Apocalipse 1:7 - Bíblia

⁷ Hetanu. Hohimkohi hoho rapojinipa. Ptowrunek-yine potuko hetanru, haté ruylatjene yohlolewapiya hetanru. Ptowru tshijne hajene tshiyahatanu wale tshinanu. Halikakni. Amém.

Apocalipse 1:7 Iomraidhean Croise

Mateus 16:27

Klu tshinanu Jeji Whene hiyrunu hiwejikalune htowrene tenhohne hajene hapokanu Hoyakalu hoyaknuyma. Waneya renekanru satkaka yineru hkamrure wenru.

Mateus 16:28

Halikaka ntshinhi, satkaka hewi hajeru hma mupnaknukawa, retanru Jeji Whene hapokatshritka waleko hpohirewaxyawakaya.

Mateus 24:30

Hiyáhoni tenhohne Jeji Whene himaxikolepa hakanhini waneya psol-tshijne nerkaka htshiyahatanna kaheknanuwlu tshinanu. Waneya Jeji Whene retanna, hohimkohi rapojini royaknuyma tsru pixkonuyma koxa.

Mateus 25:31

— Jeji Whene ruphujewnin-hohnepa, royaknuyma runanu hiyrunu hiwejikalune htowrene tenhohne hajeneymalu. Phuru tuplawakle htuplatanu rukolukanuwniywakapa.

Mateus 26:64

Jesus hihitlu, wla htshina: — Hehe, pixako wan-tshina. Seyni ptowruneka tshinanu wla ntshina: Xawaknikananuko hixa hetanru Jeji Whene, hohimkohi hoho hapokatshripa, Ptowru Himukatatshri Hoyakalu potukle sreta tuplatatshripni.

Marcos 13:26

Waneya Jeji Whene retanna, hohimkohi rapojini royaknuyma tsru pixkonuyma koxa.

Marcos 14:62

Waneya Jesus hihitlu: — Hitakni. Hiyrunu hixa ptowrunekhi hetanru Jeji Whene, hohimkohi hoho hapokatshripa, Ptowru Himukatatshri Hoyakalu potukle sreta tuplatatshripni.

Lucas 21:27

Waneya Jeji Whene tshinkaluru hiphujewnanu, hserpikanu hohimkohiya tsru hpixkonu ratnuyma.

João 19:34

Seyni satu soldado wane hwakanatatshri yohlokwansatatlu Jesus harpão-ya. Chinpotukawa hrahtshi hichpaka honhayma.

João 19:37

Hiyrunuko wane htshinatnaka Hoyakalu tokanu mitshikawluru yonatkaluru: “Hyopukhatanruna hyohlolerna.”

1 Tessalonicenses 1:10

Jesus, Hoyakalu whene, hipuktshi riwekkajikatka Hoyakaluya, tshiji rapokanutnaka tenhohne ruchpajini hkahwakachale pirana, kpohitka, Jesus honra wkochpakjeru wapnokaxikolu hinatshripa yehiya.

1 Tessalonicenses 4:17

Waneya wane pnute hixa hiwekatshinwu hixetatshinwu, wannaymakananuko hwapkalunepwu hohimkohiya, tenhohne wyoptoxinri Tsru Hixikatshriwa Jesus. Hiyáhoni wumuthohnekanatanutkalu Tsru Hixikatshriwa Jesus.

Hebreus 10:29

Hiyáhoni hi pso salewnalukananu rujha yineru Hoyakalu Whene heyikatshri, hrahtshi runkaklexikolna hpowratjerumkana malukkotu hikahwakatshine? Hiyrunu hi pa salewaktshikananu rapnokaxikna Hoyakalu Hiwejikaluru henekachale hihlenu heyikatshine?

Hebreus 6:6

Hiyáhoni xye ptowruka himatatshine seyni halixlu ruknojinipna, nyi pixkalune hi pehchinikankakanru hiyrunukotnaka. Klu tshinanu xye pixkalune hatatjewa hepi kata cruz rutakluna Hoyakalu whene hiyrunu hixolune hetanu reyikluna.

1 João 3:2

Nuchinikanune, xawakni halikakni Hoyakalu whenenetkawu. Wanepnawaka hi wimatjemkakatka hanu potu hixatshinektapwu. Seyni wimata, ruphujewniniklunupa Cristo wale pixka potuko wixanu, klu tshinanu wetpotutanru rixyawak-potuko.

Judas 1:14

Enoque tshinkalurni sete rixinri Adão-ni klopichni hinkakletlu hinamtatshri pirana nyi jejine pirana. Wla htshinnixka Enoque-ni: Hetanu! Tsru Hixikatshriwa Cristo hinanu. Waleymalunepa htowrerune potukalune tenhohne hajene hixo mil mnupna.

Apocalipse 22:20

Xyekaka pirana ptowruka hiphujetatshri wla tshina: — Halikaka chinpotukawa nunanu! Amém. Punanu, Tsru Hixikatshriwa Jesus!

Apocalipse 22:4

Hoyakalu hoji potuko retanna hiyrunu hijrotna Hoyakalu hiwaka yonatko.