Apocalipse 1:11 - Bíblia

¹¹ Wla htshinamta, — Petanrukaka pyonpiranatanu papel-mtaya. Waneya pyokanatanro yonawahlo Cristo halixatshine hapatjexyawakkaka hajene nwaka, sete-ne. Éfeso poktshi nwaka, Esmirna poktshi nwaka, Pérgamo poktshi nwaka, Tiatira poktshi nwaka, Sardes poktshi nwaka, Filadélfia poktshi nwaka, Laodiceia poktshi nwaka.

Apocalipse 1:11 Iomraidhean Croise

Atos 16:14

Sato suxo yijnakotatshro Lídia tshinkaluro, walani Tiatira poktshi hajéroni, mkatshri kihleru hichankajetatshroni wala. Seyni Lídia kahwakpiratlu Hoyakalu hiyáhoni tyijnakotwu. Hoyakalu kotpukhajitlo timatjemyawakaplu Paulo hinkajyatkalo.

Atos 18:24

Satu judeu, Apolo tshinkaluru, Éfeso poktshi hapokatka. Alexandria poktshi hmatuxyatka wale. Kihle hinkaklewleru wale hiyrunu rimatjempotutlu Hoyakalu pirana yonatkaluru.

Atos 20:17

Mileto poktshi rawakanata Paulo waneya htomhakjixna Éfeso hajene Cristo halixatshine hapatjetatshine kosekatshine hyoptoxyawakapluna.

1 Coríntios 15:32

Hewi, Éfeso poktshi, hejnune kmatsyirune nyahotkamka. Hiyáhoni xye niwekle tsonu nkahwajini kluhe repixinno? Hipnatshinetka hikeklu hma miwekkanumkatkana wlamka wtshinanu wuya wnikanu, wuranu klu tshinanu yetshikawa wupnanutka.

1 Coríntios 16:8

Haté Pentecostes hohne tsonu hewi Éfeso poktshi nwanutka.

Efésios 1:1

Hita, Paulo-no, Jesus Cristo nurrerno, Hoyakalu halujyawakako tshinanu, nyonatlo twu yonawahlo, Hoyakalu hayinetene tshinanu. Hixa Éfeso hajenhi, Cristo Jesus munanhahohnekanatatshinhi tshinanu nyonatlo.

Colossenses 2:1

Klu tshinanu naluklu hixa himaxyawaklu hi psokananu nixa kamrurewleta hixa tshinanu hiyrun-koxa Laodiceia poktshi hwatshine tshinanu. Hiyrun-koxa pimrine ptowruneka hita mimathetkane tshinan-koxa.

1 Timóteo 1:3

Naluklu Éfeso poktshi putujyawaka. Nanjityi wane putujinripa Macedônia tshijne nyinpatka. Satkaka Éfeso poktshi hajene halikaka tokantshi minje rasruklewjetna. Hiyáhoni wane putukanu pumukata towutlexyawakna pnu pejnu hma mixa hasruklewlexyawakanupna.

Apocalipse 1:17

Waneya nexinixkalu, hijixistsi nyawnamxya, hipnatshri pixka. Waneya hyosurukkanotatka hpotukle myo, waneya hit-hoho rutakamyota. Wla htshinno: — Hi ppikanu, Hitakni yinuwakatshrino, rapkatle hwatshri koxno.

Apocalipse 1:19

Hiyáhoni pyonatanru ptowru potuko petanrukaka pirana. Pyonatanru xawakni hakanhatshri pirana petanru hiyrun-koxa hinatshripa pirana petanru.

Apocalipse 1:2

João tshinkaluru hinkakletlu ptowruka retanru pirana hiyrunu hewi hyonaxikatka ptowruka runkakle pirana Hoyakalu hinkakle pirana, halikakalutu pirana Jesus Cristo hiphujetleru pirana.

Apocalipse 1:20

Sete katahirine petlene npotukle myo nanikamxinri hiyrunu sete katalu hanikapine, ouro kamhikolu pirana mpohijetanutukananu nuphujetanu. Sete katahirine, hiwejikalune Hoyakalu towrerune tenhohne hajene wannani Cristo halixatshine hapatjexikowakkaka hwatshinni. Sete katalune hanikapi, yapkakletlu sete hapatjewakkaka.

Apocalipse 1:4

Hita, João-no, nyonanwakatna Sete, Cristo halixatshine hapatjewaka, Ásia tshijne hajene. Kihle hchinikanurunephi hiyrunu kihle hwachalu henejikowakapa Hoyakaluya hwahohnekanatatshri, xawakni hohne hwatshrini, mitshikawni hiyrunu wale pnut-hohne hwatshrip-koxni. Hiyrunu Hoyakalu tuplaprestsi hwatshine sete hiwejikalune tshinanuya koxa.

Apocalipse 1:8

Hitni mitshikananu hwatshrino hiyrun-koxa hmahle hwatshrino. Yinuwakatshrino hiyrunu hmahaxyawak-potuko hwatshrino htshina Tsru Hixikatshriwa Hoyakalu, ptowru himukatatshrino, xawakni hohne hwatshrino, mitshikawluru hwatshri hiyrunu xawakni hohne pnutpatka hwatshrino.

