Apocalipse 4:1 - Bíblia

¹ Hetanu! Hiphapto hitpukatshri nupjeta tenhohne hwatshri. Waneya niynumsakanatjeru tokantshi kowi hima pixka tshinatshri njema. Wla htshinno: — Hewi teno punanu. Waneya nekhitanyi hipirankaka hakanhatshripa.

Apocalipse 4:1 Iomraidhean Croise

Mateus 3:16

Waneya hajeyri h-batiza-tkawa Jesus, honha ruchpajyatka waneklukawa tenhohne kotpukka. Waneya Jesus hetlu Hoyakalu Hiwejikaluru motkokoji pixka rixmanemta, rujrukamta, wale hohwaka rapoka.

Marcos 1:10

Waneya honha ruchpajyatka waneklukawa retlu hitpukatshri tenhohne. Retlu Hoyakalu Hiwejikaluru motkokoji pixka rixa hijruklemta, wale hohowaka rapoka.

Lucas 3:21

Waneya João hali batiz-lexinixkana yine ptowruneka hiyrun-koxa Jesus h-batiza-tatka. Waneya ranjihohnekanaxiniwa Jesus tenhohne kotpukka.

João 16:13

Seyni runinpatka Hiwejikaluru halikakalutu, waleko kosekanhi ptowru piranako halikaka piranaya. Klu tshinanu hi waleko hihchinikanu runkakletanu seyni runkakletanru ptowruka hjemlerutka, runkakletanru hinatshripa pirana.

Atos 10:11

Retlu tenhohne hitpukatshri. Waneya ret-hijrukletlu tsru mkatshri sama pixka hixatshri. Quatro tsojri hostuxikaluru hijrukatshri. Tshijistsi rapoka.

Atos 7:56

Waneya wane htshina: — Hetanu! Netlu tenhohne hitpukatshri, netlu jeji whene Hoyakalu potukle sreta yopkakatshri.

Apocalipse 1:10

Tsru Hixikatshriwa Cristo hohnerni, Hoyakalu Hiwejikaluru hepixamtno. Tsru plama njema. Notji sreta ruchpaktokanuxya. Kowi hima pixka htshina.

Apocalipse 1:12

Waneya nuprotakatka nexyawakaplu niynumsatjeru katni, waneya netlu sete katalu hanikapine, ouro kamhikolu.

Apocalipse 1:19

Hiyáhoni pyonatanru ptowru potuko petanrukaka pirana. Pyonatanru xawakni hakanhatshri pirana petanru hiyrun-koxa hinatshripa pirana petanru.

Apocalipse 11:12

Waneya tsru tokantshi hjemna tenhohne hichpakhimaxikatshri, wla tshinatshri: — Hewi teno hapokanu. Hiyáhoni wanna hepi tenhohne hyatkana. Hohimkohi hoho hyapna hkamnitjene hetanuko.

Apocalipse 11:19

Waneya Hoyakalupji tenhohne hwatshri hitpukatka. Wane rexika Hoyakalupji hitokote hwatshri kapajiru Hoyakalu kojiretle pirana hwiywaka paji. Wanekananru rawrakle, tokantshi himkaka, rutlohle, tsru hiyoliklu tshiji, hiyrunu tsru potu sotluji teno hichpajikatshri.

Apocalipse 16:17

Waneya hiwejikaluru Hoyakalu towreru tenhohne hajeru sete rixinri, hipkaklu histono hwatshri malehohnewaka yehi. Waneya tokantshi tsru himalu potuko Hoyakalupji, tenhohne hwatshripji, pohirtshi tuplawakle yehi, hichpaktokanuxyatka, wla tshinatshri: — Ralixatka!

Apocalipse 19:11

Waneya netlu tenhohne kotpukkaluru. Hetanu! Satu cavalo klatalu hakanhatka. Cavalo tji yapatshri hiwakni Ptowutkolu Halikakalutu. Potuka hchinikanurni, retamayxaklerewatawa yahotkaklu hkamhiywakapa.

Apocalipse 22:6

Waneya hiwejikaluru Hoyakalu towreru tenhohne hajeru wla htshinno: — Xyekaka tokantshi halikakalutu piranni hiyrunu rakanhanu halikaka. Tsru Hixikatshriwa Hoyakalu, htokanu hinkakletatshine hihchinikanu hepixatshri, yokanatlu htowreru hiwejikaluru tenhohne hajeru rekhixyawakapna htowrene xyekaka pirana chinpotukawa hakanhatshripa pirana.