Apocalipse 1:16 - Bíblia

¹⁶ Hpotukle sreta myo ranijyalu sete katahirine. Hinama ronoxya yohlolewapi hepi sretako hakoxikatshri. Hihoji tkatshi nikotle pixka rixa, hnikotpotuxini tkatshi.

Apocalipse 1:16 Iomraidhean Croise

Mateus 17:2

Waneya Jesus yokmanhojitatka. Katajhojru tkatshi pixka. Himkal-koxa klata, klat-potuko rixa katalu pixka.

Atos 26:13

Waneya, Phuru, hanikaj-hohnetkani hatnu hapo nyapamtawa netlu katalu tenhohne hichpajikatshri. Tkatshi mero pnute hatajniru. Xye katalu hatawnayehitno nimotsatanune koxa ratawnayehita.

Efésios 6:17

Hoyakalu henekanhi hiwekkaklewatatshri hyoptotanrupa wan-hixatshinhi hislahjiwutjeru hitakatshinhi. Hiyrun-koxa Hoyakalu tokanu hanikanu Hoyakalu Hiwejikaluru henejyahi waleni hatatjewa yohlolewapi hkachimta.

Hebreus 4:12

Klu tshinanu Hoyakalu tokanu hiwekkaklewatatshrini, tsru himukatatshri potukni, hiyrunu hepnokaka hwasputatshri yohlolewapi pnute hakotatshripotni. Hyohlolewpotuta rutspathalewpotuta. Chinikantshi, hiweklu hiskiwahapu yokle hiyrunu rajitsh-hapu koxa wan-rixa. Yonatkaluru himathetlu hajtshi hchinikanu klu ruchinikanretjeta hiyrunu klu raluka kamhaleta.

Apocalipse 1:20

Sete katahirine petlene npotukle myo nanikamxinri hiyrunu sete katalu hanikapine, ouro kamhikolu pirana mpohijetanutukananu nuphujetanu. Sete katahirine, hiwejikalune Hoyakalu towrerune tenhohne hajene wannani Cristo halixatshine hapatjexikowakkaka hwatshinni. Sete katalune hanikapi, yapkakletlu sete hapatjewakkaka.

Apocalipse 10:1

Waneya satu hiwejikaluru Hoyakalu towreru tenhohne hajeru hixkolu neta. Tenhohne hserpijya. Hohimkohi pixka rixamkaluta. Kchitpo hijiw-hoho hwa. Hihoji tkatshi nikotle pixka rixa hiyrunu hiksuje tshitshmero stsihi pixka rixa.

Apocalipse 12:1

Waneya tsru himyekaklewatatshri tenhohne rakanhiya. Sato suxo tkatshi makatatshro hiphujewna. Ksuru tojixi hpuko hwa hiyrunu pohirtshi sahye t-sahyeta doze katahiri hwa sahyetlo.

Apocalipse 19:15

Wale nama yohlolewapi hakotatshri potuko honoxya. Yohlolewapiyma ruylakna yine, ptowru tshijne hajeneka. Htowutanna hipokananu, yomuwaje pa chikonurutu pixkalutuyma htowutna. Hkatsretanunna yinepni, uva katsrekjexikowaka-paji hwatshine pixka rixanna yinepni rimathexyawakapluna yine Hoyakalu ptowru potuko himukatatshri, hahnanuwle.

Apocalipse 19:21

Waneya pimrinepni ruylatkonna yohlolewapi, cavalo yapatshri nama honoxikatshriyma. Waneyakni ptowru kamejiru hinanuwata wannani hitu tshinanu.

Apocalipse 2:1

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Éfeso poktshi hajene kosekatshri: “Xye tokantshi runkakleta katahirine sete hpotukle myo hanikamxikatshri sete katalu hanikapine, ouro kamhikolu hanikajite yapatshri, wla htshina:

Apocalipse 2:12

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Pérgamo poktshi hajene kosekatshri: “Xye pirana runkakhi yohlolewapi ptowru sretako hakoxikatshri hinama honoxikatshri himwatshri.

Apocalipse 2:16

Hiyáhoni hehchinikanutanu! Hma mehchinikanutkanuklunupa nunhapkatanu hixa nwaka waneya nkamnitapanna wan-hixjetatshine nonama hwatshri yohlolewapiyma.

Apocalipse 3:1

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Sardes poktshi hajene kosekatshri: “Xyekni hinkaklu hixa tshinanu, wla htshina, sete hiwejikalune Hoyakalununni hiyrunu sete katahirine hanikatshri. Nimatlu hkamrure. Hiwekatshine hikahwakkalune seyni halikaka hipnatshinhi.