Apocalipse 10:4

Waneya rali yanumletatka rutlohle tshinyawaka nyinuwaka yonretmaka seyni waneklu potuko tokantshi njema tenhohne hichpajikatshri, wla tshinatshri: — Pihnanutpotutanru tokantshi htshinyawakna sete rutlohle. Hi pyonatanru.

Apocalipse 14:13

Waneya nyijnakotlu tokantshi tenhohneyalutu wan-tshinatshri: — Xye pirana pyonatanu. Kihlehchinikanurunepni hipnatshine xye hohne pnutpatka Tsru Hixikatshriwa Cristo hiwaka tshinanu hipnatshine. — Hehe, halikakni! — htshina Hoyakalu Hiwejikaluru. — Rapnanutanuna hkamrureyna hiyrun-koxa hkamrurna hkamhajekanatanruna hpohitanna.

Apocalipse 19:9

Waneya Hoyakalu towreru tenhohne hajeru wla htshinno: — Xye pyonatanu: “Tshanixkalune Carneiro Whene tshinkaluru hnunrowle nikle hapokatshinepa, halikaka poyikowatatshinepa.” Hiyrun-koxa Hoyakalu towreru tenhohne hajeru wla htshinno: — Xyekni Hoyakalu tokanu halikak-potuko.

Apocalipse 2:1

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Éfeso poktshi hajene kosekatshri: “Xye tokantshi runkakleta katahirine sete hpotukle myo hanikamxikatshri sete katalu hanikapine, ouro kamhikolu hanikajite yapatshri, wla htshina:

Apocalipse 2:12

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Pérgamo poktshi hajene kosekatshri: “Xye pirana runkakhi yohlolewapi ptowru sretako hakoxikatshri hinama honoxikatshri himwatshri.

Apocalipse 2:18

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Tiatira poktshi hajene kosekatshri: “Xye pirana runkakhi Hoyakalu Whene, tshitshmero pixka hixayhaletatshri hiyrunu yomuwa bronze hixirikkaluru hatajnu pixka hixatshri hiyrunu hatawnajixitatshri.

Apocalipse 2:24

Seyni wla ntshinhi pimrine Tiatira poktshi hajenhi, hixa ptowruneka xye hasruklu momkahitkane hiyrunu hipiranacha pimrine kochtshekleru pirana, tsru kamtshi Satanás tsonu himukata hiphujetleru pirana, mimatkanhi, wla ntshinhi. Hi satuko hinolu nenekanhi wane pnutetka.

Apocalipse 2:8

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Esmirna poktshi hajene kosekatshri: “Xye pirana runkakhi mitshikananu hwatshri, hiyrunu rapkatle hwatshri, hipnatshri kananu seyni hiwekatshritka.

Apocalipse 21:5

Waneya Hoyakalu, pohirtshi tuplawakle tuplatatshri wla tshina: — Hjemanu! Ptowru potuko nerotetanu! Waneya wale wla htshinno: — Pyonatanru xye klu tshinanu xye tokantshi halikakalutu, hakanhatshri pirana potukni.

Apocalipse 22:10

Wla htshinno wane pnutetka: — Hi pyohimatanru tokantshi hinatshripa pirana xye steno hwatshri klu tshinanu hi howukchiniplu rakanhiywakapa xyekaka pirana.

Apocalipse 22:16

— Hita, Jesus-no yokanatlu ntowreru hiwejikaluru tenhohne hajeru ruphujexyawakaplu xyekaka pirana hixa Cristo tshinanu hapatjetatshinkakhi tshinanu. Hitni pohiru Davi-ni klopichno. Hitni hohisahi hatawnatshrino.

Apocalipse 3:1

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Sardes poktshi hajene kosekatshri: “Xyekni hinkaklu hixa tshinanu, wla htshina, sete hiwejikalune Hoyakalununni hiyrunu sete katahirine hanikatshri. Nimatlu hkamrure. Hiwekatshine hikahwakkalune seyni halikaka hipnatshinhi.

Apocalipse 3:14

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Laodiceia poktshi hajene kosekatshri: “Xye pirana runkakhi Amém tshinkaluru, Hoyakalu pirana hiphujetatshri halikak-potu, mweyawakletu, Hoyakalu hiyakotanrukaka yinuwakatshri.

Apocalipse 3:4

Seyni satkakhi hixajiji, Sardes poktshi hajenhi hi pitshotamkaluxnawa. Hitayma hyanna mkatshri klatalu makatatshine. Rumukatna klu tshinanu hike hma tshinanwakaxikowakanna tshinanni.

Apocalipse 3:7

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Filadélfia poktshi hajene kosekatshri: “Xye pirana runkakhi Hoyakalu, potukal-potuko, halikak-potu, phuru Davi tshinkalurni chave-te himwatshri. Hkotpukka, hike hichyatlu. Ruchyaxini, hike kotpuklu.