota.

Mateus 5:29

Piyhale tshinanu pumtuwnini, poplikanru, puknokanru. Klu tshinanu pimane psojite pamtajini pot-kihleyi psol-maneko tshitshmero yehi hma muknojyawakanupa.

Mateus 8:29

Waneya wane htshin-saplewletna kkamtshiterune: — Klu pimalukwu, Hoyakalu Whene? Puna psaletkajyawakanapwuhe wapnokaxikolu hohnepa minjeko?

Lucas 16:24

Waneya hsaplewata phurni: “Nutsrukatni Abraão-ni, petwamonutanno! Pyokanatanru Lázaro-ni, himyoji ruhakamtanu waneya runanu ruhakanrutanunno klu tshinanu nsalewna hewi tshitshmeroya!”

Lucas 16:28

Klu tshinanu kamolno cinco jejine. Pitshitanru Lázaro-ni wane hyiywakapa ruykoxyawakapna wanna hma munyawakanupna hewi salewnikowaka.”

Lucas 8:28

Waneya Jesus rexiniklunu hsaplewata. Hyawnamta Jesus-stsi. Tsru plama rixa waneya wane htshin-saplewleta: — Jesus, Hoyakalu ten-potu hajeru whene! Kluhe pixannatkano? Nanjityi hi psaletpotutanunno.

1 Coríntios 15:55

“Hipuktshi, ha hanurhe pkayleru? Hanurhe ppixkonu yine pumtujinri?

2 Pedro 2:4

Hoyakalu hi hetachatna majnakowatatshine htowrerune hiwejikalune tenhohne hajenekananu seyni tshitshmero ruknokna. Yomuwatsa hostutkalunni, mapchahawak-yehi rimrexikna rapnokaxikolna hohnepa tshinanu.

Apocalipse 20:10

Waneya Tsru Kamtshi hyokwijetjerna tshitshmero powha, enxofre yehi hitokote, ruknokkatka, kmatsyiru hiyrunu hoyakalu tokanu hinkakletatshri minje hwiywaka potuko. Wane hsaletpotuxíkona hohohne, hoyetshno hike rixiniko mnikawnakatupa.