Apocalipse 3:10 - Bíblia

¹⁰ Hislahatkalu ntokanu ntowuxyahi, hkahwakachaxyawakap-pirana hiyáhoni hit-koxa hepixanhi hma mexyawakanuplu salexikol-hohne hinatshripa, ptowru tshijne hajene yahoxikolu klu papkopa.

Apocalipse 3:10 Iomraidhean Croise

Mateus 24:14

Hiyrun-koxa kihle piranalu potuko Hoyakalu pohirewaxyawaka pirana psol-tshijneko hpohixika, pa nerkaka himaxyawakaplu waneya waneklupatkani xye tshijne nikawninripatka.

Mateus 26:41

Hislahanu, hanjihohnetanu hmallixikowakanupa. Klu tshinanu jmeremkahi seyni mantshicha mmixkotni.

Mateus 6:13

Hi yahtalexikowaka putakanwu, seyni hektutu himukatle halikaka pkochpajinwu. [Pohirewaxyawaka pixanni, himukatlu pixanni hiyrun-koxa hoyaknutshi pixanni rixhohnekanaxyawaka. Amém.]

Marcos 14:9

Hichinikanru xyekaka: Psol-tshijneko kihle piranalu potuko hiwekkaklewatatshri pirana hinkaklexiko, tkamhaleru koxa hinkakletko, tuchinijikolupa wala.

Lucas 2:1

Waneya waneklu papko phuru Augusto tshinkaluru towutlewjekanata ptowru tshijne hajeneko rutakhiwakaxikowakapna rutakyahojikowakapna yine.

João 17:6

— Nuphujetatkalu pixa phiwaka yine penejyano xye tshijne hajene yehiya. Payinetene penejyano. Hiyrun-koxa pixa ptokanu romkahjetna.

Romanos 1:8

Mitshikananhapka npoyahnutlu Noyakalute, Jesus Cristo-ya hixa ptowruneka tshinanu; klu tshinanu hixa halixle pirana ptowruchaka hjemika.

1 Coríntios 10:13

Yahotaletlukaka hix-yehi hwatshri pimrine yahotjeru pixka potuko rixa. Seyni Hoyakalu htshinyawak-potuko hkamha. Hiyáhoni hi retachayehitanhi hma makoxyawakanu pnute hma mixyawakanupa yahtaletlewlu. Seyni yahtaletlewluko repixinhi hiknohyawakaplu hixa himukata hakotlexyawakaplu.

Efésios 6:13

Hiyáhoni ptowruko hyochmakanu hinokakoklunu himaletyehitjerupa Hoyakalu henekanhi hixa himukata hiknohletanru hektutu pa hohne hinyehitjerupa tshinanu. Hkamnitkoklunupa hixa himukata poyehi yopkakle hixleta haté rasujinipa hkamnitjeru hpaklu yopkakletanutshi.

2 Timóteo 2:12

Salewnalu wakotachaxini, Cristo-yma wpohirewatanu. Hi nimathetlu, wtshinanwakaxiniplu Cristo, hi himathetanunwu hixapni.

Tiago 3:12

Cristo tshinanu nmoletanune, rumukathe figueira muna azeitona-ji hwaleta? Hike. Rumukathe hahapitsa hwaleta figueira sahi? Hike. Hiyahokni ktuwrehalu hiyrunu kihlehalu hi himukata hichpaklexyalu walerutu hakopha.

1 Pedro 4:12

Nuchinikanune, hi himyekanu yahtaletlewlu chikolu hapokyehixiniphi, hyahtalexyawakaphi. Hi himyekanu wale pixkalutu yahtaletlewlu hapyehixiniphi.

2 Pedro 2:9

Hoyakalu honra himat-hiknohkakna yine potukalune yahtaletlewlu yehiya hiyrun-koxa rimat-himretna yine mpotukane rapnokaxikolu hohnepa tshinanu rapnokaxikolupna yine.

Apocalipse 1:9

Hita João-no, hix-molekoxno Cristo tshinanu hiyrunu Hoyakalu pohirewaxyawaka hajer-koxno. Hapakapno ptowru salewaktshi tshinanuya hiyrunu kahwakachaklerno Jesus Cristo tshinanuya. Waneya mar powha hanikajite hwatshijitatshri Patmos tshinikowaka nwakanatatka. Kachitkalurukananno klu tshinanu Hoyakalu tokanu nunkakletjekanata hiyrunu Jesus Cristo pirana hiphujetkaluru nunkakletjekanata.

Apocalipse 11:10

Hpoyikowpotutanna yine tshiji hajene nyini hipnatshinni tshinanni. Hmeyiwatanna henekachalkaka renekkakanna klu tshinanu nyi hepi Hoyakalu tokanu hinkakletatshine saletpotukanatna xye tshiji hajene.

