Gênesis 45:3 - Bíblia

³ Waneya José wan-tshinna himolene: — Hitni José-no! Riwekawhe nuru? Seyni himolene hi himukata hihretlu klu tshinanu hpikpotutluna José klu tshinanu hihoji sreta rawakanatna.

Gênesis 45:3 Iomraidhean Croise

Gênesis 37:20

Wuya wuylateru waneya wuknokanru kapna hitokote waneya wla wtshinanu: “Satu hocha hajeru kmatsyiru nikanru.” Waneya wetanu ho rakanhewhe rupjejekanatanru ho hike.

Gênesis 42:21

Waneya htshinyawaka hyinuwak-kamhaletatkana, wla htshinkakna: — Hixa halikaka majnakowatatshinwu wimolni wkamnireru tshinanu, klu tshinanu hix-mitshi hetlu hi pa kaheknanukananu rixa wimole ranjitmakwu mitshi wuchoxyawakaplu seyni hi wepixlu. Hiyáhoni xawakni xye tshinanu xye hektutu hakanhayehitatkawu.

Gênesis 42:22

Waneya Rúben yanumatatka wla htshinatkana: — Hi he hitamka hiykotatkahi mitshi hektuntshi hma mkamhiywakanuplu mturu? Seyni hixa hi kajnakotkahi mitshi. Hiyáhoni xawakni wwenutanru waleni hraha.

Gênesis 43:27

Waneya repomhatkana wanna pirana hanu rixna, wla htshinna: — Hiru, jeji tsrutsoleji hixa kochtshekleru mitshi, pomtalhe? Riwekawhe?

Marcos 6:50

Klu tshinanu rexinixkaluna hpikpotuthonukna. Waneklukawa potuko Jesus hiynumatna wane htshinna: — Hixko hchinikanuphi, Hitni! Hi hpikanu!

Lucas 5:8

Waneya xye rexinixka Simão Pedro, hyoptsojityehitlu Jesus. Waneya wane htshinru: — Tsru Hixikatshriwa hit-yehi pasujini klu tshinanu hitni jejno hektuntshi hwalerno.

Atos 7:13

Hepi kata rixinri José hinkakatkana himolene José rixyawaka waneya Faraó himathetlu José kluneru nerni.

Atos 9:5

Waneya Saulo wan-tshina: — Katyihe pixa Tsru Hixikatshriwayi? Waneya wane htshinru: — Hita Jesus-no pkamnijetanruno.

Apocalipse 1:7

Hetanu. Hohimkohi hoho rapojinipa. Ptowrunek-yine potuko hetanru, haté ruylatjene yohlolewapiya hetanru. Ptowru tshijne hajene tshiyahatanu wale tshinanu. Halikakni. Amém.