Apocalipse 1:5 - Bíblia

⁵ Hiyrun-koxa Jesus Cristo tshinanuya xye pirana hiphujetatshripa potukalu. Mitshikananu hiwekatshrini wale ptowruneka hipnatshine tskalaya hiyrunu ptowru pohirtshine Tsru Hixikatshriwatni wale. Wuchinikjerni wale, hixa tshinanu cruz rupniyatka ruknokhektunuxyawakapwu hihraha hiyokle tshinanu.

Apocalipse 1:5 Iomraidhean Croise

Mateus 20:28

Waneko pixka rixa Jeji Whene. Jeji Whene hi hina repixikowakapa, seyni runa repixyawakapna yine, riwejinri renejyawakapa, hixolune yine majnákonu hwenuxyawakapa.

Mateus 28:18

Waneya Jesus hapyehitna rasruklene waneya wane htshinna: — Hita henekka psol-potuko tsru hitakkaluru tenhohneya tshij-koxa.

João 13:1

Tsru niklu hohne Páscoa tshinkaluru hohne wkatanu Jesus himatatka rapokatka hipapkolutka xye tshijne ruchpajyawakapa, Ruru Hoyakalu nwaka hyiywakapa. Ruchinikatkana yine walenune xye tshijne hwatshine. Ruchinikhohnekanatna rupninri hohne potuko.

João 13:34

Nowhenene mtserunhi herotu towrexikolu nunkakanhi. Waleni hamotkajyawaka. Namotjekanaxyawakatkahi pixka, waneko pixka hix-koxa hamotkajyawaka.

João 15:9

Nuru Hoyakalu hichinijyawakno pixka waneko pixka nixa hichiniklethi hixa. Hi hasujinri nuchinikle hixa tshinanu.

João 18:37

Waneya Phuru Pilatos wla tshinru: — Hiyáhoni pixlahe phuryi? Waneya Jesus hihitlu, wla htshina: — Pixako wan-tshina. Halikaka wale tshinanu nmatuta hiyrunu xye tshijne napoka nuphujtaxyawakaplu halikakalutu pirana. Ptowruneka halikakalune yijnakotlu ntokanu.

João 3:11

Halikaka, halikaka wla ntshinyi: — Wunkakhi wimatjemle pirana hiyrunu wunkakhi wetlerutka pirana seyni hixa hi haluk-halixletlu wunkakle.

João 3:16

Hoyakalu psol-tshijneka hajene ramotle tshinanu hyokanatlu hituru satupkalutu ptowru yineru ralixjene hi rupnanna seyni riwekanna hikeklu hohne mnikawnakanepa.

João 3:32

Runkakletlu retanru pirana hiyrunu hyijnakotanru pirana. Seyni hike yineru haluk-halixletanru runkakle pirana.

Atos 20:28

Hislahinwa. Hislahan-koxna pimrine Hoyakalu Hiwejikaluru henejyahi hislahiywakna. Carneiro-ne hinotatshine pixka hixanna Hoyakalu halixatshine hapatjetatshine, hanjitkalunetka Hoyakalu whene hipnaleya.

Atos 26:23

Cristo haluka salewnaleta hiyrunu walepni mitshikananu yotunotatshripa hipnatshine tskalaya, katalu pixkalutu rekhixyawakapna judeu-ne hiyrunu judeu mixkane.

Romanos 3:25

Hoyakalu heneklu Cristo henekachaluru hiylatkaluru rixyawakapa hiyáhoni cruz rupniywaka tshinanu, yineru hektunu hiknokatshri rixyawakatka Cristo, ptowru yineru munanhalerutkani Cristo. Hoyakalu wan-hixa rekhixyawaklu potukalu rixyawaka. Mitshikananu Hoyakalu hetachatna hektuwaka kamhatshine, hmachiretannu tshinanu; hiyáhoni hi rapnokatna rektunna.

Romanos 8:37

Seyni xyekaka yohnik-hiknohatshinwu wamotjeru tshinanu.

1 Coríntios 6:11

Mitshikananu satkakhi hixa wan-hixjekanatatshinhi. Seyni hixa hektuntshi herojikatka, Hoyakalu yoptolenetkahi, hi jihyehitkalunetkahi Hoyakaluya, Wutsrukate Jesus Cristo tshinanu hiyrun-koxa Hoyakalu Hiwejikaluru tshinanu.

Gálatas 2:20

Seyni niweka wanepnawaka. Seyni halikaka hiwekatshri hi hitni seyni Cristo, hita nanwaka hiwejikatshrini. Xawakni xye niwekle Hoyakalu whene halixikolu tshinanu niweka. Walekni namotjeru hiyrunu renejnawana hita tshinanu.

Efésios 2:4

Seyni Hoyakalu hetwamonre tshinanu tsru potuko hiyrun-koxa ruchinijyawakwu tsru potuko.

Efésios 5:2

Xye chinikantshi ptowru wiwejinri htowuta. Hichinikanuwyehkakanu. Hixa hichinikanuwkakleyehixyawaka pixka rixa Cristo, renejyanawa rupniywaka hixa tshinanu renekachaxnatkawa henekachaluru rixnatkawa hatewa phamluhalo phamluro pixka potuko hixatshritkani Hoyakalu hetanuya hiyrun-koxa henekachaluru hiylatkaluru Hoyakalu hikchikhihlenutanru potuko.