Apocalipse 13:10

Kachitkalunepa, kachitkalurunepni. Yine nuretkalune hiylatkalunepa pejnu halikaka ruylatkona. Hiyáhoni Hoyakalu nurrene ralixjene haluklu rakotachaxyawakna hiyrunu ralixachaxyawakna.

Apocalipse 13:14

Hyokwijetna tshiji hwatshine ptowruneka himyekaklewatatshrikaka hkamhaleruyma, rumukatle renejikolu tshinanu, mitshikananu kmatsyiru hetanu. Runkakjixna xye tshijne hajene mayawletshicha hkamhiywakapna kmatsyiru mayawleya, yohlolewapi kastakjiwuxikalurutka seyni hi rupna.

Apocalipse 13:8

Ptowru tshiji hwatshine, katuktako hi khiwaka Carneiro Whene tshinkaluru, hiylatkaluru papel-te stenoya xye tshijne hiyakotkoklunukananuko, hiweklu heneklewatatshri steno mwa hiwakatkatu, himalwutanru kmatsyiru.

Apocalipse 14:12

Hiyáhoni Hoyakalu nurrene ralixjene haluklu rakotachaxyawakna, Hoyakalu tokanu yonatkaluru romkahpotuxyawakna hiyrunu Jesus ralixachaxyawakna.

Apocalipse 14:6

Waneya satu hiwejikaluru Hoyakalu towreru tenhohne hajeru neta tenhohne palnikatshri. Kihle piranalu potuko hiwekkaklewatatshri pirana hike rixiniko mnikawnakatupa pirana hiphujetatshrini wale. Ptowru tshijne hajeru tshinanupa, ptowru nerkaka tshinanupa, ptowru yineru ptohkaka tshinanupa, ptowru nrukaka tshinanupa hiyrunu ptowru yin-yehi tshinanupa.

Apocalipse 16:14

Nyi hiwejikalune, kamtshinni wanna. Himyekaklewatatshrikaka kamhatshine wanna. Xye tshijne pohirene nwaka hiyrunu xye tshijne hajene ptowruneka nwaka yatshinni, rapatjekajyawakapna yinepni hiylakkaklu nwaka, Hoyakalu Ptowru Himukatatshri, tsru kahwakpirlu hohne tshinanu.

Apocalipse 17:2

Walayma rapoklewatna xye tshijne pohirene. Ptowru tshijne hajeru himetatka tapoklewle pohwaka tshinanu.

Apocalipse 17:8

Kmatsyiru petanru hiwekakanata seyni xawakni hi riweka. Teno pnawaka hamhikowak-yehi hkanijinipa waneya ruylatko. Hiyáhoni yonawahlo steno hiwekkakalune hiwakkaka yonaxikowaka myonhiwakatkone, xye tshijne hwatshine pejnu himyekanu rexinipluna kmatsyiru. Klu tshinanu riwekakanata, xawakni hi riweka seyni ruphujewnapa.

Apocalipse 2:10

Hi hpikanru salewaktshi hix-yehi hapokatshripa. Hjemanu! Halikaka tsru kamtshi Satanás satkaka hixa preso rutakjixanu hyahoxikowakapa. Dez hohne pejnu hsaletko. Seyni hi hihrokahchinikanutanu yahmaklu hipnanu. Waneyapa phuru hitakjetanru pixkalutu sahyi nenekanhi hiweklu heneklewatatshri.

Apocalipse 3:8

“Nimatlu hkamrure. Hetanu! Hiphapto nkotpukyehixyahi. Hike himukata hichyaletlu. Kmixkonhi psotsonu. Hiyrun-koxa ntokanu homkahjeta hiyrunu hi hiknokatkalu nhiwaka halixikolu.

Apocalipse 6:10

Tsru tokanuyma hsaplewatna, wla tshinatshine: — Ha, Tsru Hixikatshriwa Hoyakalu, potuka hchinikanuru, halikakalutu hi pchini hohnehe mahata xawakni pjihyehixyawakapna xye tshijne hajene hiyrunu papnuyehixyawakaplu wihraha hkochpaklerna?

Apocalipse 8:13

Waneya netatkalu. Tsru paktsha tenhohne palnikatshri teno potu, neta. Njemlu hyanumaxyawaka tsru tokantshi yanumaxikatshri wla tshinatshri: — Kyowikowak-potuklu, kyowikowak-potuklu, kyowikowak-potuko rawna xye tshijne hwatshine pimri kowi himkaka, hiwejikalune Hoyakalu towrerune tenhohne hajene mapa kowitatshinpatka tshinanu.