3 Hiyáhoni Jesus yapkaklu pirana runkakna. Wla htshinna:
Seyni carneiro-ne hamhatshine pixkalune israel-nerune yehi tsonu hyanu.
Waneya hi heppika pirana rasrukna Jesus yapkaklu piranayma. Waneya Jesus wan-tshinna: — Satu jitaklewakleru hichpakamta rutaklewaxyawakapa.
Seyni hijha himatletanu hanu haluka tshinreta xye hima Hoyakalu piranaya: “Naluklu hetwamonrewlu. Hi henekachlu hiylatkaluru naluka.” Klu tshinanu hi nuna ntshanixyawakapna kihlerune seyni hektune ntshanixyawaka rehchinikanuxyawakapna.
Waneya fariseu-ne hiyrun-koxa kasruklewaklerune hinanchitkaluru pirana hasruklewatatshine jiheklu Jesus. Wla htshinanwakatluna: — Xye jeji hiyanna hektutu kamhatshine. Hiyrun-koxa wannayma hnika.
— Hanurutkanhe jeji cem ovelha rimwini seyni sato ramtajini, hi he pimri hiprane noventa e nove, ruknokamtanu kahnete poktshi rujhapyawakaplo pupjetatshro haté rukchijini potuklo?
Waneya rimepe wane tshinretatnaka: — Simão, Jonas whene, puchiniknohe hita? Waneya Pedro wla tshinru: — Hehe Tsru Hixikatshriwa, pimatlu nuchinijyawakyi. Waneya Jesus wla tshinru: — Puslahanna noprane carneiro-ne pixkalune.
Hyijnakoxinixkaluna hpoyahnutluna Hoyakalu waneya wane htshinruna: — Petewa wimole, hi pejnu mil kananu judeu Cristo halixatshinetka hiyrunu wanna ptowruneka Moisés yonreru pirana homkahpotutatshinetkani.
