Lucas 11:51 - Bíblia

⁵¹ Abel-ni hiylaxikolu klu haté Zacarias tshinkalurni klu papko Zacarias honira Hoyakalupji altar yehi hwatshri altar hanikajiteswa ruylaxikana. Hehe, halikakni nyi himiwekkakhohnekanatatshine rapnokatkona xyekaka hiylalewlu tshinanupa.

Lucas 11:51 Iomraidhean Croise

Gênesis 4:2

Waneya wane pnute twuhenetlu repuru Abel. Abel carneiro kkammaneklerni seyni Caim susanatewaklerni.

Mateus 23:35

Wale tshinanu hixa hapnokatko ptowruneka hiylatkalunni hike mixkanni tshinanu. Abel potukalni hiylaxikoluklu haté Zacarias, Baraquias tshinkaluru whene, honnira Hoyakalupji altar yehi hwatshri hanikajiteswa ruylaxikana.

Hebreus 11:4

Halixlu tshinanu, Abel henekachlu halukkaluru potu, reneklu Hoyakalu, Caim henekachle pnute hihlenurutu. Wale tshinanu Hoyakalu himatjemkaklu potukalu rixyawakatka Abel. Ruphujetlu potukalu rixyawaka Abel renekachlekaka Hoyakalu yoptoxyawaka tshinanu. Hiyáhoni haté xawakni runkakletkawa Abel-ni yáholu mitshikawako rupnanimkatka Abel-ni.

Hebreus 12:24

Jesus herotu runkakletlewaxya poyahokakatshri yehi hapokatshinhi. Hrahtshi hitslaptahjetkaluru hektuntshi hiknokawaka yehi hapokatshinhi. Seyni Abel-ni hipnale hapnute hixa wane yohnik-kihlewaka yehi hapokatshinetkahi.

1 João 3:12

Hi Caim pixka wixanu, wale kamtshineru hiyáhoni repuru Abel-ni ruylatatka. Haklu tshinanhe ruylatlu? Klu tshinanu waleko hkamrure hektun-tshinanni hiyrunu himolni kihle kamrure rixle tshinanu.