Apocalipse 8:12 - Bíblia

¹² Waneya quatro rixinri hiwejikaluru Hoyakalu towreru tenhohne hajeru kowitatka. Satupka mapate (1/3) tkatshi, satupka mapate (1/3) ksuru hiyrunu satupka mapate (1/3) katahiri katalu himtuwnakakkatka. Hiyáhoni satupka mapate hohi hi tnikotatka tkatshi hiyrunu hoyetshno satupka mapate (1/3) hi katatka ksuru hi katahiriko kata wane pchinika.

Apocalipse 8:12 Iomraidhean Croise

Mateus 24:29

— Xye hohne hajeru salewaktshi nikawninipa, waneklutka rutshpokanu tkatshi, hi katalupni ksuru, katahirine tenhohne hijrujini, hiyrun-koxa tenhohne hajerkaka hiyolikkako.

Mateus 27:45

Waneya hanikaj-hohnetkani rutshpokatka, três hora pchinika psol-tshijneka hitshpoka.

Marcos 13:24

Waneya Jesus wan-tshina: — Xye hohne hajeru salewaktshi nikawninipa, waneklutka rutshpokanu tkatshi, hi katalupni ksuru,

Marcos 15:33

Waneya hanikaj-hohnetkani rutshpokatka, três horas pchinika psol-tshijneka hitshpoka.

Lucas 21:25

Waneya Jesus wan-tshina: — Waneplu hetkalurkaka tkatshiya, ksuruya, katahirin-koxa. Hiyrun-koxa tshijiya ptowru tshijne hajene tsru kaheknanuwlu retanna, mar powha hiyrunu tenoplojhalu honha sejire hamlenu tshinanu.

Atos 2:20

Rutshpokanu tkatshi. Jraplu ksuru, hma mapokkanuko pchini Hoyakalu Tsru Hixikatshriwa hohneru hijhakaluru hiyrunu hoyaknutshi.

2 Coríntios 4:4

Hi ralixluna Cristo klu tshinanu xye tshijne hoyakalute hektutu kkamhakleru himaletahchinikanutna. Hi ritshitna rumrekhaxyawakna hma mexyawakanupluna katalu, kihle piranalu potuko hiwekkaklewatatshri pirana, Cristo hoyaknu pirana. Cristo waleni Hoyakalu yáholu potuko.

Apocalipse 12:4

Hihchimtayma hkosetlu satupka mapate katahirine (1/3) tenhohne hajerkaka waneya tshij-hoho ruknoklu. Waneya suxo matuwhenpiratatshro hoji sreta hyopkaka Tsru Kamtshi dragão hnijyawakapmaklu towhene hmatuxiniklunupa mturu.

Apocalipse 16:10

Waneya hiwejikaluru Hoyakalu towreru tenhohne hajeru cinco rixinri, hipkaklu histono hwatshri kmatsyiru pohirtshi tuplawakle hoho. Hiyáhoni hpohirewnale mapchahapa, psol-tshijne potuko. Waneya yinni hachkanrutanu tsru tshino retanruna tshinanu.

Apocalipse 6:12

Waneya seis rixinri yonawahlo steno hosture hjimlajinixka netatkalu. Waneya waneru tsru hiyolik-tshijru. Hiyrunu tkatshi mapchahawata, hatatjewa mkatshri ksajiru, kpixnuru hichyatlu. Ha ksuru serolu rixa hrahtshi pixka.

Apocalipse 9:15

Waneya ruchotkatkana hiwejikalune Hoyakalu towrerune tenhohne hajene quatro. Nyi quatro Hoyakalu halpoklenni wale papko potuko tshinanu, wale hwalapu, wale ksuru, wale hora potuko tshinanupa yine ruylaxyawakapna, satupka mapate (1/3) yine pejnu.

Apocalipse 9:18

Satupka mapate (1/3) yinni hiylatkana xye mapa saletlu tshinanu, tshitshmero tshinanu, tshitshipha tshinanu hiyrunu enxofre tshinanu. Cavalo-ne nama hichpajikatshri.