Gênesis 15:1 - Bíblia

¹ Wane pnute xyekaka Tsru Hixikatshriwa Hoyakalu tokanu hapyehitlu Abrão, satu rupnawleya waneya wane htshinru: — Hi ppikanu, Abrão. Hita pixa hinokakaklu himaletyehitatshrino hiyrunu pixa tsru pumlujikolu yoptotatshripyi.

Gênesis 15:1 Iomraidhean Croise

Gênesis 15:2

Waneya ruhitlu Abrão: — Tsru Hixikatshriwa Hoyakalu klunerhe wane pnuteko pumukata henekletno hi he mwuhenewakletno hita? Hiyáhoni Eliézer, Damasco hajeru yoptotanru npohirewaxinri?

Gênesis 15:4

Waneya Tsru Hixikatshriwa Hoyakalu tokanu hapyehitlu: — Xye jeji hi yoptotanru ppohirewaxinri seyni pixa piwheneko jeji, pixa maneko hichpajikatshri yoptotanru ppohirewaxinri.

Gênesis 21:17

Hoyakalu jemlu mturu kte. Waneya Hiwejikaluru Hoyakalu towreru tenhohne hajeru hiynumatlo Agar tenhohneya, wla htshinro: — Kluhe pixa Agar? Hi ppikanu klu tshinanu Hoyakalu jemlu mturu kte rukoluhyawakaya.

Gênesis 22:1

Waneya pnut-hohne Hoyakalu yahtaletlu Abraão. Wla htshinru: — Abraão. Waneya Abraão hihitlu wla htshinru: — Hewino.

Gênesis 22:20

Waneya xyekaka ptowruka hiknohinixka runkakluna Abraão wla htshinruna: — Milca hiwuhenewjetatkalu pimole Naor jejinni.

Gênesis 26:24

Wale yetshnoko Tsru Hixikatshriwa Hoyakalu hakanhayehitatkalu Isaque, wla htshinatkalu: — Purni Abraão-ni Hoyakalutno hita. Hi ppikanu klu tshinanu pixaymano, kihlewaka nkamhinyi, piklopichane nixolewkakanu ntowreru Abraão-ni tshinanu.

Gênesis 31:7

Puru yokwijejetno. Nkamrure hwenuxyano dez kata hyokmakatka. Seyni Hoyakalu hi ritshitlu rumtujyawakapno.

Mateus 28:5

Waneya hiwejikaluru Hoyakalu towreru tenhohne hajeru wla tshinna suxone: — Hi hpikanu, nimatlu Jesus, cruz hipnapikatshri hijha.

Mateus 8:26

Waneya Jesus wla tshinna: — Klu tshinanhe hpikatka hixa pso halixle jijirunhi? Waneya hyotunota htshihetjetlu kanniphalu. Pokokha rixatka hipowha.

Lucas 1:13

Seyni hiwejikaluru Hoyakalu towreru tenhohne hajeru wan-tshinru: — Hi ppikanu, Zacarias. Hoyakalu himatlu panjireru hanjihohneruya. Hiyáhoni phanunro Isabel matuwhenexinyi jejipni. Phiwakatanru xako João.

Lucas 1:30

Seyni hiwejikaluru Hoyakalu towreru tenhohne hajeru wan-tshinro: — Hi ppikanu, Maria, klu tshinanu kihlehchinikanru Hoyakalu pixa tshinanu.

Lucas 12:32

Waneya Jesus wla tshina: — Noprane ovelha-ne mixone pixkalunmakhi seyni hi hpikanu. Klu tshinanu hixa Hiru nurehchinikanuxnawa hpohirewaxyawaka renejyawakaphi.

Atos 10:22

Waneya wanna wan-tshina: — Soldado-ne pohire Cornélio yokanatwu. Cornélio jeji kihle hchinikanuru, Hoyakalu kahwakpiratatshri, kihle piranyehiru ptowruneko judeu yehiya. Satu hiwejikaluru Hoyakalu towreru tenhohne hajeru towutlu Cornélio rawapakjixyawakyi Cornélio-pji pyiywakapa pyijnaktokanuxyawaklu.

1 Coríntios 3:22

Paulo, Apolo, Pedro, xye tshijne, hiweklu, hipuktshi, xye papko, hinatshripa, xye ptowruka hixanni.

Hebreus 1:1

Mitshikawa Hoyakalu hixo kata hiynumatnina judeu hitsrukatenni hiyrun-koxa kakoje hiphujewnale rixa hiynumsaletnina judeu hitsrukatenni Hoyakalu tokanu hinkakletatshinniya.

Apocalipse 1:17

Waneya nexinixkalu, hijixistsi nyawnamxya, hipnatshri pixka. Waneya hyosurukkanotatka hpotukle myo, waneya hit-hoho rutakamyota. Wla htshinno: — Hi ppikanu, Hitakni yinuwakatshrino, rapkatle hwatshri koxno.