Colossenses 1:18

Cristo mane pixkalune, Cristo halixatshine hapatjetatshinetka yokanatatshrini Cristo jiwtshi pixkalutni. Walekni himane hiwekle heneklewatatshri. Walekni mitshikananu hipuktshi yotunoxikatshri hiyáhoni ptowru potuko hitsrukatekni wale.

1 Timóteo 6:13

Hiyáhoni Hoyakalu hetanu ptowruka hiwekatshri hiyrunu Cristo Jesus hetanu, ntowutanyi. Cristo pixka pixanu Pôncio Pilatos hoji sreta rawakanaxini, kihle hiphujetle rixnawa.

1 Timóteo 6:15

Rapokpapkolupotuxinipa Hoyakalu wan-hixkakanru. Hoyakalu honra Hoyakalu satupkalutu, Tsru Hixikatshriwani, himalwutkalurni. Waleni pohirtshine pohire hiyrun-koxa tsru hixikatshinwa hitsrukatni.

Hebreus 10:29

Hiyáhoni hi pso salewnalukananu rujha yineru Hoyakalu Whene heyikatshri, hrahtshi runkaklexikolna hpowratjerumkana malukkotu hikahwakatshine? Hiyrunu hi pa salewaktshikananu rapnokaxikna Hoyakalu Hiwejikaluru henekachale hihlenu heyikatshine?

Hebreus 9:14

Hiyáhoni wane pnut-potu himukatatshrini Cristo hraha. Cristo honukla Hoyakalu Hiwejikaluru hike rixiniko mnikawnakatupa himukatleyma, walenuko renejnawa Hoyakalu yehiya henekachlu hi psojikna mahaxikatshrini, hixa hchinikanu hpowraxyawakapa hike mkochpakkatu kamrurtshiya, Hoyakalu hiwekatshri wkamrurewyehixyawakapa.

1 Pedro 1:19

Seyni hanjitka Cristo hrahaya, kwenur-potuko. Carneiro whene psojikna hektuntshi machretu pixkalutni Cristo.

1 João 1:7

Katawaka wyaniniklunu wale pixka, hixa hatajnutatshinepwu pa hchinikanurukakatshinepwu hiyrunu Hituru Jesus hraha powratjetwu ptowru hektuntshi tshinanu.

1 João 4:10

Xyekni hamotlewlu. Himka wamotatkalu Hoyakalu seyni wale hamotatkawu hixa. Hiyahokni hyokanatlu Hiwhene Cristo rumukata wukolukanuwnalkaka ramtakahchinikankajyawakapa.

Apocalipse 11:15

Waneya hiwejikaluru Hoyakalu towreru tenhohne hajeru sete rixinri kowitatka. Waneya tsru himkaka hjemka tenhohneya wla tshinatshri: — Xye tshiji hajeru pohirtshikaka Wutsrukate Hoyakalunpatka hiyrunu hnurreru Cristo-npatkani. Hiyrunu wale pohirewahohnekanatanu hike rixiniko mnikawnakatupa.

Apocalipse 11:3

Hepi nuphujtatjene mkatshri saco mapa kamhikolu makatatshine nyokanatanu. Waneya Hoyakalu tokanu runkakletanna mil duzentos e sessenta hohne pejnu.

Apocalipse 17:14

Carneiro Whene tshinkalurumka hkamnitanna seyni rallitanna klu tshinanu wale honukla ptowru tsru hixikatshriwa hitsrukatni wale, Carneiro Whene tshinkaluru. Pohirtshine pohirni wale. Romkahitjene, waleymalunni wanna htomhalenni wanna. Wanna nuretkalune koxa hallitanna. Poyehi halixlerunni wanna.

Apocalipse 19:11

Waneya netlu tenhohne kotpukkaluru. Hetanu! Satu cavalo klatalu hakanhatka. Cavalo tji yapatshri hiwakni Ptowutkolu Halikakalutu. Potuka hchinikanurni, retamayxaklerewatawa yahotkaklu hkamhiywakapa.

Apocalipse 19:16

Hiyrun-koxa himkalu hiyrunu hitpali raw-yonhata. Wla htshin-yonhata: “Pohirtshine Pohire hiyrunu tsru hixikatshinwa Hitsrukatni.”

Apocalipse 2:13

Nimatlu hwiywaka, tsru kamtshi Satanás pohirewaxyawaka yehi. Seyni nhiwaka homkahle hi hiknokatka hiyrun-koxa hi hiknokatkalu halixlu pirana homkahpotuxyawaka. Antipas tshinkaluru nuphujtatjeru ptowutkolu potuko rupniniklunupapkonatka hix-yehi hiylaxikaluru, tsru kamtshi Satanás hwiywaka yehi, seyni hi hiknok-halixletatka.

Apocalipse 3:14

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Laodiceia poktshi hajene kosekatshri: “Xye pirana runkakhi Amém tshinkaluru, Hoyakalu pirana hiphujetatshri halikak-potu, mweyawakletu, Hoyakalu hiyakotanrukaka yinuwakatshri.

Apocalipse 7:14

Waneya wla ntshinru: — Hi nimata seyni pixa himatlu. Waneya wale wla tshinno: — Nyi yine tsru salewaktshi potuko hichpajikatshinni. Carneiro Whene tshinkaluru hraha heromkatna himkalna hopowalu rerojikatkana klata rixyawakapa himkalna.