Zozuwe 9:18 - WẼNNAAM SEBRE 2014

¹⁸ Israyɛll nebã ka kʋ-b ye, kãsem-dãmbã sẽn dag n maan kaool ne bãmb ne Sẽn-Ka-Saab sẽn yaa Israyɛll Wẽnnaamã yʋʋrã yĩnga. La nebã fãa yẽgma ne Israyɛll kãsem-dãmbã.

SEBR SÕNGO

¹⁸ A Israyɛl ka tak zabr ne b ye, a sẽn da wẽen ne Soaala-Wẽnda yĩnga. La zãma wã sɩnga guglengu ne taoor dãmbã.

Zozuwe 9:18 Iomraidhean Croise

2 Sãmwɛlle 21:7

La rĩmã basa a Sayull biig a Zonatã biig a Mefibosɛt n ka kʋ, wẽeneg ning yẽnda sẽn dag n wẽen ne a Zonatã Sẽn-Ka-Saab taoorã yĩnga.

Yɩɩn‑sõamyã 15:4

Yẽnda kisa ned sẽn maand wẽnga, la a waoogda neb nins sẽn zoet Sẽn-Ka-Saabã. Yẽnda sã n maan pʋlengo, ba sã n na n yɩɩ toog ne-a, a ka lebsd a noor poorẽ ye.

Kowelɛt 5:2

Sɩd me, yɛl wʋsg tagsg sẽn wat ne zãmsdã, woto me, yaa goam wʋsgã pʋg la b bãngd yalem koɛɛg n bake.

Kowelɛt 5:6

Bala, zãmsd sã n yaa wʋsgo, yel-yaalsã me yaa wʋsgo. Woto me, goam sã n yaa wʋsgo yel-yaalsã me yaa wʋsgo. Dẽ wã, bɩ f zoe Wẽnnaam.

Kowelɛt 9:2

Yẽnda geta a yiibã fãa wa zaalem. Yel-bãmb fãa paamda nebã fãa. Yell ning sẽn paamd nin-tɩrg paamda nin-wẽnga. Yell ning sẽn paamd ned ning sẽn yaa-a yɩlemdã paamda ned ning sẽn ka-a yɩlemdã. Yell ning sẽn paamd ned ning sẽn maand-a maand paamda ned ning sẽn ka maand-a maando. Yell ning sẽn paamd nin-sõngã paamda yel-wẽnã soaba. Yell ning sẽn paamd ned ning sẽn wẽendã paamda ned ning sẽn ka wẽend-a wã.

Sõadga 30:3

Ned sã n pʋlem t'a na n kõ Sẽn-Ka-Saabo kũuni, bɩ a wẽename t'a na n maana bũmbu, bɩ a ra bas n ka pids ye. Yẽnda tog n modg n pidsa bũmb ning sẽn yi a noorẽ wã.

Yaoolem 23:22

Fo sã n pʋlem Sẽn-Ka-Saab sẽn yaa yãmb Wẽnnaamã, bɩ f ra kaoos n dol f pʋlemdã ye. Bala, Sẽn-Ka-Saab sẽn yaa yãmb Wẽnnaamã na n ninga foom taal tɩ lebg fo yel-wẽnde.

Yaoolem 23:23

Fo sã n ka pʋlme, kongr ka be f zug ye.

Yaoolem 23:24

Gũus ne bũmb nins fãa fo sẽn gomdã, la f rol pʋlemd ning fãa fo sẽn pʋlem Sẽn-Ka-Saab sẽn yaa yãmb Wẽnnaamã ne yamleoogã, tɩ yaa f meng noor n gome.

Zozuwe 9:17

Israyɛll nebã n yikame na n kẽng b tẽngẽ wã, la b taa beenẽ rasem a tãab pʋgẽ. Tẽn-kãens la woto: Yaa Gabawõ, Kefira, Beerote la Kiryat-Yeyarim.

Zozuwe 9:19

La kãsem-dãmbã yeela Israyɛll nebã yaa: «Tõnd maana kaool ne bãmba, ne Sẽn-Ka-Saab sẽn yaa Israyɛll Wẽnnaamã yʋʋre. Dẽ wã, tõnd ka leb n tõe n sɩɩs-b ye.