Apocalipse 15:1 - Bíblia

¹ Waneya wane wkatanu netlu satu hetkaluru, tsru potuko himyekaklewatatshri. Waleni sete hiwejikalune Hoyakalu towrerune tenhohne hajene, sete tsru salewaktshi hapkatatatshri hanikatshine. Klu tshinanu ralipretkani Hoyakalu jhekanu.

Apocalipse 15:1 Iomraidhean Croise

Apocalipse 10:3

Waneya tsru plama hsaplewaxya leão hahlal-le pixka. Waneya rali saplewlexinixka sete rutlohle himkaka yanumatatka.

Apocalipse 11:14

Hepi rixinri salewaktshi hiknohatka seyni hjemanu, salewaktshi mapa rixinri hi hohamokapa.

Apocalipse 14:10

wale yineru rutka hirkaluru Hoyakalu jhekan-ha pixkalutu. Katsh-halu myapjetkotu hirapi stono hiyokkalurupa, Hoyakalu jhekanu hiratshinepni wanna. Hiyrunu walepni salewnapotutanuna tshitshmeroya, enxofre-yma hiwejikalune Hoyakalu towrerune tenhohne hajene potukalune hetanuya hiyrun-koxa Carneiro Whene tshinkaluru hetanu.

Apocalipse 14:19

Waneya hiwejikaluru Hoyakalu towreru tenhohne hajeru hamlu uva tshiji hwatshri, hitaklu hamapiyma, tshij-hoho hajeru. Waneya ruknoklu uva katsohapi yehi, Hoyakalu jhekanu yehi ruknokna.

Apocalipse 16:1

Waneya tsru tokantshi hima njema hiwejikalune Hoyakalu towrerune tenhohne hajene hiynumsatatshri. Hoyakalupji hichpakhimaxya. Wla htshina: — Xawakni hyanu, tshij-hoho hipkajinri sete stono hwatshri, Hoyakalu jhekanu yehi.

Apocalipse 17:1

Satu wanna sete hiwejikalune Hoyakalu towrerune tenhohne hajene, sete stono salewaktshi yehi hanikatshine, hiynumsatno waneya wla htshinno: — Punanu. Nekhitanyi hanu tixa hapnokatletka tsru pohitkaluro kapoklewaklero, wala honira tsru poktshi hixo honhastsi hwatshroni.

Apocalipse 19:15

Wale nama yohlolewapi hakotatshri potuko honoxya. Yohlolewapiyma ruylakna yine, ptowru tshijne hajeneka. Htowutanna hipokananu, yomuwaje pa chikonurutu pixkalutuyma htowutna. Hkatsretanunna yinepni, uva katsrekjexikowaka-paji hwatshine pixka rixanna yinepni rimathexyawakapluna yine Hoyakalu ptowru potuko himukatatshri, hahnanuwle.

Apocalipse 21:9

Waneya satu wanna, hiwejikalune Hoyakalu towrerune tenhohne hajene sete, salewaktshikaka stono yehi himwatshine, wla tshinno: — Puna, nekhitapanyi hnuruwpiratatshro, Carneiro Whene tshinkaluru hnunropa.

Apocalipse 8:13

Waneya netatkalu. Tsru paktsha tenhohne palnikatshri teno potu, neta. Njemlu hyanumaxyawaka tsru tokantshi yanumaxikatshri wla tshinatshri: — Kyowikowak-potuklu, kyowikowak-potuklu, kyowikowak-potuko rawna xye tshijne hwatshine pimri kowi himkaka, hiwejikalune Hoyakalu towrerune tenhohne hajene mapa kowitatshinpatka tshinanu.

Apocalipse 8:2

Waneya netna hiwejikalune Hoyakalu towrerune tenhohne hajene sete, wanna honukla Hoyakalu hoji sreta hwahohnekanatatshine. Sete kowi henekkalune.

Apocalipse 8:6

Waneya hiwejikalune Hoyakalu towrerune tenhohne hajene sete halpokoxnawa kowi hyanumkajyawakapna.

Apocalipse 9:20

Seyni pimrine yine hixetatshine xyekaka saletlu muylatkanune, hi rehchinikanyehitluna wannako hkamrurna: hi ruchotluna kamtshine romkahixyawakna, hi mayawletshicha ouro ho prata ho bronze, ho sotlu, ho hahmuna kamhikolu metkatu, majnakotu, myankatu hi rutuk-homkahretna.