Gênesis 39:3 - Bíblia

³ Potifar hetlu Tsru Hixikatshriwa Hoyakalu José-ymalu hiyrun-koxa ptowru potuko hkamhini José Tsru Hixikatshriwa Hoyakalu kihle kosekle rixkaklu.

Gênesis 39:3 Iomraidhean Croise

Gênesis 21:20

Hoyakalu mturuymalu. Htseruwnatka mturu. Wane popriwaka yineru mwiywakanu rawjetna. Waneyakni katshralu hapkajikatshri rixnatkawa mturu.

Gênesis 21:22

Waneklu papko potuko Abimeleque tshinkaluru h-soldado-tene chefe-te Ficol tshinkaluruyma hiynumatlu Abraão waneya wla htshinru: — Hoyakalu honra pixayma ptowruko pkamhaleru tshinanu.

Gênesis 21:23

Hiyáhoni xawakni wane ntshinanyi hikeklu hohne pkamnitanno hita, hi noturuko pkamnitanu, hi hiklopichaneko pkamnitanu. Hike nma mixjekanaxyawakanyi pixka pixanno hita hewi pwajekanatka pchinika pixka pixanno hita. Hiyrun-koxa wane pixanru xye tshijne pwiywakatka.

Gênesis 26:24

Wale yetshnoko Tsru Hixikatshriwa Hoyakalu hakanhayehitatkalu Isaque, wla htshinatkalu: — Purni Abraão-ni Hoyakalutno hita. Hi ppikanu klu tshinanu pixaymano, kihlewaka nkamhinyi, piklopichane nixolewkakanu ntowreru Abraão-ni tshinanu.

Gênesis 26:28

Waneya wla htshinruna: — Wetlu Tsru Hixikatshriwa Hoyakalu pixaymalu halikaka hiyáhoni wla wtshinatka: “Wunkakanu hixkakluko pixa, hixayma. Wtshinkajyawaka wkamhanu hixa, pixayma.”

Gênesis 30:27

Seyni Labão wla tshinru: — Hitshi, nanjityi kihleru paluka hixlexinipno hi pyanutka klu tshinanu netlu hanu rixa hepixletno Tsru Hixikatshriwa Hoyakalu pixa tshinanu.

Gênesis 30:30

Klu tshinanu nmapokkanuklunuwa hi hixo pra pixapa seyni xawakni pixolewapratatka hiyrun-koxa Tsru Hixikatshriwa Hoyakalu hepixatkayi napokyehixyawakyi tshinanu. Hiyáhoni hikluhe hitanuko nukchikanutka nopji hajene hepixatshripa?

Gênesis 39:2

Seyni Tsru Hixikatshriwa Hoyakalu José-ymalu wale tshinanu ptowruka kihle hixownale. Htowutjeru Egito hajerupji rawjeta.

Gênesis 39:21

Seyni Tsru Hixikatshriwa Hoyakalu José-ymalu hiyáhoni kihleru reta hiyrun-koxa preso hinotatshri hetwamonutatkalu.

Gênesis 39:23

Waneya preso hinotatshri hike ruslahyatka klu tshinanu ptowruka José-myo yatka klu tshinanu Tsru Hixikatshriwa Hoyakalu José-ymalu hiyáhoni repixlu José wale ptowruka hkamhaleru.

Mateus 5:16

Waneko pixka hixanu hixa, hiwejinri katalu pixka rixanu ptowru yineru yehiya rexyawakapluna hixa hkamrure kihleru, rimalwuxyawakapluna Hiru tenhohne hajeru.

1 Coríntios 16:2

Ptowru domingo hohne hkanipretanru tiyiro psoji waneya himretanru. Satkaka yineru rumukata hikchiklexyawaka pso tiyiro rutakanu. Wan-hixinpatka hi nujhalu tiyiro napatjexyawakpatka hita hix-yehi napojinpatka.

Apocalipse 3:9

Hetanu! Tsru kamtshi Satanás hapatjeyehitatshine, judeu-ne tshinikatshinwa phuta seyni hweyawatna. Wanna halikaka hixa jixistsi nyoptsojitjixapinna, rimathexyawakapna nuchinikjethi.