Apocalipse 1:9 - Bíblia

⁹ Hita João-no, hix-molekoxno Cristo tshinanu hiyrunu Hoyakalu pohirewaxyawaka hajer-koxno. Hapakapno ptowru salewaktshi tshinanuya hiyrunu kahwakachaklerno Jesus Cristo tshinanuya. Waneya mar powha hanikajite hwatshijitatshri Patmos tshinikowaka nwakanatatka. Kachitkalurukananno klu tshinanu Hoyakalu tokanu nunkakletjekanata hiyrunu Jesus Cristo pirana hiphujetkaluru nunkakletjekanata.

Apocalipse 1:9 Iomraidhean Croise

Mateus 20:23

Waneya Jesus wla tshinatkana: — Halikaka, hixa hirinro copa salewaktshi yehiya seyni htuplaxyawakaplu npotukle sreta ho npastate sreta hi hitanni neneklewaxyawakapa. Xye ptaklukaka sreta hajene Nuru halpokohnaplene tshinanupa.

Marcos 10:39

Waneya wane htshinruna: — Wumukata. Waneya Jesus wan-tshinna: — Halikaka, hixa hirinro copa salewaktshi yehiya hiyrunu n-batiza-xikolu h-batiza-tko hixa.

João 16:33

Xyekaka pirana nunkakatkahi kihle hchinikanurunephi hita tshinanu. Xye tshijne salewnikatshinephi. Seyni kihle hchinikanurunephi klu tshinanu xye tshijne namtakakatka.

Atos 1:15

Waneklu papko Pedro yopkaka Jesus hasruklene hanikajite (cento e vinte yine hapatjetatka) waneya wane htshina:

Atos 14:22

Paulo, Barnabé mixkowahchinikankakatkana Cristo halixatshine ralixleyna hiyrunu runkakletluna salewaktshi pirana yine hixo salewaktshikaka retanna haté Hoyakalu pohirewaxyawaka hjihlojyawakapna.

Romanos 8:17

Hiyrun-koxa Hoyakalu whenene wixini, wyoptotanru Hoyakalu himwaleru. Cristo-yma wyoptotanru. Halikaka Cristo pixka wixa salewnalexini wimatan-koxa Hoyakalu hoyaknu wyoptotanu Cristo pixka wixa yoptoletanru.

Romanos 8:25

Seyni wma metkanuklunru wkahwakachaleru, wkahwakachatanru.

2 Coríntios 1:7

Wmunanhahi hixa Hoyakalu hkahwakjexyawaka. Klu tshinanu wimatlu hixa hixayma hsalewniywaka tshinanu hix-koxa hepixka Hoyakaluya hixa pixka hixka.

Filipenses 1:7

Hixa ptowrunekhi nuchinikanretahohnejeta. Kihleru wane nixa hichinikanretlexyawakhi klu tshinanu hixa nitsaklawnakjenhi xye kamrurtshi honukla Hoyakalu henekatkano. Hixa haté xawakni wan-hixjetno yahmaklu preso nutakka hiyrun-koxa wan-hixjekanatno mkachitkotu nixjekanaxini. Waneklu papko hike himaletakanatno kihle piranalu potuko hiwekkaklewatatshri pirana nimatshwahyawakapa hiyrun-koxa npoyehiwkajyawakpotuplu.

Filipenses 4:14

Seyni kihleru hkamha hepixyawakno nsalewninriya.

2 Tessalonicenses 3:5

Hiyrunu wanjitlu Tsru Hixikatshriwa Hoyakalu, hpotukatahchinikanuxyawakaphi Hoyakalu hichiniklewle pixka potuko himwatshinephi, hiyrunu wanjitlu Cristo hapojinri kahwakatshinpotuphi, mchiretanunephi.

2 Timóteo 1:8

Hiyáhoni hi pipatewatanru Wutsrukate Jesus pirana puphujexyawaka. Hiyrun-koxa hi pipatewatanno hita, kachitkalurno Cristo tshinanu. Seyni Hoyakalu pixkonu pixa henekkaluru psolutu tshinanu ptsaklawna nsalewniywaka kihle piranalu potuko hiwekkaklewatatshri pirana punkajikolu pirana tshinanu.

Hebreus 10:36

Seyni hijhalu hmachiretannu waneya Hoyakalu halujyawaka hali kamhalexinipa hyoptotanru runkaklexya piranhi.

1 Pedro 5:1

Cristo halixatshine kosekatshri koxno hita, Cristo salewnale hetatshrino hiyrunu Hoyakalu hiphujewnale hinatshripaymalutno. Hiyáhoni Cristo halixatshine kosekatshine hixa tskala hwatshine nanjipotuta.

Apocalipse 1:1

Twu steno raw-yonhata Jesus Cristo hixyawakapa pirana. Hoyakalu yokanatlu xye pirana ruphujexyawakapa rekhixyawakapna htowrene howukchini mapokatpatka pirana. Cristo yokanatlu htowreru hiwejikaluru tenhohne hajeru xyekaka pirana rimatkajyawakaplu htowreru, João tshinkaluru.

