Zozuwe 9:4 - WẼNNAAM SEBRE 2014

⁴ Gabawõ nebã maana yam n bao neb tɩ b rɩk yol-kʋd n zɩlg b bõensã, la b bao ko-wao-kʋd sẽn pãrs tɩ b maneg n sẽ.

SEBR SÕNGO

⁴ b bao yam sɩlenga n kõ b menga. B maana b mens wa so-toagdba, n zɩlg b bõeens ne yond la rãam waoos sẽn po tɩ b zap-zape.

Zozuwe 9:4 Iomraidhean Croise

Sɩngrẽ 34:13

A Zakoob kambã maaga b meng n leoka a Sɩkɛm ne a ba a Hamoor ne sɩlem, a Sɩkɛm sẽn sãam bãmb tão a Dina wã yĩnga.

Yɩɩn‑sõamyã 119:83

Baa mam sã n wa n lebg wa ko-waoog bug-zõos sẽn kʋɩɩse, mam ka yĩmd yãmb tõodã yell ye.

A Matiye Sõng 10:16

Ade, mam tʋmda yãmb wa piis digd-n-yĩids sʋka. Dẽ yĩnga, yɩ-y yam dãmb wa wiisi, la y yɩ neb sẽn ka tar yell ye, n yaa wa wala.

A Matiye Sõng 9:17

Ned ka be sẽn na n sui reezẽ rã-paalg ko-wao-kʋdẽ ye. Sã n ka rẽ, ko-waoosã na pusi, tɩ rãamã raage, la ko-waoosã na n yɩɩ bõne. B tog n suii reezẽ rã-paalg ko-wao-paals pʋse. Woto, rãamã ne ko‑waoosã fãa kõn sãam ye.

A Mark Sõng 2:22

Ned ka be sẽn na n sui reezẽ rã-paalg ko-wao-kʋdẽ ye. Sã n ka rẽ, ko-waoosã na pusi, tɩ rãamã raage, la ko-waoosã na n yɩɩ bõne. Reezẽ rã-paalg tog n suii ko-wao-paals pʋse.

A Luk Sõng 16:8

La a zu-soaba pẽga a tʋʋmã taoor soab sẽn ka tɩrgã, a sẽn maan yamã yĩnga. Bala, dũni‑kãnga neb maanda yam ne taaba, n yɩɩd vẽenem kambã.

Zozuwe 9:12

Ges-y tõnd burã. Tõnd sẽn wa n yit yir n na n wa yãmb nengẽ wã, rẽ t'a ket n yaa tʋʋlga. La moasã, a kʋɩɩ fasɩ n lebg gɩrse.

Zozuwe 9:13

Ko-wao-bãmbã yãmb sẽn ne wã, tõnd sẽn wa n suiid-b dɩvẽ wã, rẽ tɩ b yaa paala, la moasã, b pãrsame. Tõnd futã ne d neooda wã yãmb sẽn ne tɩ sãama zãngã, yaa sorã sẽn yaa wokã yĩnga.»

Zozuwe 9:3

Gabawõ nebã me wʋma a Zozoe sẽn maan Zeeriko ne Ayi bũmb ningã.

Zozuwe 9:5

Bãmb dag n wida neood-zagd b sẽn maneg n zape, la b yeelg fu-kʋɩdse. La burã b sẽn dag n zãadã yaa bur-koeems sẽn kao-kao.