Biblia Todo Logo
Bìoball air-loidhne

- Sanasan -




Gênesis 22:2 - Bíblia

2 Waneya Hoyakalu wan-tshinru Abraão: — Panikanru piwhene satupkalutu, Isaque, pamotler-potuko. Pyanwakatanru Moriá tshinikowaka tshijne. Waneya wane henekachalu yoxikkaluru pixkakanru pituru npohixyawaka mriji potuko.

Faic an caibideil Dèan lethbhreac




Gênesis 22:2
18 Iomraidhean Croise  

Waneya wane htshinru Hoyakalu: — Hike seyni Sara, phanunro wuhenewatanu jejipni. Putakhiwakatanru Isaque; wale Isaque numlukanu xye numluklewle nkamhinru, nunkaklexinna koxa Isaque klopichane, hikeklu hohne mnikawnakatupa.


Waneya Hoyakalu wla tshinru Abraão: — Hi pjematshinotanu mturu tshinanu hiyrun-koxa ptowrero tshinanu hi pjematshinotanu. Ptowru potuko Sara tshinyawakatkayi pirana wale pkamhanu klu tshinanu piklopichanepa Isaque hichpajikatshripni.


Waneya Abraão hiwakatlu hiwhene, mturu Sara matkakleru, Isaque htshinru.


Hi puylatanru piwhene, — htshina Hoyakalu towreru tenhohne hajeru. — Hike pixanru. Xawakni nimatlu Hoyakalu pkahwakpiratatka klu tshinanu hi ptshipetlu pituru, pituru satupkalutu.


Wla htshinru: — Halikakalutu nunkaklexyayi hitako nhiwakaya, xye pkamhaleru tshinanu hi ptshipexyano piwhene satupkalutu tshinanu.


Waneya wale prika yetshpotukawa ruptekatka Abraão. Hiprane jumento-ne ralpokotatka. Ranikamtna waleyma hepi htowrene hiyrun-koxa hituru Isaque. Rali hitshimletatka hpoyahtapyawaka mukata hjimlewaxinripa hyatka. Abraão yanwakatlu Hoyakalu tshinyawaklu mriji nwaka.


Rapojinixkaluna Hoyakalu tshinyawaklu yehi Abraão sotlu rapatjeta waneya ruhlepokotlu tshitshi wane hohoya. Waneya rostutatkalu hituru Isaque waneya tshitshi hoho rutaklu Isaque.


Waneya Noé kamhalu satu henekachalu renejikowaka Tsru Hixikatshriwa Hoyakalu; waneya raniklu nikalu nikkaluru, kamejirun-koxa nikkaluru waneya reneklu henekachalu yoxikkaluru henekachalu henejikowaka hohoya.


Hoyakalu psol-tshijneka hajene ramotle tshinanu hyokanatlu hituru satupkalutu ptowru yineru ralixjene hi rupnanna seyni riwekanna hikeklu hohne mnikawnakanepa.


Seyni Hoyakalu wla rixa hekhiretlu hi pa hamotlekananu rixwu klu tshinanu hektune wixakanaxiniwa Cristo hipnapa hixa kachrijru.


Hoyakalu hi tshipetawheneta seyni hyokanatlu hixa ptowrunekwu tshinanu. Hiyáhoni hi he Jesus-yma renekanunwu ptowru potuko?


Ralixle tshinanu mitshi, hyahotkoklunutka Abraão, hiwhene Isaque henekachalu hiylatkaluru rixakjixkoklunutka Abraão htshinikowaka pirana yoptotatshrini, hiwhene satupkalutu henekachalu hiylatkaluru hkamhiyamkatka.


Lean sinn:

Sanasan


Sanasan