Apocalipse 1:2

João tshinkaluru hinkakletlu ptowruka retanru pirana hiyrunu hewi hyonaxikatka ptowruka runkakle pirana Hoyakalu hinkakle pirana, halikakalutu pirana Jesus Cristo hiphujetleru pirana.

Apocalipse 1:4

Hita, João-no, nyonanwakatna Sete, Cristo halixatshine hapatjewaka, Ásia tshijne hajene. Kihle hchinikanurunephi hiyrunu kihle hwachalu henejikowakapa Hoyakaluya hwahohnekanatatshri, xawakni hohne hwatshrini, mitshikawni hiyrunu wale pnut-hohne hwatshrip-koxni. Hiyrunu Hoyakalu tuplaprestsi hwatshine sete hiwejikalune tshinanuya koxa.

Apocalipse 1:6

Hiyrunu ruyakotwu sacerdote-ne neru wixyawaka Ruru, Royakalute kamrure wkamhiywakapa. Hiyáhoni Jesus Cristo renejikowaka ptowru hoyaknutshi hiyrunu ptowru towuwlu ptowru hohne mnikawnakatupa. Amém.

Apocalipse 11:7

Waneya rali hinkaklewlexinipna hiphujetatshine hepi waneya kmatsyiru teno pnawaka hichpajikatshri kamnitanna, ralliretanunna, ruylatanunna.

Apocalipse 12:11

Wmoletanune Cristo tshinanu hallitlu Tsru Kamtshi Carneiro Whene tshinkaluru hraha himukatle tshinanu hiyrun-koxa halikakalutu tokantshi runkakletjetanruna tshinanu. Hiyrun-koxa ralpokoxinwana rupniywakapna. Riweklena hi ramotpotutna.

Apocalipse 12:17

Waneya himnu tshinkaluru hahnanuwatatka suxo tshinanu. Hiyáhoni hya hkamnixyawakapna pimrine toklopichane, Hoyakalu tokanu towre hiyrunu halikakalutu pirana Jesus hiphujetleru pirana homkahitatshine.

Apocalipse 13:10

Kachitkalunepa, kachitkalurunepni. Yine nuretkalune hiylatkalunepa pejnu halikaka ruylatkona. Hiyáhoni Hoyakalu nurrene ralixjene haluklu rakotachaxyawakna hiyrunu ralixachaxyawakna.

Apocalipse 14:12

Hiyáhoni Hoyakalu nurrene ralixjene haluklu rakotachaxyawakna, Hoyakalu tokanu yonatkaluru romkahpotuxyawakna hiyrunu Jesus ralixachaxyawakna.

Apocalipse 19:10

Waneya Hoyakalu towreru tenhohne hajerumka nyoptsojityehita nimalwuxyawakaplu seyni wale wan-tshinno: — Hike, hi wane pixanu! Hit-honra pixje kamrurewatatshrino, Hoyakalu towreru, pmoletanune Cristo tshinanu, Jesus hiphujetatshineymalutno. Hiyáhoni Hoyakalu himalwutanu halikaka! Klu tshinanu halikaka pirana Jesus hiphujetleru pirana, Hoyakalu tokanu hinkakletatshine mixkotjeru.

Apocalipse 20:4

Hiyrun-koxa pohirtshi tuplawaklekaka neta. Wane tuplatatshine koxa neta. Towuwlu henekkalune retmayxaklerewaxyawakapna. Hiyrun-koxa yinni hiwejinri neta, kastaknojitkalunni Jesus hiphujexikolu pirana tshinanu hiyrunu Hoyakalu tokanu hinkaklexikolu tshinanu. Nyikaka kmatsyiru hiyrunu kmatsyiru yáhole mkahwakpiratkanni hiyrun-koxa kmatsyiru himaxikole jrottshi hitakkaluru ho myotshi hitakkaluru malukanni wanna. Hiyáhoni nyi yinni Cristo-yma riwekanna hiyrunu hpohirewatanna mil mhale pejnu.

Apocalipse 3:10

Hislahatkalu ntokanu ntowuxyahi, hkahwakachaxyawakap-pirana hiyáhoni hit-koxa hepixanhi hma mexyawakanuplu salexikol-hohne hinatshripa, ptowru tshijne hajene yahoxikolu klu papkopa.

Apocalipse 6:9

Waneya cinco rixinri yonawahlo steno hosture hjimlajinixka, altar hmana nexyana hiwejikalune Hoyakalu tokanu homkahru tshinanu, hiylatkalunni poyehi halixlerune.

Apocalipse 7:14

Waneya wla ntshinru: — Hi nimata seyni pixa himatlu. Waneya wale wla tshinno: — Nyi yine tsru salewaktshi potuko hichpajikatshinni. Carneiro Whene tshinkaluru hraha heromkatna himkalna hopowalu rerojikatkana klata rixyawakapa himkalna.