Apocalipse 1:10 - Bíblia

¹⁰ Tsru Hixikatshriwa Cristo hohnerni, Hoyakalu Hiwejikaluru hepixamtno. Tsru plama njema. Notji sreta ruchpaktokanuxya. Kowi hima pixka htshina.

Apocalipse 1:10 Iomraidhean Croise

Mateus 22:43

Waneya wla htshinna: — Seyni klu tshinanhe Davi-ni, Hoyakalu Hiwejikaluru tshinanu, Nutsrukate htshinanwakatlu? Klu tshinanu wla htshinatka:

João 20:19

Waneya hyinuwakle seman-hohne kayno, Jesus hasruklene hapatjetatka ruchyatka hiphaptokaka judeu-ne hamlenu tshinanu. Waneya Jesus hapokatka wanna hanikajite hyopkakatka. Waneya wane htshinna: — Kihle hchinikanuphi.

João 20:26

Waneya pa semana hiknohinixka, wanepjitnakna Jesus hasruklene Tomé-yma. Waneya yáholu hiphaptokaka hichyaluru potuko, Jesus jihlokatka wanna hanikajite hyopkakatka, waneya wla htshinna: — Kihle hchinikanuphi.

Atos 20:7

Waneya domingo hohne kayno hixa ptowrunekwu hapatjetatka pão wjiknajroxyawakapa. Paulo hinkaklewata haté hanikaj-yetshno runkakwu klu tshinanu wale prika wane ruchpajini.

1 Coríntios 12:3

Hiyáhoni himatjemanru xye pirana, hike yineru htowuta Hoyakalu Hiwejikaluru wla htshinyawaka — “Hamhatshripni Jesus.” — Hiyrun-koxa hike yineru himukata wla tshinreta: —“Jesus-ni Nutsrukate” — Hoyakalu Hiwejikaluru masrukkanuklunru hi rumukata wan-tshinreta.

1 Coríntios 16:2

Ptowru domingo hohne hkanipretanru tiyiro psoji waneya himretanru. Satkaka yineru rumukata hikchiklexyawaka pso tiyiro rutakanu. Wan-hixinpatka hi nujhalu tiyiro napatjexyawakpatka hita hix-yehi napojinpatka.

Apocalipse 17:3

Waneya niwejinri ranijyatkano kahnete poktshiri yehi. Waneya wane nexyalo sato suxo kmatsyiru serolu hoho tuplatatshro. Hixo hiwaktshi, Hoyakalu heyikleru wale hoho yonatka. Sete jiwurutu hiyrunu dez hwalutu.

Apocalipse 21:10

Hoyakalu Hiwejikaluru hanikno. Waneya Hoyakalu towreru tenhohne hajeru satu himriji tenolu hitakno. Waneya rekhitno hijhakaluru poktshi tenhohne, Hoyakalu yehi hichpajikatshri wale honukla Hoyakalu poktshite Jerusalém tshinikowaka.