Apocalipse 2:16 - Bíblia

¹⁶ Hiyáhoni hehchinikanutanu! Hma mehchinikanutkanuklunupa nunhapkatanu hixa nwaka waneya nkamnitapanna wan-hixjetatshine nonama hwatshri yohlolewapiyma.

Apocalipse 2:16 Iomraidhean Croise

Efésios 6:17

Hoyakalu henekanhi hiwekkaklewatatshri hyoptotanrupa wan-hixatshinhi hislahjiwutjeru hitakatshinhi. Hiyrun-koxa Hoyakalu tokanu hanikanu Hoyakalu Hiwejikaluru henejyahi waleni hatatjewa yohlolewapi hkachimta.

2 Tessalonicenses 2:8

Waneyapa tsru hektunuru hiphujewnanu. Seyni Tsru Hixikatshriwa Jesus hinniphayma tsonu hiylatanru. Hiyrun-koxa Cristo himapokanru tsru ruyákole hatawnatshri potuko hnikaxinri tsru hektunurupni.

Apocalipse 1:16

Hpotukle sreta myo ranijyalu sete katahirine. Hinama ronoxya yohlolewapi hepi sretako hakoxikatshri. Hihoji tkatshi nikotle pixka rixa, hnikotpotuxini tkatshi.

Apocalipse 16:9

Ralhakakanna yine tsru hameruyma. Waneya yine hektutu htshinanwakatluna Hoyakalu xye salewaktshikaka towutatshri. Seyni hi rehchinikanutna yinepni, hi rimalwutluna Hoyakalu royaknu tshinanu.

Apocalipse 19:15

Wale nama yohlolewapi hakotatshri potuko honoxya. Yohlolewapiyma ruylakna yine, ptowru tshijne hajeneka. Htowutanna hipokananu, yomuwaje pa chikonurutu pixkalutuyma htowutna. Hkatsretanunna yinepni, uva katsrekjexikowaka-paji hwatshine pixka rixanna yinepni rimathexyawakapluna yine Hoyakalu ptowru potuko himukatatshri, hahnanuwle.

Apocalipse 19:21

Waneya pimrinepni ruylatkonna yohlolewapi, cavalo yapatshri nama honoxikatshriyma. Waneyakni ptowru kamejiru hinanuwata wannani hitu tshinanu.

Apocalipse 2:12

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Pérgamo poktshi hajene kosekatshri: “Xye pirana runkakhi yohlolewapi ptowru sretako hakoxikatshri hinama honoxikatshri himwatshri.

Apocalipse 2:5

Hiyáhoni hichinikapanru xako mitshikananu hchinikanu hma pupjekanatkanuklunuwa waneya hehchinikanutanu. Mitshikananu hkamhajekanatanru kamrurtshi pixka hixanu. Klu tshinanu hma mehchinikanutkanuklununapa nunhapkatanu hix-yehi. Katalu hanikapi pixkalutu nkonanhi.

Apocalipse 22:20

Xyekaka pirana ptowruka hiphujetatshri wla tshina: — Halikaka chinpotukawa nunanu! Amém. Punanu, Tsru Hixikatshriwa Jesus!

Apocalipse 22:7

Wla htshina Jesus: — Hyijnakotanu! Pchini tsonu nunanu! Kihle hchinikanurni hinatshripa pirana, xye steno yonatkaluru hwatshri homkahitatshri.

Apocalipse 3:19

Nuchinikanune pejnu ntshihetjeta, nsaletjeta. Hiyáhoni jmererunephi hehchinikanuxyawakapa.