Apocalipse 21:1 - Bíblia

¹ Waneya netlu tshiji herotu hiyrun-koxa malehohnewaka herotu. Klu tshinanu mitshikawluru malehohnewaka hiyrunu mitshikawluru tshiji nikawnatka. Hiyrun-koxa mar powha hi hwatka.

Apocalipse 21:1 Iomraidhean Croise

Romanos 8:21

pa hohnepa ptowru Hoyakalu kamhaleru kochpakko moyaknutshi mtowuxyawakanuplu. Waneya ruchotkoklunpatka kihler-potuko hkayatanna, Hoyakalu whenene kayatanrupa.

2 Pedro 3:10

Klu tshinanu Tsru Hixikatshriwa Cristo hininri hohnepa hapokanu, katshowhuru hapokle pixka rixa hapokletanu. Waneklu papkopa tenhohne herutkotka tsru sejirtshiymapa. Xye hohne hikamrurewleru hiprahkanu tsru hameru tshinanu. Xye tshiji hiyrun-koxa ptowru kamhakaluru, xye tshiji hwatshri, nikawnanu.

2 Pedro 3:13

Seyni hix-yinwu, Hoyakalu tshinyawakatka tshinanu, tenhohne herotexikolu hiyrunu tshiji herotexikolu wkahwakanu. Wane rawanu potuknutshi tsonu.

Apocalipse 13:1

Waneya netlu kmatsyiru mar powha kanjikatshri. Dez hwalu hiyrunu sete jiwlu. Hihwakaka rawa dez pohirtshi sahye pixkalutu. Hijiwkaka rawa yonatkaluru Hoyakalu nwaka hektuwaka tshinatshri.

Apocalipse 20:11

Waneya netlu satu pohirtshi tuplawakle tsru potuko. Klatlu. Hoyakalu wane tuplatatshri koxa neta. Tshiji hiyrunu tenhohne wale hetanu rasujyatka. Hiyáhoni tshiji hiyrunu malehohnewaka hi rukchijika hanukta hya. Hike hetatnaklu.

Apocalipse 21:5

Waneya Hoyakalu, pohirtshi tuplawakle tuplatatshri wla tshina: — Hjemanu! Ptowru potuko nerotetanu! Waneya wale wla htshinno: — Pyonatanru xye klu tshinanu xye tokantshi halikakalutu, hakanhatshri pirana potukni.

Apocalipse 6:14

Waneya tenhohne hamhachatanatka, papel-mta poyitkaluru pixka hsahitan-honuka. Ptowru pejnu teno himriji hiyrunu ptowru wenu hanikajite hwatshijitatshri rawyawaka rajrijika.