Apocalipse 12:1 - Bíblia

¹ Waneya tsru himyekaklewatatshri tenhohne rakanhiya. Sato suxo tkatshi makatatshro hiphujewna. Ksuru tojixi hpuko hwa hiyrunu pohirtshi sahye t-sahyeta doze katahiri hwa sahyetlo.

Apocalipse 12:1 Iomraidhean Croise

Mateus 12:38

Waneya satkaka kasruklewaklerune hinanchitkaluru pirana hasruklewatatshine hiyrun-koxa satkaka fariseu-ne wan-tshinru Jesus: — Kasruklewakleru, walukyi pixa satu hiyákolu pkamhiywaka.

Mateus 24:30

Hiyáhoni tenhohne Jeji Whene himaxikolepa hakanhini waneya psol-tshijne nerkaka htshiyahatanna kaheknanuwlu tshinanu. Waneya Jeji Whene retanna, hohimkohi rapojini royaknuyma tsru pixkonuyma koxa.

Marcos 13:25

katahirine tenhohne hijrujini, hiyrun-koxa tenhohne hajerkaka hiyolikkako.

Lucas 21:11

Hix-poktshi hiyolikanu. Natshipni. Yeyixlukakapni. Hetkalurkaka himyekaklewatatshripni, tsru hetkalurkakapni tenhohneya.

Lucas 21:25

Waneya Jesus wan-tshina: — Waneplu hetkalurkaka tkatshiya, ksuruya, katahirin-koxa. Hiyrun-koxa tshijiya ptowru tshijne hajene tsru kaheknanuwlu retanna, mar powha hiyrunu tenoplojhalu honha sejire hamlenu tshinanu.

João 3:29

Yapkaklupa. Hnunrowatatshri yehi, waleni khanunrolu. Seyni hnunrowatatshri himatletjeru repixlu rimotsatlu hnunrowatatshri hiyrunu hyijnakotlu. Hiyrun-koxa hnunrowatatshri tokanu hjemini rumuwata. Hnunrowatatshri hepixatshri pixka nix-hita hiyáhoni numuwpotuthonuka hnunrowatatshri tshinanu.

Atos 2:19

Nekhitanru himyekaklewatatshrikaka tenhohneya tshijiya; hrahtshipni, tshitshmeropni hiyrunu tshitshiphapni hixko sajnuru.

Romanos 13:14

Seyni Wutsrukate Jesus Cristo wutajinwa. Hiyrunu hi wujhanru wimane halujyawaka wkamhiywaka.

Romanos 3:22

Wpowratjerni Hoyakalu walixle Jesus Cristo tshinanuya. Ptowru halixatshri pejnu wan-hixka; klu tshinanu hikewani yineru pnuko hixatshriwa,

2 Coríntios 11:2

Klu tshinanu nhokothi. Hoyakalu henekno nhokoxyawakaphi. Klu tshinanu hixa hatatjewa makloji hike myanwakatanutowa hike mixkotowa pixka hixatshinhi. Nunkaklexyahi satupka hhanuruxyawakapa walekni Cristo.

Gálatas 3:27

Klu tshinanu hixa batiza-tka himathexikolupa Cristo-ymalunhi hixyawaka hiyahokni hixa Cristo-kni wimkalu.

Gálatas 4:26

Seyni Jerusalém poktshi tenhohne hajeru waleni wunro mtowutkoto pixkalutu.

Gálatas 6:14

Seyni hita hikeklu nalixkowatanu seyni Wutsrukate Jesus Cristo cruz rupniywaka pirana tsonu nmunanhanu. Klu tshinanu cruz tshinanu ptowru potuka xye tshijne hajeru halukleru hatatjewa rupnatka hitayma. Hiyrunu hit-koxa hipnatshri pixka nixa ptowru potuko xye tshijne hajeru halukleru tshinanuya.

Efésios 5:32

Halikakalutu hijhakaluru pirana runkakleta xye hima. Waleni Cristo, hiyrun-koxa Cristo halixatshine hapatjetatshine mkoje pejnu piranni.

Apocalipse 1:20

Sete katahirine petlene npotukle myo nanikamxinri hiyrunu sete katalu hanikapine, ouro kamhikolu pirana mpohijetanutukananu nuphujetanu. Sete katahirine, hiwejikalune Hoyakalu towrerune tenhohne hajene wannani Cristo halixatshine hapatjexikowakkaka hwatshinni. Sete katalune hanikapi, yapkakletlu sete hapatjewakkaka.

Apocalipse 11:19

Waneya Hoyakalupji tenhohne hwatshri hitpukatka. Wane rexika Hoyakalupji hitokote hwatshri kapajiru Hoyakalu kojiretle pirana hwiywaka paji. Wanekananru rawrakle, tokantshi himkaka, rutlohle, tsru hiyoliklu tshiji, hiyrunu tsru potu sotluji teno hichpajikatshri.

Apocalipse 12:3

Waneya satu himyekaklewatatshri tenhohne rakanhiyatnaka. Satu dragão tsruru, serolu hiphujewna. Sete jiwuru, dez hwalutu. Sete jiwlu sahyi pohirtshi sahye, hsahyetna.

Apocalipse 15:1

Waneya wane wkatanu netlu satu hetkaluru, tsru potuko himyekaklewatatshri. Waleni sete hiwejikalune Hoyakalu towrerune tenhohne hajene, sete tsru salewaktshi hapkatatatshri hanikatshine. Klu tshinanu ralipretkani Hoyakalu jhekanu.

Apocalipse 21:14

Poktshi cerca-te, doze sotlu tsrukakalu hoho hwa. Doze Carneiro Whene tshinkaluru nuretanune hiwakkaka, doze sotlu hyonatkatka.

Apocalipse 21:23

Wale poktshi hi hijhalu tkatshi hiyrun-koxa hi ksuruko rujha klu tshinanu Hoyakalu hoyaknu hatnu nikotlu wane. Carneiro Whene tshinkaluru poktshi katalutekni wale.