Apocalipse 1:1 - Bíblia

¹ Twu steno raw-yonhata Jesus Cristo hixyawakapa pirana. Hoyakalu yokanatlu xye pirana ruphujexyawakapa rekhixyawakapna htowrene howukchini mapokatpatka pirana. Cristo yokanatlu htowreru hiwejikaluru tenhohne hajeru xyekaka pirana rimatkajyawakaplu htowreru, João tshinkaluru.

Apocalipse 1:1 Iomraidhean Croise

João 12:49

Klu tshinanu hi hitako ntokanu nunkakatkahi seyni Nuru Hoyakalu yokanatno wane ntshinyawakapa, nunkakletanrupa.

João 15:15

Hi towrertshine ntshinatkahi klu tshinanu towrertshinecha hi himatlu towutatshri, htowutjerna hchinikanu. Seyni nimatletanune ntshinatkahi klu tshinanu ptowru tokantshi Nuru Hoyakalu tshinyano njemleru, nunkakatkahi.

João 17:8

Klu tshinanu tokantshi punkajyatkano, wanna nunkakatka. Hiyrun-koxa wale tokantshi ralixna. Pix-yehi hichpajikatshrino halikaka rimathetna hiyrun-koxa rimathetnona pixa yokanatanruno nixyawaka.

João 3:32

Runkakletlu retanru pirana hiyrunu hyijnakotanru pirana. Seyni hike yineru haluk-halixletanru runkakle pirana.

João 8:26

Hixo piranamka numukata tshinrenwakathi hiyrunu hixo pirana tshinanu naluk-himlukantalethi. Seyni halikakalutni nyokanatjeru. Nyanumaxyalu nyokanatjeru tshinyawaka tsonu nunkakjetna xye tshijne hajene.

Romanos 16:25

Wuya wimalwutanru Hoyakalu! Wale himukata halixkaklepotuthi hixa, halixlewluya Jesus Cristo pirana, kihle piranalu potuko hiwekkaklewatatshri pirana, nunkakletleru tshinanu. Waleni halikakalutu pirana phujetanuru hix-hohne potuko mitshikananu yohimakanatkaluru pirana.

Gálatas 1:12

Hike yineru hinkakno wale pirana, hi satukna yineru hasrukno wale. Seyni Jesus Cristo potuko hiphujetpiranatlu hit-yehiya.

Efésios 3:3

Hoyakalu hekhitno hkamhanrupa pirana yohimakanatkaluru. Wale pirana rimatjemkakno. Xye pirana mitshikananu nyonata psotsonu tokantshi hixa tshinanupa.

Tito 1:1

Hita, Paulo-no, Hoyakalu towrerno. Jesus Cristo nurrerno. Hoyakalu nurrene halixlepa tshinanu nyokanatka. Hiyrun-koxa nyokanatka Hoyakalu halukanru homkahixikolu himathexikowakapa halikakalutu tokantshi tshinanu.

Apocalipse 1:19

Hiyáhoni pyonatanru ptowru potuko petanrukaka pirana. Pyonatanru xawakni hakanhatshri pirana petanru hiyrun-koxa hinatshripa pirana petanru.

Apocalipse 1:9

Hita João-no, hix-molekoxno Cristo tshinanu hiyrunu Hoyakalu pohirewaxyawaka hajer-koxno. Hapakapno ptowru salewaktshi tshinanuya hiyrunu kahwakachaklerno Jesus Cristo tshinanuya. Waneya mar powha hanikajite hwatshijitatshri Patmos tshinikowaka nwakanatatka. Kachitkalurukananno klu tshinanu Hoyakalu tokanu nunkakletjekanata hiyrunu Jesus Cristo pirana hiphujetkaluru nunkakletjekanata.

Apocalipse 17:1

Satu wanna sete hiwejikalune Hoyakalu towrerune tenhohne hajene, sete stono salewaktshi yehi hanikatshine, hiynumsatno waneya wla htshinno: — Punanu. Nekhitanyi hanu tixa hapnokatletka tsru pohitkaluro kapoklewaklero, wala honira tsru poktshi hixo honhastsi hwatshroni.

