Apocalipse 1:6 - Bíblia

⁶ Hiyrunu ruyakotwu sacerdote-ne neru wixyawaka Ruru, Royakalute kamrure wkamhiywakapa. Hiyáhoni Jesus Cristo renejikowaka ptowru hoyaknutshi hiyrunu ptowru towuwlu ptowru hohne mnikawnakatupa. Amém.

Apocalipse 1:6 Iomraidhean Croise

Mateus 6:13

Hi yahtalexikowaka putakanwu, seyni hektutu himukatle halikaka pkochpajinwu. [Pohirewaxyawaka pixanni, himukatlu pixanni hiyrun-koxa hoyaknutshi pixanni rixhohnekanaxyawaka. Amém.]

João 5:23

Wan-rixa ptowru yineru kahwakpiraxyawakno hita, Whentshi tshinkalurno, Nuru hkahwakpiraxyawakna pixka. Yineru hanuruktako, mkahwakpiratkanuklunupno hita Whentshi tshinkalurno, Nuru Hoyakalu nyokanatjeru koxa hi hkahwakpirata.

Romanos 11:36

Klu tshinanu ptowru potuko hkamhatka Hoyakalu. Ptowru potuko hakanha Hoyakalu tshinanu hiyrunu waleko htshinanu rawa ptowru potuko. Hiyáhoni himalwutkalurni Hoyakalu hikeklu hohne mnikawnakatupni. Amém.

Romanos 15:6

Pa hchinikanurunhi pa tokanurunhi himalwutanru Hoyakalu, Jesus Cristo Hitsrukate.

Filipenses 2:11

Ptowru yinerunru pejnu hiphujetanru Tsru Hixikatshriwani Jesus Cristo. Hoyakalu Hirtshi himalwuxikolupa.

1 Timóteo 6:16

Wale tsonni mupnakatu, Hoyakalu katawaka riwejya. Hike himukata hapoklestsitanru. Hike yineru hetlu Hoyakalu, hi koxa rumukata hetletanruna. Walepni kahwakpirhohnekanatkalurupa hiyrun-koxa tsru pixkontshipa hikeklu hohne mnikawnakatupa. Seyoka.

Hebreus 13:21

Nanjitlu Hoyakalu hike mmahaxikane rixkajyawakaphi ptowru kamrurtshi tshinanu. Wale halujyawaka tsonu kamhatshinephi hiyrunu ptowru potuko rukchikhihlenreru, hix-yehi kamrurewaxikatshri rixyawaka, Jesus Cristo tshinanu. Himalwutkalurupni wale, hikeklu hohne mnikawnakatupa. Seyoka.

1 Pedro 4:11

Satu yineru hinkaklewaxinipa, Hoyakalu tshinyawaka pixka htshinanu. Pimrine repixjexini satu, himatkaltshi Hoyakalu henejyaluyma repixanna. Hoyakalu himalwuxikolupa ptowru potuko tshinanu, Jesus Cristo tshinanuya. Hoyakalu hiphujexikolni, towutatshrini hike rixiniko mnikawnakatupa. Amém.

1 Pedro 5:11

Himalwutkalurni Hoyakalu ptowru potuko towutatshrini hikeklu hohne mnikawnakatupa.

2 Pedro 3:18

Seyni halikaka Wutsrukate Jesus Cristo, Wiwekkakjeru hepixle hiyrunu Cristo himathetle tseruwnikatshinephi. Wale pohitko xawakni hohne hiyrun-koxa hike rixiniko mnikawnakatupa hohne koxa hpohitko.

Judas 1:25

Hoyakalu satupkalutu, wiwekkakjeru wkochtshekhiwakata. Wutsrukate Jesus tshinanu hoyaknutshi, tsru hiphujewnatshri, towuwlu hiyrun-koxa himukatlu walenni xye tshiji hmuyakotkanuklunuwa klu papko haté xawakni. Hiyrunu hike rixiniko mnikawnakatupa hohne wan-rixanu. Amém.

Apocalipse 1:9

Hita João-no, hix-molekoxno Cristo tshinanu hiyrunu Hoyakalu pohirewaxyawaka hajer-koxno. Hapakapno ptowru salewaktshi tshinanuya hiyrunu kahwakachaklerno Jesus Cristo tshinanuya. Waneya mar powha hanikajite hwatshijitatshri Patmos tshinikowaka nwakanatatka. Kachitkalurukananno klu tshinanu Hoyakalu tokanu nunkakletjekanata hiyrunu Jesus Cristo pirana hiphujetkaluru nunkakletjekanata.

Apocalipse 20:6

Kihle hchinikanurunepni hiyrunu Hoyakalununepni wanna mitshikananu hiweklutnaka kayatatshinepa. Klu tshinanu hipuktshi, hepi rixinri hi hkachitanna wanna. Sacerdote-nepni Hoyakalu tshinanu hiyrunu Cristo tshinanu. Hiyrun-koxa Cristo-yma hpohirewatanna mil mhale pejnu.

Apocalipse 4:11

— Tsru Hixikatshriwa Hoyakalu, pumukata yoptoletlu hoyaknutshi, kahwakpirlu hiyrunu hiyaklu klu tshinanu ptowru potuko hiyakotatshriyi. Pixako palujyawaka tshinanu rawa hiyrunu hiyakotkalurutkani.”

Apocalipse 5:10

— Wane pixkakwu sacerdote-nerune wixyawakapa Woyakalute tshinanupa. Hiyrun-koxa tshiji wtowutanu pa hohne.