Gênesis 26:5 - Bíblia

⁵ Wane nixanu klu tshinanu Abraão-ni ntokanu homkahitatshrinixkani, ntshinyawakatkalu hkamhatka hiyrun-koxa ntowuxyalu, nyokanre hiyrun-koxa nasrukle romkahitnixka.

Gênesis 26:5 Iomraidhean Croise

Gênesis 12:4

Waneya Abrão yatka htshina towutlexyawaklu Tsru Hixikatshriwa Hoyakalu wane potuko hya Abrão. Ló koxa himotsatlu. Setenta e cinco mhaletkalu Abrão Harã tshinikowaka ruchpajyatka.

Gênesis 17:23

Waneya wale hohneko Abraão haniklu hiwhene Ismael hiyrunu ptowru htowrene walestsi matuxikatshine hiyrunu ptowru yine ranjirene tiyiroya hiyrun-koxa ptowru yineru jeji wanna hanikajite walestsi matuxikatshin-koxa waneya satkaka pejnu hjiprojhaptojita, hanukta htshin-towutletlu Hoyakalu.

Gênesis 18:19

Klu tshinanu nnuretlu wale hiwhenene ruykoxyawaka hiyrun-koxa nuretlu walepji hajene hinatshripa ruykoxyawakapa Tsru Hixikatshriwa Hoyakalu hatnu hapote romkahixyawakapna, potukalune hiyrunu himata yanatshine htshinkona. Wane hixkalunepni Tsru Hixikatshriwa Hoyakalu himukata hakanhakakletlu ptowru pirana potuko htshinakanaxyawaklu Abraão.

Gênesis 22:16

Wla htshinru: — Halikakalutu nunkaklexyayi hitako nhiwakaya, xye pkamhaleru tshinanu hi ptshipexyano piwhene satupkalutu tshinanu.

Gênesis 22:18

Hiyrun-koxa piklopichane tshinanu kihlewaka ntshinanwakatanna ptowruneruka tshij-hoho hwatshine hihlehchinikanutko klu tshinanu ntokanu pomkahitatka.

Gênesis 26:6

Hiyáhoni Gerar tshinikowaka rawatka Isaque.

Mateus 5:19

Hiyáhoni katukta majnakowaxinri satu hiykolejijipka, hiyrunu rasrujinri satu waneko pixka rix-majnakowlexini, wale jeji mujhapotkotu htshinko tenhohne pohirewaxyawakaya. Seyni katukta kamhajetlu hiyrunu rasrukjetlu xye hiykolukaka wale jeji hijhakalur-potu hkahwakka tenhohne pohirewaxyawakaya.

Mateus 7:24

— Hiyáhoni ptowru yineru ntokanu jematshri hiyrunu ntokanu homkahitatshri, satu jeji jimatkaleru sotlumta hoho panawaxikatshri pixkalutni wale.

1 Coríntios 15:58

Hiyáhoni Cristo tshinanu nmoletanune, poyehi halixlephi. Hi hituk-homkahrekamruretanru Tsru Hixikatshriwa Hoyakalu halujyawaka. Klu tshinanu himatanu Tsru Hixikatshriwa Hoyakalu halukleru kamhatshri hi hmahijerutanu.

Gálatas 5:6

Klu tshinanu Jesus Cristo hetanu hi jiprojhikatshrikwa himukatlu, hi mjiprojhikatukwa yineru himukatlu. Seyni halixlu hichiniklewluyma halikaka himukatatshri potukni.

Hebreus 11:8

Kajnaklu mitshi Abraão, Hoyakalu towuxinri pa tshijne nwaka hyiywakapa, pa hohnepa wale tshijne renejikolupa. Ralixle tshinanu, wane hyatka hma metanutu tshijne nwaka.

Tiago 2:21

Ha, hi he judeu-ne hitsrukatenni Abraão-ni tshinkalurni mitshi rukchikhihlenutka Hoyakalu hkamrure tshinanu, hiwhene Isaque tshinkaluru altar hoho rutajiniklunu mitshi henekachalu rixyawakamkapa Isaque tshinanu?