Apocalipse 2:10 - Bíblia

¹⁰ Hi hpikanru salewaktshi hix-yehi hapokatshripa. Hjemanu! Halikaka tsru kamtshi Satanás satkaka hixa preso rutakjixanu hyahoxikowakapa. Dez hohne pejnu hsaletko. Seyni hi hihrokahchinikanutanu yahmaklu hipnanu. Waneyapa phuru hitakjetanru pixkalutu sahyi nenekanhi hiweklu heneklewatatshri.

Apocalipse 2:10 Iomraidhean Croise

Mateus 10:22

Ptowru yineru hahnanutanhi hixa hita tshinanu seyni poyehi halixleru haté hmahle papko, riwekanu.

Mateus 10:28

Hi hpikanna mantshi hiylatatshine seyni hiwejinri hi rumukata hiylaletna. Seyni halikaka hpikanru Hoyakalu hix-mane, hiwejinri koxa hakot-hiylaletatshri waneya wane pnute tshitshmero ruknoklewata.

Mateus 24:13

Seyni poyehitahchinikanutatshri haté hmahle papko, riwekanu.

Marcos 13:13

Ptowru yineru hahnanutanhi hixa hita tshinanu seyni poyehi halixleru haté hmahle papko, riwekanu.

Marcos 8:35

Klu tshinanu katukta haluk-hiwekkakletanru riwejinri, ramtakanru riwekle; seyni katukta hamtakanru riwekle hita tshinanu ho kihle piranalu potuko hiwekkaklewatatshri pirana tshinanu riwekanu.

Lucas 21:12

— Seyni xye ptowruka hnapu, preso hitakko, hsalewnakakko. Hanjihohnewakapjikaka hajene henekko, hjemahchinikanyehitko waneya preso hiknokko. Tsru hixikatshinwa hiyrunu tsrukakalune nwaka hanikko hita hiwaka tshinanu.

João 12:25

Yineru hamota hiwekletatshri, riwejinri ramtakanu. Seyni hiweklu xye tshijne hajeru mamotkatu, riwejinri rihnanutanu hike rixiniko mnikawnakatupa.

João 13:2

Jesus hiyrunu rasruklene hali nikletatka. Kamtshi koxa hali hitakahchinikanretatkalu Simão whene, Judas Iscariotes tshinkaluru, Jesus rekhixyawakapa hkamnitjeneya.

João 13:27

Pão yotshmoluru hnika waneya chinpotukawa Satanás kamtshi jihloklu. Waneya Jesus wla tshinru: — Wuya pkamhalerupa pkamhahapkatanu.

Atos 20:24

Seyni hi namotlu niwekle. Hitaho hijhakalurni Hoyakalu kamrure nkamhiywakapa haté nnikaxyawakaplu nkamrure Tsru Hixikatshriwa Jesus henejyano. Xyekni nkamrure, nunkajyawakapna yine kihle piranalu potuko hiwekkaklewatatshri pirana, Hoyakalu hihlenu hixa tshinanu pirana.

Atos 21:13

Seyni Paulo hihitna: — Kluneru tshinanhe htshiyahata, klu tshinanhe hwamonuwkakno? Hita halpokoxnawa nostuxikolupa seyni hi wale tsonu, nalpokoxnawa nupninripa Jesus Cristo hiwaka tshinanu.

1 Coríntios 9:25

Ptowruneko hasuklu kaypiraxikatshine ruslahmanexnawana. Wanna halikaka wan-rixna klu tshinanu satu sahyi hyochmakjiwuxikolupnina, rimathexikowakapa hasuklu kayaxikatshri rixyawaka. Halikaka wan-hixatshri sahyi nikawnanu pa hohne. Seyni hixa Hoyakalu homkahitatshinwu yoptolerupa satu sahyi hikeklu hohne mnikawnakatupni, rimaxikowaka kayatatshinwu wixyawaka.

