Apocalipse 3:1 - Bíblia

¹ — Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Sardes poktshi hajene kosekatshri: “Xyekni hinkaklu hixa tshinanu, wla htshina, sete hiwejikalune Hoyakalununni hiyrunu sete katahirine hanikatshri. Nimatlu hkamrure. Hiwekatshine hikahwakkalune seyni halikaka hipnatshinhi.

Apocalipse 3:1 Iomraidhean Croise

Lucas 15:24

Klu tshinanu xye noturu nupnaholerutka hiwekhonukatnaka, hamhakanatatshri hiphujewnatka.” — Waneya hyinuwaka poyikowletna.

Lucas 15:32

Seyni wujhatkalu xye poyikowlu wkamhiywaka, wpoyikowaxyawaka. Klu tshinanu xye pepuru hipnatshrikananni hiwekatka. Hamhakanatatshrini seyni hikchikalurutkani.”

João 1:16

Klu tshinanu rumukatle tsru potuko hepixlewatatshri yoptotatshinwu hixa ptowrunekwu. Ruhlenu renekachale yoptotatshinwu hiyrunu ruhlenu renekachale wane pnutepa yoptotatshinepwu.

João 1:33

Himka nimathetatkalu katuktani seyni Nyokanatjeru n-batiza-xyawakapa honhaya hinkakhapkatno wane htshina: — Wale jeji honra pexiniplu Hoyakalu Hiwejikaluru hijrukhohotlu walekni batiza-tanna yine Hoyakalu Hiwejikaluruya.

João 20:22

Waneya wane htshininixka, rajpokanwakatna waneya wla htshinna: — Hyoptotanru Hoyakalu Hiwejikaluru.

João 3:34

Hoyakalu yokanatanru, Hoyakalu tokanu runkakletjeta. Klu tshinanu Hoyakalu hi psotsonujiji Hiwejikaluru reneklu seyni Hiwejikaluru psoluka reneklu.

Atos 2:33

Hiyáhoni Jesus hanikkatka, Hoyakalu potukle sreta rawyawakpatka hiyáhoni hyoptotlu Hoyakalu Hiwejikaluru htshina hinkaklexyawakpotuklu Jesus. Hiyáhoni xye hixa hetanru hiyrunu hjemanru waleni Hoyakalu Hiwejikaluru hiyoklerni.

Efésios 2:1

Mitshikananu hipnatshine pixka hixakanata Hoyakalu tokanu hmajnakowakanaxyawaka tshinanu, hektunu tshinanu.

Efésios 2:5

Wale tshinanu Hoyakaluya, hipnakanatatshinwu wixjekanata wmalixlenu tshinanu, Hoyakalu, Cristo walixyawaka tshinanu, riwekkakwu. Klu tshinanu Hoyakalu henekachale tsonu tshinanu wiwekkakka.

Colossenses 2:13

Hixa hipnakanatatshinhi hixa hektunu tshinanu hiyrunu mjiprojhakanhi Cristo-yma hiwekkakalunhi. Hoyakalu hamtakahchinikanyehixyatkahi hixa hektunu ptowruka.

1 Timóteo 5:6

Seyni tiwekka pchinika poyikowlu tsonu tomkahixini hipnatshro pixkalutotkani.

Tiago 2:26

Hiyáhoni yineru mane riwejinri mwaknuklunu hipnatshritkani waneko pixka rixa halixlu. Kihleru kamhalu mwaknuklunu, hipnatshritkani halixlu.

1 Pedro 1:11

Rujha himatjemletluna kluneru piranni xye hiyrunu rujha himatletluna hiklu rakanhanu xye pirana. Klu tshinanu Cristo Hiwejikaluru mitshi wanna hitokote hwatshri runkakna mitshi Cristo mapokatuwa pirana, Cristo saletle hinatshripa pirana hiyrunu hsaletle wane pnutepa ruphujexikolupa pirana.

Judas 1:12

Hapatje niklexini hichiniklewlu tshinanu seyni nyi jejine himtuka hapatjejrethi. Hpoyikowatna hma patnuymana, wanna nanwaka tsonu hijha nijituxnawa tsru niklu yehiya. Hohimkohi minnewapiratkatuko, ptowru sretako kanniphalu hanikachaleru pixkalunni wanna. Hahmuna hitshipnatshritka, hisahi klu papko msahiwatkatutka pixkalunni. Hepi kata hipnatshine, hahmunni hitskihi potuko hoplijikaluru pixkalunni.