Apocalipse 19:10

Waneya Hoyakalu towreru tenhohne hajerumka nyoptsojityehita nimalwuxyawakaplu seyni wale wan-tshinno: — Hike, hi wane pixanu! Hit-honra pixje kamrurewatatshrino, Hoyakalu towreru, pmoletanune Cristo tshinanu, Jesus hiphujetatshineymalutno. Hiyáhoni Hoyakalu himalwutanu halikaka! Klu tshinanu halikaka pirana Jesus hiphujetleru pirana, Hoyakalu tokanu hinkakletatshine mixkotjeru.

Apocalipse 19:9

Waneya Hoyakalu towreru tenhohne hajeru wla htshinno: — Xye pyonatanu: “Tshanixkalune Carneiro Whene tshinkaluru hnunrowle nikle hapokatshinepa, halikaka poyikowatatshinepa.” Hiyrun-koxa Hoyakalu towreru tenhohne hajeru wla htshinno: — Xyekni Hoyakalu tokanu halikak-potuko.

Apocalipse 21:2

Waneya hita, João-no, hetlu poktshi, Hoyakalu nurreru poktshi, Jerusalém tshinikowaka poktshi herotetkaluru. Hoyakalu yehi, tenhohne hichpajikatshri tshij-hoho hapokatshri. Hihlepokotkaluru hnuruwatatshro pixka hihlepokotkaluro thanurutanrupa tshinanu pixka rixapoktshita.

Apocalipse 21:9

Waneya satu wanna, hiwejikalune Hoyakalu towrerune tenhohne hajene sete, salewaktshikaka stono yehi himwatshine, wla tshinno: — Puna, nekhitapanyi hnuruwpiratatshro, Carneiro Whene tshinkaluru hnunropa.

Apocalipse 22:1

Hiyrun-koxa Hoyakalu towreru tenhohne hajeru hekhitno wenu Honha Hiweklu Heneklewatatshri hiwakatletatshri. Xye wenha katajha potuko, garrafa pixka. Hoyakalu hiyrunu Carneiro Whene Tshinkaluru tuplaxyawaka ruchpajyatka wale wenu.

Apocalipse 22:16

— Hita, Jesus-no yokanatlu ntowreru hiwejikaluru tenhohne hajeru ruphujexyawakaplu xyekaka pirana hixa Cristo tshinanu hapatjetatshinkakhi tshinanu. Hitni pohiru Davi-ni klopichno. Hitni hohisahi hatawnatshrino.

Apocalipse 22:6

Waneya hiwejikaluru Hoyakalu towreru tenhohne hajeru wla htshinno: — Xyekaka tokantshi halikakalutu piranni hiyrunu rakanhanu halikaka. Tsru Hixikatshriwa Hoyakalu, htokanu hinkakletatshine hihchinikanu hepixatshri, yokanatlu htowreru hiwejikaluru tenhohne hajeru rekhixyawakapna htowrene xyekaka pirana chinpotukawa hakanhatshripa pirana.

Apocalipse 22:8

Hita, João-no xye ptowruka njema hiyrunu netlu. Waneya nali jemletlu, nali hetletlu xye ptowruka waneya nihmamta tshiji nyoptsojityehitmaklu hiwejikaluru Hoyakalu towreru tenhohne hajeru, xye ptowruka nekhitjeru jixistsi, nimalwuxyawakaplu.

Apocalipse 22:9

Seyni wale wla htshinno: — Hi wane pixanu, klu tshinanu hita pixje towrertshino hita. Pmoletanru Cristo tshinanu Hoyakalu tokanu hinkakletatshineymalutno hita hiyrunu xye tokantshi xye steno yonaxikaluru homkahitatshine pixkalutno hita. Halikaka Hoyakalu pimalwutanu!

Apocalipse 4:1

Hetanu! Hiphapto hitpukatshri nupjeta tenhohne hwatshri. Waneya niynumsakanatjeru tokantshi kowi hima pixka tshinatshri njema. Wla htshinno: — Hewi teno punanu. Waneya nekhitanyi hipirankaka hakanhatshripa.

Apocalipse 5:7

Waneya Carneiro whene tshinkaluru htuplawakle tuplatatshri nwaka hya. Yonawahlo steno htuplawakle tuplatatshri potukle myo hwatshri, hyoptota Carneiro Whene tshinkaluru.