Efésios 2:2

Waneklu papko xye tshiji hixjexyawaka hektutu homkahjekanata, hixa halixjekanatlu tsru hitakkalune metkone hektune malehohnewaka hajene towutatshri. Walekatkani ptowruneka Hoyakalu malixkane towutatshri.

Efésios 6:12

Klu tshinanu wkamnitjene hi yinni kahiturune, hi kahrahalune seyni wkamnitjene wannakni kamtshine hmuhlenuymana xye psol-hohneko yapatshine hiyrunu tsrukakalune, tsru hitakkalune, malehohnewaka hwatshine tsru pixkontshiyma yine yokwijpiratatshine, kamtshi yokwijpiratwu towutlewpiratatshineya.

Tiago 1:12

Poyikowatatshrini yineru yohnixikolkaka hetatshri kihleru kamrurtshi hmuchotkanuklunu. Klu tshinanu yohnixikolu hiknohiniplu wan-hixatshri hiwejikaluru hyoptotanu, rumlujikolu sahyi hiwejikaluru hyoptotanu. Hoyakalu honukla hinkaklexyalu wan-hixatshri yineru.

1 Pedro 5:4

Waneya Carneiro-ne Hinotatshri Pixkalutu Tsruru Potuko hapojinipa, satu sahyi himlujikolu mnikawnakatu hyochmakjiwuxikolupa.

1 Pedro 5:8

Hiyokatshine pixkalunephi, tsru hislahle hixinwa klu tshinanu tsru kamtshi, hkamnitjeru yotaljeta mhenoklu hahlalatatshri yine hnikpiratanune rujhini pixka.

Apocalipse 13:14

Hyokwijetna tshiji hwatshine ptowruneka himyekaklewatatshrikaka hkamhaleruyma, rumukatle renejikolu tshinanu, mitshikananu kmatsyiru hetanu. Runkakjixna xye tshijne hajene mayawletshicha hkamhiywakapna kmatsyiru mayawleya, yohlolewapi kastakjiwuxikalurutka seyni hi rupna.

Apocalipse 13:2

Kmatsyiru netanru mhenoklu pixka rixmanetatka. Seyni hijixi urso jixi pixka rixa, hinama leão nama pixka rixa. Waneya Tsru Kamtshi dragão waleko hpixkonu reneklu, hpohirewnale reneklu hiyrunu tsru towuwlu reneklu.

Apocalipse 13:7

Himukatlu renekka Hoyakalu nurrene ralixjene hkamnixyawakapa, rallixyawakapna. Hiyrunu towuwlu renekka ptowru nerune, ptowru nrukaka yanumatatshine hiyrunu ptowru tshijne hajene htowuxyawakapa.

Apocalipse 17:14

Carneiro Whene tshinkalurumka hkamnitanna seyni rallitanna klu tshinanu wale honukla ptowru tsru hixikatshriwa hitsrukatni wale, Carneiro Whene tshinkaluru. Pohirtshine pohirni wale. Romkahitjene, waleymalunni wanna htomhalenni wanna. Wanna nuretkalune koxa hallitanna. Poyehi halixlerunni wanna.

Apocalipse 2:13

Nimatlu hwiywaka, tsru kamtshi Satanás pohirewaxyawaka yehi. Seyni nhiwaka homkahle hi hiknokatka hiyrun-koxa hi hiknokatkalu halixlu pirana homkahpotuxyawaka. Antipas tshinkaluru nuphujtatjeru ptowutkolu potuko rupniniklunupapkonatka hix-yehi hiylaxikaluru, tsru kamtshi Satanás hwiywaka yehi, seyni hi hiknok-halixletatka.

Apocalipse 2:9

Nimathetlu hsalewaklu. Nimatlu hike mwikanemkahi seyni halikaka phurunhi. Nimathetna heyikjene judeu-ne tshinikatshinwa seyni hi halikakni. Seyni tsru kamtshi Satanás maklutenni wanna.