Apocalipse 1:11

Wla htshinamta, — Petanrukaka pyonpiranatanu papel-mtaya. Waneya pyokanatanro yonawahlo Cristo halixatshine hapatjexyawakkaka hajene nwaka, sete-ne. Éfeso poktshi nwaka, Esmirna poktshi nwaka, Pérgamo poktshi nwaka, Tiatira poktshi nwaka, Sardes poktshi nwaka, Filadélfia poktshi nwaka, Laodiceia poktshi nwaka.

Apocalipse 1:16

Hpotukle sreta myo ranijyalu sete katahirine. Hinama ronoxya yohlolewapi hepi sretako hakoxikatshri. Hihoji tkatshi nikotle pixka rixa, hnikotpotuxini tkatshi.

Apocalipse 1:20

Sete katahirine petlene npotukle myo nanikamxinri hiyrunu sete katalu hanikapine, ouro kamhikolu pirana mpohijetanutukananu nuphujetanu. Sete katahirine, hiwejikalune Hoyakalu towrerune tenhohne hajene wannani Cristo halixatshine hapatjexikowakkaka hwatshinni. Sete katalune hanikapi, yapkakletlu sete hapatjewakkaka.

Apocalipse 1:4

Hita, João-no, nyonanwakatna Sete, Cristo halixatshine hapatjewaka, Ásia tshijne hajene. Kihle hchinikanurunephi hiyrunu kihle hwachalu henejikowakapa Hoyakaluya hwahohnekanatatshri, xawakni hohne hwatshrini, mitshikawni hiyrunu wale pnut-hohne hwatshrip-koxni. Hiyrunu Hoyakalu tuplaprestsi hwatshine sete hiwejikalune tshinanuya koxa.

Apocalipse 2:13

Nimatlu hwiywaka, tsru kamtshi Satanás pohirewaxyawaka yehi. Seyni nhiwaka homkahle hi hiknokatka hiyrun-koxa hi hiknokatkalu halixlu pirana homkahpotuxyawaka. Antipas tshinkaluru nuphujtatjeru ptowutkolu potuko rupniniklunupapkonatka hix-yehi hiylaxikaluru, tsru kamtshi Satanás hwiywaka yehi, seyni hi hiknok-halixletatka.

Apocalipse 2:19

Nimatlu hkamrure Cristo tshinanu, hichiniklewle nimata. Nimatlu hepixlewle pimrine tshinanu hiyrunu halixle pirana nimata. Nimatlu hmachiretannu hakotachale hiyrun-koxa nimatlu xawakni hohne hkamrure hita tshinanu, hekamhale yohnikatka.

Apocalipse 2:2

Hkamrure nimata. Nimatlu hkamrurewpotutatka ptowru mchiretannutshiyma. Hiyrunu nimatlu hektutu kkamhaklerune kamrure hi hyima. Himlukanutna jejine nuretkalune tshinikatshinwa seyni hi wan-rixna. Hetna kayloklerune rixyawakna.

Apocalipse 2:9

Nimathetlu hsalewaklu. Nimatlu hike mwikanemkahi seyni halikaka phurunhi. Nimathetna heyikjene judeu-ne tshinikatshinwa seyni hi halikakni. Seyni tsru kamtshi Satanás maklutenni wanna.

Apocalipse 3:15

Nimatlu hkamrure. Nimathi hixa hi katshiklerunpothi, hi koxa hamerunpothi. Nalukamkahi katshiklerunpotu hixyawaka ho hamerunpothi.

Apocalipse 3:2

Hislahinwa, hmixkotanru himwaleru hixetatshri psotsonu, hma mupniywaknupa wale psotsonu koxa. Klu tshinanu hi nukchiklu hkamrure Hoyakalu halukanru hike mmahaxikatu, Hoyakalu hetanu tshinanuya.

Apocalipse 3:8

“Nimatlu hkamrure. Hetanu! Hiphapto nkotpukyehixyahi. Hike himukata hichyaletlu. Kmixkonhi psotsonu. Hiyrun-koxa ntokanu homkahjeta hiyrunu hi hiknokatkalu nhiwaka halixikolu.

Apocalipse 4:5

Pohirtshi tuplawakle ruchpajya rawrakle, tokantshikaka, hiyrunu rutlohle. Sete katalune, hatawnatshine, sete hiwejikalune Hoyakalununni, tuplawakkaka hinaple hwatka.

Apocalipse 5:6

Halikakni, tuplawaka hanikajite, quatro hiwejikalune hanikajite hiyrun-koxa tsrukakalune hanikajite, nexyalu Carneiro whene tshinkaluru, yopkakatshri. Carneiro-ni hiylatkaluru pixka rixa. Sete hwalu hiyrunu sete yhal-koxlu. Sete yhaltshi yapkakletlu sete hiwejikalune Hoyakalunune, hyokanatanune tshiji ptowruka hyapyawakapna.